VOV4.Jarai-Tom brơi lơ 28/9, [ơi plơi prong Gia Nghĩa, Khul mơnuih [on sang ngă hmua tơring ]ar Daknông jơnum pơ[ut bruă mă mơnuih [on sang ngă hmua pơplông mă bruă hmua, pơkra pơjing gơnam s^ mơdrô rơgơi, gum pơgop djru ngă pơdrong laih anun pơhro\ tơlơi rin rơpa hơđong kjăp đơ đam tơring ]ar tal III, mơng thun 2012-2016. 5 thun laih rơgao, đơ đam tơring ]ar hơmâo rơbêh 23.900 boh sang ano\ dưi tu\ yap sang ano\ mơnuih [on sang ngă hmua  hăng s^ mơdrô rơgơi, r^m thun đ^ tui 1000 boh sang ano\. Mrô sang ano\ ngă hmua s^ mơdrô prong, pơhrui glăi rơbêh 1 klai prăk sa thun jai hrơi lu tui. Hơdôm hơbo# bơwih [ong huă rơgơi ba glăi boh tu\ yua lu kah hăng pla hơbơi ]ên, hơbơi prang, boh kuga sơ\l mriah, boh kruăi hre\, bơwih kơ bruă s^ mơdrô hăng ta] rơngiao; hmua blôk prong pla boh troh hmư\ hing kah hăng pla kơphê, tiu, hơđong kjăp, rông hlô mơnong, hlô glai…

Nay Jek: Pô ]ih hăng pôr