VOV4.Jarai-Ngă pơgiong bruă mă pơgang guai lo\n ia, rơnuk rơnua kơ dêh ]ar, [ing khua mua ling tơhan pơgang guai dêh ]ar Puih kơđông Srepok Daklak, do\ je\ giăm hăng mơnuih [on sang, djru pơtô bruă ngă hmua pla pơjing tui hơdră phrâo, djru mơnuih [on sang kual giăm guai lo\n ia [ơi să Krông Na, tơring glông {uôn Đôn pơđ^ kyar tơlơi bơwih [ong huă, hơđong tơlơi hơdip mơda.

Rơbêh 10 thun laih đuăi mơ\ng plơi hơđăp pơ Kiên Giang, nao ako\ pơdong tơlơi hơdip mơda phrâo [ơi {on Trí B, să Krông Na, tơring glông {uôn Đôn, sang ano\ ơi Danh Quân, djuai ania Khmer dưi pơklaih mơ\ng tơlơi ư\ rơpa, hơmâo tơlơi hơdip mơda hơđong.

Hơdor glăi hơdôm thun giăm anai, ơi Danh Quân brơi thâo, tơlơi hơdip mơda pơ kual lo\n phrâo hăng gơ`u tơnap tap biă mă.

H'Aly Êban mơak hơmâo ia yua hơdjă kơ sang ano\ pô

{u hơmâo prăk tuh pơ alin bơwih [ong huă, sang ano\ gơ`u kơnong [ong bu hăng a`ăm hla rơ\k tơ\k đô] kiăng rơgao hrơi.

Ako\ thun 2015, sang ano\ ơi Quân hơmâo Puih kơđông tơhan Srepok djru dua drơi rơmô tơnô ania ba glăi rông.

Hrom hăng anun, [ing khua mua hăng ling tơhan pơgang guai lo\n ia nao e\p lăng na nao pơtô ba, pơ]râo brơi hơdră rông rơmô hăng pơhlôm klin.

Rơmô ania rông tal blung, `u s^ hơmâo kơmlai giăm 10 klăk prăk. Hơmâo laih prăk tuh pơ alin `u pla rơ\k kơplah wah amăng đang boh kruăi mih 200 phun, blơi đing dưm truă bruih ia hơjăn amăng bơyan phang, laih  dơ\ng rông bui glai pioh pơđ^ tui hơnong pơhrui glăi kơ sang ano\.

Ơi Quân lăi, yua kơ hơmâo adơi ayong ling tơhah djru pơtô ba, djru rơmô rông sang ano\ gơ`u hrưn đ^, pơđ^ kyar bơwih [ong huă, laih anun pơtrut lu sang ano\ pơko\n ăt pơklaih mơ\ng tơlơi ư\ rơpa:

‘’Gah tơhan pơgang guai dêh ]ar ăt je\ giăm ană plơi. Ta mơnuih mơ\ng tơring ]ar pơko\n ataih rai pơ anai, ăt gir run hrưn đ^.

Tơhan pơgang guai dêh ]ar tơring ]ar Daklak nao e\p lăng na nao bruă rông rơmô mơnuih [on sang gơ`u djru ba

Hơmâo rơmô amăng war, ăt gir run pla rơ\k anai pioh ]em rông rơmô klă [iă, brơi arăng [uh laih anun đăo kơnang kơ ta amăng bruă ]em rông  rơmô ba glăi boh tơhnal tu\ yua hloh, tơdơi anai đah mơ\ng hrăm tui, gir run hrom hơbit hrưn đ^ pơklaih mơ\ng tơlơi rin rơpa’’.

{u djơ\ kơnong hơjăn sang ano\ Danh Quân đô] ôh, lu sang ano\ pơko\n do\ pơ să giăm guai dêh ]ar ]i Krông Na, tơring glông {uôn Đôn ăt hơmâo tơlơi djru mơ\ng Puih kơđông tơhan pơgang guai dêh ]ar Srepok.

Trung tá Lê Hải Thanh, khua apăn bruă kơđi ]ar puih kơđông Srepok brơi thâo, anom bruă gơ`u hơmâo djru lu hơdră pơđ^ kyar tơlơi bơwih [ong huă kah hăng ]em rông rơmô tuh ană, rông rơmô pioh s^…

Kiăng ngă gêh gal kơ mơnuih [on sang đăo kơnang, [ing khua mua, ling tơhan puih kơđông hơmâo ngă gru hlâo.

Dơ\ng mơ\ng anun pơtô lăi mơnuih [on sang brơi ngă tui hơdră ngă hlâo anai, pơtô pơ]râo [ơi anăp mơta arăng [uh, arăng hmư\ hăng ngă tui tu\ yua hloh mơ\ng tơlơi pơtô lăi anun:

‘’Ngă tui hơdră tơhan pơgang guai dêh ]ar man pơdong plơi pla phrâo, anom bruă pơphun brơi truh pơ 15 boh plơi pla, pơkra ming hơdră rông rơmô s^ mơnong hăng rông rơmô tuh ană.

Rơđah biă `u, jak iâu mơnuih ping gah do\ amăng plơi pla pơđ^ tui tơlơi gơgrong amăng bruă pơgang guai dêh ]ar ăt kah hăng tơlơi bơwih [ong huă’’.

Krông Na le\ să [un rin kual giăm guai lo\n ia [ơi tơring glông {uôn Đôn, Daklak, ayuh hyiăng lo\n glai tơnap tap biă mă, anun tơlơi bơwih [ong huă mơ\ng mơnuih [on sang [u gêh gal đơi ôh.

{u djơ\ kơnong djru ană plơi pla, [ing khua mua hăng ling tơhan pơgang guai dêh ]ar do\ djru mơnuih [on sang e\p ia yua hơdjă.

Neh H’Aly Êban djuai ania Êđê, plơi Ea Mar, să Krông Na brơi thâo, hlâo adih, kiăng hơmâo ia yua le\ mơnuih [on sang khom nao pơ ataih biă mă gui ia.

Ia krông, ia hnoh ]ơkol laih, klơi ia bơmun wơi le\ kơnong amăng bơyan hlim đô], tăp năng bring jă [u thâo mơ`um ôh.

Dơ\ng mơ\ng thun 2012, plơi Ea Mar hơmâo khul khua mua jak iâu ngă tui hơdră ‘’Bơbung sang pơđao brơi kơ mơnuih [un rin kual guai dêh ]ar’’ tơring ]ar Daklak, yua Ding jum ling tơhan pơphun djru brơi bruă klơi ia bơmun wơi hăng man pơdong [êh pơdong ia, tơlơi tơnap kơ[ah ia kơ mơnuih [on sang dưi pơsir h^, djop pô mơak soh:

‘’Hlâo adih ia yua tơnap kơ[ah biă mă, khom nao pơ ataih kah hơmâo ia, so# ia amăng  gêh ]ai.

Dơ\ng mơ\ng ding jum ling tơhan djru ring bruă ba ia yua pơ anai mơnuih [on sang hơmâo ia yua gêh gal hloh, huăi nao pơ ataih mă ia dơ\ng tah, laih anun ia pioh mơnơi hơgơi, boh sum ao ăt plai [iă mơn. Ia jơngeh hơdjă, huăi bring jă ôh’’.

Să Krông Na ră anai, hơmâo giăm 1.500 boh sang ano\ hăng rơbêh 5 rơbâo mơkrah mrô mơnuih [on sang 13 djuai ania adơi ayong do\ hrom.

Yua hơmâo tơlơi djru mơ\ng lu anom bruă hăng ling tơhan pơgang guai dêh ]ar, hơdôm thun rơgao, khă bưp tơlơi tơnap tap hai, samơ\ tơlơi tơnap tap anun dưi pơsir h^ laih, hơnong pơhrui glăi mơ\ng mơnuih [on sang mă bruă sa thun 12 klăk prăk. Ơi Đặng Văn Hà, Kơ-iăng Khua să Krông Na, tơring glông {uôn Đôn  lăi:

‘’Tui hăng boh yom phun hơmâo k^ pokôl 2 boh anom bruă ping gah dua anom bruă djru lăi pơthâo tơlơi pơhing tơdruă amăng lăm hăng gah rơngiao guai dêh ]ar.

Dơ\ng mơ\ng pơdah thâo hơdră ngă bruă rơđah rơđong hloh pioh pơgang guai lo\n ia, pơgang tơlơi rơnuk rơnua kơ mơnuih [on sang.

Laih dơ\ng ba tơbiă lu hơdră pơđ^ kyar tơlơi bơwih [ong huă kơ mơnuih [on sang, anun yơh thun blan rơgao hơmâo ba glăi lu boh tu\ yua klă amăng bruă bơwih [ong huă mơnuih mơnam, pơđ^ tui hơnong pơhrui glăi jai hrơi lu hloh’’.

{u djơ\ kơnong ngă klă bruă pơgang tơlơi rơnuk rơnua lo\n ia [ơi kual giăm guai dêh ]ar, hơdôm khua mua, ling tơhan akă grat ia mơtah mơ\ng puih kơđông Srepok do\ djru ană plơi pla să Krông Na, tơring glông {uôn Đôn e\p jơlan hơdră pơđ^ kyar bơwih [ong huă, bơblih phrâo tơlơi hơdip mơda.

Dơ\ng mơ\ng anun, mơnuih [on sang hơmâo tơlơi hơdip mơda hơđong, hrom hăng ling tơhan pơgang guai lo\n ia laih anun djop anom bruă kơnuk kơna pơgang kjăp tơlơi rơnuk rơnua guai lo\n ia, tơlơi rơnuk rơnua kơ mơnuih [on sang.

Nay Jek: Pô ]ih hăng pôr