VOV4.Jarai-Tom brơi, lơ 30/03, tơring ]ar Daknông jơnum pơtong glăi bruă mă pơđ^ kyar tơlơi bơwih [ong huă mơnuih mơnam 3 blan ako\ thun 2016 laih anun pok pơhai bruă mă 3 blan to\ tui dong. Tui hăng boh tơhnal pơtong glăi [ơi mông jơnum, 3 blan ako\ thun anai, tơlơi bơwih [ong huă ăt đ^ đăi mơn. Abih tih dram gơnam pơhrui glăi đ^ 17% pơkă hăng ako\ bruă sa thun, đ^ tui 8% pơkă hăng tal anai mơn thun hlâo. Gah bruă ngă hmua, pơkra pơjing lêng kơ đ^ tui soh. Laih hmư\ tơlơi lăi pơthâo mơng hơdôm gơnong bruă amăng tơring ]ar, Kơ-iăng khoa tơring ]ar Daknông bơni biă mă tơlơi pơđ^ kyar amăng tơring ]ar 3 blan ako\ thun. Bruă mă 3 blan to\ tui dong amra tơnap tap hloh. Yua kơ anun, tơring ]ar Daknông pơtrun hiăp kơ djop gơnong bruă, tơring glông gir hloh ngă pơgiong ako\ bruă pơkă kơ tơlơi bơwih [ong huă mơnuih mơnam thun anai hăng ngă  klă bruă prăp lui ple\ hră ruah khoa ]ơdong truh laih pơ anăp.

Nay Jek: Pô ]ih hăng pôr