VOV4.Jarai-Ngă tui jơlan hơdră [u brơi tla prăk apui lơtrik hăng prăk mơta amăng bruă nôp prăk apah apui lơtrik, mơ\ng kông ty apui lơtrik Daklak, gir run ngă hrom hăng lu sang bruă prăk laih anun brơi djru pơhrui mă prăk yua apui lơtrik mơ\ng mơnuih [on sang.

Khă hnun, bruă ngă anai ăt tơnap tap, gun gan, yua lu mơnuih [on sang yua apui lơtrik do\ pơ pơ plơi jing mơnuih ngă hmua, aka juăt mă yua ôh mă prăk, mơ-it prăk amăng măi  suăi prăk ATM, lơ\m anun bruă djru pơhrui brơi prăk apah yua apui lơtrik le\ aka [u gleng nao ôh pơ kual ataih, kual asuek amăng tơring ]ar.

{ơi plơi prong {uôn Ma Thuôt mơtam, r^m blan, ơi Lê Ngọc Hải do\ pơ phường Ea Tam, ăt khom đ^ rơdêh thut nao pơ ataih 4 km kah mơ\ng truh pơ anih kông ty apui lơtrik Daklak kiăng nôp prăk apui lơtrik.

Rơngiao kơ prăk yua apui lơtrik amăng sang ano\, ơi Hải do\ [ôp prăk yua apui lơtrik bruih ia kơ phun pla, đang kơphê hăng đang bơnga, r^m blan prăk yua apui lơtrik sang ano\ gơ`u nôp dơ\ng mơ\ng 400 rơbâo truh kơ 500 rơbâo prăk.

Khă thâo mơn [u gêh gal, tăp hang kơ do\ ngă hmua, wor rơbit h^ hrơi nao nôp prăk apui, arăng pơdjai h^ apui, ơi Lê Ngọc Hải khom mă prăk mơta nao tla prăk apui pơ kông ty apui lơtrik:

 ‘’Sit truh hrơi pơkă, kâo rai nôp prăk pơ anai yơh. Tui hluai ta yua apui lơtrik lu hă [iă, r^m blan dơ\ng mơ\ng 400 rơbâo truh kơ 500 rơbâo prăk.

Arăng pơkă r^m blan sit truh lơ 19 le\ arăng hyu mă prăk apui. Tơdah kaih rai nôp prăk hă, arăng ngă thăm apui mơtam yơh.

Nao mơ-it prăk amăng ATM hă, [u tu\ yua ôh lah, tơnap biă, ta ngă hơge\t mơ-it prăk amăng anun koh, ngă hoge\t koh?’’.

Amăng plơi prong tui anun baih, bruă hyu mă prăk yua apui lơtrik mơ-it amăng mrô, sang bruă prăk kual plơi pla, lu kơ mơnuih [on sang jing mơnuih ngă hmua, jai kraih tơnap hloh.

Ơi Nguyễn Văn Sĩ-Khua anom bruă apui lơtrik Ea Sup brơi thâo, tơring glông gơ`u le\ kual giăm guai dêh ]ar, kơnong hơmâo sa boh sang bruă prăk đô], bơ anom bruă djru mă prăk apah yua apui lơtrik le\ sang dăng kông.

Yua kơ anun, bruă tla prăk apui lơtrik, ăt khom nao tla  hăng prăk mơta mơn ta`:

 ‘’Bruă tla prăk apui lơtrik [ơi tơring glông Ea Sup anai tơna tap biă mă. Biă mă `u tla prăk kơnang kơ sang bruă prăk, pơ anai hơmâo sa boh sang bruă prăk đô], anun le\ sang bruă prăk gah bruă ngă hmua Agribank.

 Măi ATM ăt kơ[ah mơn. Anun yơh, mơnuih [on sang pok mrô ]ih anăn tla prăk amăng sang bruă prăk hă tơnap biă mă.

Jơlan glông nao rai, plơi pla taih ha bit anun pơphun bruă mă brơi tla prăk apui lơtrik [u tu\ yua ôh. Pơ anai, kơnong kơ sang dăng kông đô] djru brơi’’.

Hăng bruă mă pơ lu anih, Sang bruă prăk gah đang hmua hăng pơđ^ kyar [on lan Daklak, ră anai hơmâo rơbêh 130 rơbâo ]ô mơnuih mơ-it prăk, amăng anun 60 rơbâo ]ô tuai ]an prăk, 70 rơbâo ]ô mơ-it prăk, gêh gâl yơh kơ bruă tla prăk hăng sang bruă prăk pô mă brơi.

Samơ\ ră anai kiah hơmâo 30 rơbâo ]ô đô] tla prăk hăng mrô sang bruă prăk. Ơi Phan Thông Thái-Kơ-iăng khua sang bruă prăk gah bruă ngă hmua hăng pơđ^ kyar plơi pla Daklak brơi thâo, anom bruă gơ`u ăt ngă gêh gal klă kơ mơnuih [on sang tla prăk apui hăng sang bruă prăk gơ`u:

 ‘’{ing gơmơi kiăng yơh tla prăk amăng sang bruă prăk djơh hăng anun. Gơmơi pok pơhai truh pơ djop sang bruă anet gah gơmơi wai lăng, kiăng jak iâu mơnuih [on sang pok prô, mơ-it prăk pioh tla prăk apui kơnang kơ sang bruă prăk.

Rơngiao kơ anun, [ing gơmơi do\ pơdah thâo pơ gơnong dlông sa hơdră brơi ]an pơhlưh tla prăk hnưh kơ sang ano\ mơnuih [on sang ngă hmua, hlơi pô ngă bruă re se hăng sang bruă prăk gah bruă đang hmua hăng pơđ^ kyar [on lan tơring ]ar dơ\ng mơ\ng 1 klăk truh kơ 2 klăk pioh tla prăk apui lơtrik.

Tơdah [ing tuai hơmâo laih mrô mơ-it prăk r^m blan gơmơi e\p lăng 6 wơ\t. Sit [uh tuai hơmâo prăk laih gơmơi hlong mơ-it brơi kơ sang bruă apui lơtrik hơdôm rơnoh prăk yua apui lơtrik anun’’.

Kông ty apui lơtrik Daklak ră anai wai lăng, s^ mơdrô apui lơtrik kơ rơbêh 500 rơbâo ]ô tuai mă yua, amăng anun 440 rơbâo boh sang ano\ pơke\ apui lơtrik yua amăng sang ano\.

Kông ty hơmâo k^ hră apah yua apui lơtrik hăng 14 boh sang bruă prăk laih anun 6 grup tla prăk mơ\ng sang bruă prăk anai.

Ơi Lê Hoài Nhơn-Kơ-iăng Khua kông ty apui lơtrik Daklak lăi pơtong, bruă tla prăk apui kơnang kơ sang  bruă prăk jing bruă mă pơhrui brơi prăk apah yua apui lơtrik, djru gơ`u yua [u hơmâo mơnuih mă bruă đô], mă prăk djơh hăng anun ta` hloh, tơpă laih anun ngă gêh gal kơ tuai amu` hloh amăng bruă tla prăk, kiăng huăi arăng pơdjai h^ apui lơ\m aka hmao nao  tla prăk:

‘’Kơnuk kơna glăk anăp nao kơ bruă lui h^ tla prăk apui lơtrik jao prăk mơta, [ing gơmơi ăt ngă hrom djop sang bruă prăk, pơtrut mơnuih [on sang ]ih anăn mrô mơ-it prăk, prăk pơmut mă hơjăn.

Tơdah hơmâo mơnuih pơhrui brơi prăk tla, gơmơi hơmâo hră k^ pơkôl nao rai tong ten biă mă, pơpha mơnuih mă bruă pơ kual plơi pla, ngă gêh gal kơ mơnuih [on sang nao duh prăk yua apui lơtrik’’.

 {uh rơđah, bruă tla prăk apui lơtrik kơnang kơ tơlơi mơ-it prăk amăng sang bruă prăk jing kah hăng bruă mă brơi prăk mơnuih [on sang tla prăk apui kơ` pơgi, kiăng pơsur ngă tui.

Khă do\ lu tơlơi tơnap tap, samơ\ kông ty apui lơtrik Daklak ăt pơtrut kơtang bruă mă pơtô pơblang brơi mơnuih [on sang ngă tui, khut khăt brơi ngă tui jơlan hơdră anai kiăng djơ\ hăng tơlơi kơnuk kơna pơtrun, kiăng truh abih thun anai amra hơmâo 60% mrô tuai tla prăk apui  lơtrik tui hơdră pơmut prăk pơ sang bruă prăk [udah kơnang kơ arăng mă brơi prăk tla anun.

Nay Jek: Pô ]ih hăng pôr