VOV4.Jarai-Kiăng pơgang klă tơlơi rơnuk rơnua, hơđong [u djơ\ kơnong hơjăn bruă mă mơ\ng tơhan pơgang rơnuk rơnua dêh ]ar đô] ôh, jing tơlơi glăm ba ngă hrom mơ\ng abih bang mơnuih [on sang, yua kơ anun hơdôm thun rơgao bruă mă ‘’Abih bang mơnuih [on sang gum hrom pơgang tơlơi rơnuk rơnua dêh ]ar’’ dưi pok pơhai kơ lu mơnuih ngă tui, laih anun [uh hơmâo lu hơdră ngă bruă djơh hăng anai tu\ yua.

Biă mă `u hơdră ‘’Jua teng tơlơi rơnuk rơnua’’ [ơi tơring glông Dak Song, tơring ]ar Daknông tơdơi kơ 3 thun ngă tui pok pơhai ba glăi boh tu\ yua klă amăng bruă pơhlôm, pơgang tơlơi rơnuk rơnua pơkơdong glăi hăng [ing soh sat, djru hrom pơgang tơlơi rơnuk rơnua hơđong, pơtrut tui tơlơi bơwih [ong huă pơđ^ kyar mơnuih mơnam amăng plơi pla.

}i tlam [ơi kual guai dêh ]ar kret kruai, krep 5 mông tlam, hmư\ sa wơ\t jua teng amăng plơi pla thôn 8, să Thuận Hà, tơring glông Dak Song, tơring ]ar Daknông.

Ơi Trần Bá Tuyết,  mơnuih [on sang amăng plơi brơi thâo, anun le\ jua teng lăi pơthâo hơmâo tơlơi amăng plơi, yua kơ grup pơgang rơnuk rơnua amăng plơi pô atông, kiăng pơtă pơtăn djop pô thâo kơđiăng hu\i kơ tơlơi arăng dop kưp dram gơnam amăng mơmo\t mlam.

Hlâo adih lơ\m aka pok pơhai bruă ngă anai, tơlơi arăng dop kưp dram gơnam hơmâo na nao r^m hrơi.

Samơ\ tơdơi kơ 2 thun pok pơhai, tơlơi rơnuk rơnua hơđong amăng plơi dưi pơgang kjăp, tơlơi soh sat mơnuih mơnam tơlơi ]rih ]ruai ăt dưi pơgăn, mơnuih [on sang hơđong pran jua.

‘’Hlâo adih aka [u hơmâo ôh hơdră ‘’Jua teng pơgang rơnuk rơnua’’, tơlơi pơhing pơ anai lu\k pu\k biă mă.

Tơdơi kơ sa thun pok pơhai hơdră bruă ‘’Jua teng pơgang rơnuk rơnua’’ mă bruă: sit atông teng hơmâo tơlơi bơkơnal pha ra, lăi pơthâo jua atông teng hiư\m kiăng thâo, hơmâo tơlơi hă [udah jua teng brơi răng kơđiăng kơ mơnuih [on sang thâo hluh.

Dơ\ng mơ\ng anun plai [iă hơmâo tơlơi soh sat dop kưp mơ\ng anih pơko\n rai. Truh ră anai, amăng plơi gơmơi huăi hơmâo tơlơi dop kưp, pe\ tiu, rua] kơphê kah hăng hlâo dơng tah.

Bruă mă mơak gru grua mơnuih mơnam ngă tui klă hiam’’.

Tui hăng ơi Nguyễn Đình Lượng, Khua kông ang să Thuận Hà, tơring glông Dak Song le\, hơdôm boh plơi thôn 7, thôn 8 giăm jơlan guai hăng dêh ]ar Kur, kơnong 1 km đô].

Pơ anai jơlan nao rai amăng plơi pla, jơlan prang mrô 14 B găn nao. Djơ\ bơyan pe\ kơphê, hơpuă yuă pơdai kơtor, mrô mơnuih mơ\ng anih pơko\n rai mă bruă apah, do\ hơdip mơda jăng jai lu biă mă.

Biă mă `u amăng bơyan rơnu] thun, giăm hrơi ngă yang thun phrâo tơlơi pơhing rơnuk rơnua tơnap tap biă mă; hơmâo na nao tơlơi dop kưp dram gơnam ngă kơ mơnuih [on sang [u hơđong pran jua ôh.

Kiăng pơđ^ tui tơlơi thâo hluh kơ ană plơi pla, răng kơđiăng pơhlôm pơgang mă pô, pơgăn tơlơi soh sat, pơhlôm tơlơi rơnuk rơnua amăng plơi pla, Kông ang să pok pơhai hơdră bruă anăn ‘’Jua teng pơgang rơnuk rơnua’’.

Tui hăng tơlơi phiăn pơtrun kơ bruă mă, sit truh 5 mông tlam atông yơh teng, brơi mơnuih [on sang thâo hăng răng kơđiăng, hu\i hơmâo [udah [uh mơnuih mơ\ng anih pơko\n nao, [u hơmâo pô thâo krăn, brơi ană plơi pla răng, krăo lăng hu\i hơmâo tơlơi dop kưp amăng tlam mơmo\t.

Truh 10 mông mlam, atông dơ\ng teng sa wơ\t, pơtă pơtăn djop mơnuih brơi kơđiăng, rơmet gơnam tam klă hlâo kơ pit đih, lăng phim, pơdơi pơdă laih anun ăt kơđiăng mơ\n dram gơnam amăng sang ano\ lơ\m pit đih.

Biă mă `u, amăng plơi pla sit hơmâo tơlơi dop kưp [udah tơlơi hơge\t thơ `u pha ra le\, atông teng ană plơi pla đuăi nao pơgăn [ơi djop arăt jơlan klah, kiăng kiăo mă mơnuih sat, kle\ dop.

Truh ră anai, thôn 7 hăng thôn 8, să Thuận Hà, hơmâo tol yol 5 boh teng [ơi anih phun. Ơi Nguyễn Đình Lượng, Khua kông ang să Thuận Hà, tơring glông Dak Song, tơring ]ar Daknông lăi pơtong:

‘’Tơdơi kơ gơmơi ako\ pơjing dua bruă anai, mơnuih [on sang hur har ngă hrom bruă pơgang tơlơi rơnuk rơnua kơ dêh ]ar, tơlơi pơhing rơnuk rơnua mơak klă mơnuih mơnam hơđong pran jua [ơi dua boh plơi anai.

Biă mă `u tơlơi dop kưp gơnam tam, ngă tui dua hơdră anai tu\ yua biă mă pơgăn arăng dop kưp.

Prăk pioh pok pơhai ngă tui hơdră anai yua mơnuih [on sang djru hăng khua plơi jak iâu pơ]ruh’’.

Pơkă hăng hlâo adih, tơlơi rơnuk rơnua amăng plơi, thôn 7 hăng thôn 8 hơmâo lu tơlơi bơblih phrâo, hiam klă, boh nik `u dơ\ng hơmâo hơmâo bruă atông teng pơgang tơlơi dop kưp.

Tơlơi tu\ yua mơ\ng hơdră bruă anai, kiăng pơtrut pran jua ană plơi ngă tui djơ\ tơlơi phiăn kơnuk kơna, thâo răng kơđiăng, gir lăi pơthâo, thâo krăn mơnuih soh, bruă mă [u djơ\ brơi kơnuk kơna thâo hang pơgăn.

Dơ\ng mơ\ng anun djop anom bruă kơnuk kơna amra pơsir ta` tơlơi soh glăi, kiăng ba glăi tơlơi mơak klă kơ mơnuih [on sang.

Tui hăng hăng Trung tá Nguyễn Đức Thùy, Kơ-iăng Khua kông ang tơring glông Dak Song, tơring ]ar Daknông le\, tơring glông hơmâo pok pơhai ngă tui hơdră anai tu\ yua biă mă kah hăng:

‘’Plơi pla rơnuk rơnua huăi hơmâo mợnuih soh laih anun tơlơi soh sat mơnuih mơnam’’ [ơi să Nâm N’jang, ‘’Jua teng rơnuk rơnua mơnuih [on sang’’ tơring kual Đức An hăng să Thuận Hà, hơdră wai lăng mă tơlơi rơnuk rơnua sang hră, să huăi hơmâo ma túy pơ do\, anun le\ să Dak N’drung, [u hơmâo tơlơi ngă soh glăi tơlơi phiăn kơnuk kơna pơ să Trường Xuân…..

‘’Kơnang kơ bruă pok pơhai hơdôm bruă mă tui anun, mơnuih [on sang thâo hluh dlam tơlơi gơgrong mơ\ng pô, pơgang tơlơi rơnuk rơnua ăt kah hăng pơđ^ tui tơlơi răng kơđiăng amăng plơi pla.

Dơ\ng mơ\ng pok pơhai bruă ngă djơh hăng anai, tơlơi rung răng ngă soh tơlơi phiăn [uh bơblih laih.

Biă mă `u, hơmâo plơi pla rơnuk rơnua, kah hăng thôn 8 să Trường Xuân; thôn 7 să Thuận Hà, grup mrô 7,  thôn 8 tơring kual Đức An’’.

Pok pơhai bruă mă abih bang mơnuih [on sang pơgang tơlơi rơnuk rơnua hăng ako\ pơdong, djă bong kjăp bruă mă pơgăn tơlơi soh sat [ơi tơring glông Dak Song glăk ba glăi boh tu\ yua sit nik, iâu pơtum djop anom bruă, mơnuih [on sang;

 Râo pơdưh djop pô khom thâo răng kơđiăng amăng sang ano\, plơi pla laih anun pơkơdong glăi hăng tơlơi soh sat, kiăng pơgang tơlơi rơnuk rơnua mơnuih mơnam amăng plơi pla.

            Nay Jek: Pô ]ih hăng pôr