VOV4.Jarai - Pơwơ\t glăi tơlơi hơdip, [u hơmâo prăk tuh pơ alin, [u rơguăt bruă, samơ\ yua gir hrăm tui, khin pơmin khin ngă, lu tơhan hơđăp [ơi Danông pơtrut tui tơlơi rơgơi, pran jua ngă tơhan, găn rơgao abih tơlơi tơnap tap, hrưn đ^ bơwih [ong pơdrong.

Mơng hlâo do\ mă bruă [ơi trung đoàn 498 – Anom git gai tơhan Đặc công, truh thun 2008, tơdơi kơ pơdơi bruă thun tha, tơhan hơđăp ơi Hoàng Văn Phượng ( plơi pla hơđăp pơ tơring ]ar Thái Nguyên) hro\m hăng sang ano\ nao bơwih [ong pơ să C|ư\ Knia, tơring glông C|ư\ Ju\t, Daknông.

Ơi Hoàng Văn Phượng brơi thâo, hrơi blan blung a glăi do\ pơ anai aka [u juăt ôh, lăng hling hlang biă, [u rơguăt ngă hmua pla pơjing, rông hlô mơnong ôh, yua hnun, sang ano\ tơnap biă mă.

Samơ\ hăng tơlơi pơmin, pran jua ling tơhan rơnuk Wa Hồ, [u gưt brơi sang ano\ rin, hăng hơdôm asar prăk blung a, ơi Phượng c\an mă prăk mơng sang prăk blơi 2 ektar đang tiu.

Yua kơ triăng kơtang, gir ngă bruă, tơdơi kơ rơbêh 10 thun bơwih [ong, ră anai sang ano\ tơhan hơđăp Hoàng Văn Phượng hơmâo rơbêh 10 ektar phun pla sui thun djo\p djuai, sa boh sang pơkra gơnam tam man pơdong sang do\, anih anom, brơi 20 c\ô mơnuih mă bruă hơđong.

Ră anai, tơhan hơđăp Hoàng Văn Phượng hơmâo [ing go\p tơhan đăo gơnang, ruah ngă Khoa Khul tơhan hơđăp să C|ư\ Knia.

Hăng bruă arăng jao, jing dưi pơkra rai lu hơdră ngă bruă djru ba [ing go\p tơhan hăng mơnuih [on sang hrưn đ^ hro\m:

‘’Kâo ăt hyu iâu pơthưr adơi ayong na nao mơn kiăng ako\ pơjing bruă mă amăng khul tơhan hơđăp kơtang hloh.

Juăt hyu hro\m hăng adơi ayong gum pơkra jơlan nao rai amăng plơi. Mă yua prăk adơi ayong pơc\ruh mơn c\i man pơkra.

Kâo pơmin ngă hiư\m pă kiăng khul pơđ^ kyar tui, hơmâo pơtô pơblang, pôr pơhing lu hloh, bơlăi nao rai tơlơi thâo thăi amăng bruă mă, bơwih [ong prong hloh kiăng adơi ayong [ơi anai hrăm tui pơđ^ kyar tơlơi bơwih [ong’’.

Ăt kah hăng [ing go\p mơn, tơhan hơđăp Lê Giám, do\ [ơi thôn 5, să Kiến Thành le\ sa amăng hơdôm c\ô tơhan hơđăp bơwih [ong rơgơi mơn, hơmâo prăk pơhrui glăi hơdôm klai prăk/thun.

Thun 1992, tơdơi kơ hrơi tơbiă mơng ngă tơhan [ơi Lạng Sơn, `u hro\m hăng sang ano\ nao do\ bơwih [ong [ơi să Kiến Thành, Dak R’lấp.

Lơ\m anun lo\n tơnah prong biă, yua anun sang ano\ `u gir c\ông jơnah jah glai pla kơsu, kơphê, tiu, phun `ông.

Truh thun 2005, [rô pioh c\i pla phun kyâo amăng sang `u pô, [rô c\i s^ mdrô dong, ơi Giám pok sang s^ mdrô kmơk pruai hơdjă [ơi plơi pla.

Pô `u le\ mơnuih ngă hmua, yua hnun `u thâo hluh biă kơ tơlơi gleh tơnap mơng neh met wa, pô hlơi aka [u hơmâo prăk, kơ[ah prăk `u lêng djru brơi c\an kmơk pruai mơ\ huăi mă prăk kơmlai.

Mơng tơlơi hơdip jê| giăm, thâo pap kơ ană plơi, hro\m hăng kmơk `u s^ klă, yua anun tơhan hơđăp anai hơmâo lu mơnuih [u-eng biă. Ơi Giám ră ruai:

‘’Amăng khul tơhan hơđăp [ing gơmơi le\ hơmâo sa, dua c\ô tơhan hơmâo [ing gơmơi djru blơi kmơk pruai mơ\ tla rơnang, hơmâo mơn đa tơnap đơi le\ brơi c\an [u mă kơmlai ôh, djru ba neh met wa hơmâo kmơk pruai, kmơk pruai [ơi anai s^ abih [ơ\i kah mơng pơkra phrâo dong, [u djơ\ pơkra giong kah mơng s^ ôh’’.

Ơi Nguyễn Thanh Quang, Kơ-iăng Khoa Khul tơhan hơđăp tơring ]ar Daknông lăi: Hăng pran jua hur har, rơgơi bơwih [ong, tơhan hơđăp Hoàng Văn Phượng hăng ơi Lê Giám jing gru kơnuih hiam amăng bruă bơwih [ong rơgơi.

Hro\m hăng anun, sit pô gơ`u hai ăt gir djru ba lu mơnuih amăng khul hrưn đ^ bơwih [ong tơbiă anăn [un rin hơđong kjăp.

‘’Kâo c\ang rơmang kơnuih hơdip hiam mơng [ing tơhan hơđăp ngă tui gru Wa Hồ amra [u kơnong amăng bruă bơwih [ong s^ mdrô, pơplih phrâo tơlơi gơgrong bruă, ngă arăng hla tui đôc\ ôh mơ\ amra [uh amăng djo\p mơta bruă dong.

Mơng bruă anai, [ing tơhan hơđăp amăng plơi pla jai hrơi hơmâo lu tui mơnuih hơdip hiam, ngă bruă klă, gru kơnuih rơgơi hrăm hăng hla tui tơlơi pơmin, pran jua Hồ Chí Minh’’.

Amăng rơnuk blah wang, ayong ling tơhan rơnuk Wa Hồ le\ gru pơ ala kơ pran jua kho\m blah dưi, jing tơhan phun blah pơrai ayăt roh, ba glăi tơlơi rơngai kơ Lo\n ia.

Amăng rơnuk rơngai, pơwơ\t glăi bơwih [ong huă s^ mdrô, kơnuih hơdip tui Wa Hồ hơmâo pơtrut đ^ kơtang hloh, pơtrut đ^ pran jua kiăng [ing tơhan gir kơdong glăi tơlơi rin [un, ano\ sô hơđăp, djru pơjing tơlơi bơwih [ong amăng sang ano\, djru man pơdong plơi pla jai hrơi hiam, pơdrong hloh.

Siu H’Mai: Pô c\ih hăng pôr