VOV4.Jarai- Amăng hơdôm thun rơgao, Anom bruă apui lơtrik plơi prong Gia Nghĩa, gah kông ty apui lơtrik Daknông pơđ^ tui na nao tơlơi gơgrong mă bruă pơgang rơnuk rơnua hre\ apui lơtrik kiăng mă yua klă hloh, dơ\ng mơ\ng anun pơgang kjăp apui lơtrik brơi kơ mơnuih [on sang mă yua hăng bơwih [ong huă hơđong.

Anom bruă apui lơtrik Gia Nghĩa arăng jao git gai wai lăng hăng s^ mơdrô bruă yua apui lơtrik amăng plơi prong Gia Nghĩa laih anun să Trường Xuân, tơring glông Dak Song, hơmâo 5 boh phường hăng 4 boh să, anih wai lăng amăng 30 km.

Hăng bruă wai lăng abih bang 200 km hre\ apui lơtrik jua kơtang man [rô, jua tơdu laih anun hơmâo 285 boh anih ngă pơtơdu kơtang apui lơtrik, Anom bruă apui lơtrik Gia Nghĩa glăk wai lăng sa boh anih prong biă mă, ataih dơ\ng.

Lăp gleng nao hơdôm anih dăng hre\ apui lơtrik, [u [iă ôh mơnuih [on sang ngă soh glăi bruă pơgang tơlơi rơnuk rơnua [ơi anăp dăng hre\ apui lơtrik.

Biă mă `u, mơnuih [on sang ngă hmua gah yu\ hre\ apui lơtrik. {u [iă ôh sang ano\ mơnuih [on sang klơi luh, ngă dơnao, pơdong war pơga, ngă tơnap kơ bruă hyu e\p lăng pơgang tơlơi rơnuk rơnua hre\ apui lơtrik sit hơmâo tơlơi truh.

Khă hơmâo laih tơlơi pơkă, samơ\ anom bruă apui lơtrik ăt bưp lu tơlơi tơnap tap amăng bruă pơsir khut khăt kơ tơlơi mơnuih [on sang ngă soh glăi.

Bruă mơnuih [on sang rong ngă soh tơlơi rơnuk rơnua pơgang hre\ apui lơtrik ăt do\ hơmâo, khă lu thun blan lăi pơthâo, mơnuih [on sang thâo hluh laih mơn hăng brơi ngă tui djơ\ tơlơi phiăn pơgang tơlơi rơnuk rơnua apui lơtrik.

Ayong Nguyễn Văn Như, do\ pơ phường Nghĩa Đức, plơi prong Gia Nghĩa brơi thâo:

‘’Sang ano\ gơmơi ăt hơmâo hre\ apui lơtrik găn rai, amăng anun gah yu\ le\ hơmâo phun kyâo pơprong, phrâo anai gah anom bruă apui lơtrik rai lăi brơi koh drôm h^ kyâo ngă gun hre\ apui lơtrik, kah hăng bơyan anai hơmâo hơjan angin.

 Kâo nao koh drôm laih hơdôm phun kyâo gun anun, blung a le\ hơ-ơi mơn, samơ\ khom ngă tui yơh kiăng pơgang rơnuk rơnua, [udah hu\i kyâo joh h^ ngă tơ\i hre\ apui lơtrik, kơ` bơbe] djơ\ kơ lu mơnuih pơko\n dơ\ng’’.

Tơlơi do\ gun anun kơnong ngă tui brơi koh drôm h^ phun kyâo amăng plơi prong, hơdôm kyâo djơ\ hre\ apui lơtrik đô].

Ră anai, [ơi tơring kual, plơi prong, lơ\m pơkă hơnong pla kyâo kơtuai jơlan djơ\ gah yu\ hre\ apui lơtrik, samơ\ sit koh drôm, trơ\i than hu\i rơhyưt biă mă.

Lu anih, gong gai kơnuk kơna ngă hră [u brơi koh drôm ôh kyâo ngă tơ-ui amăng plơi prong samơ\ djơ\ anih pơgang hre\ apui lơtrik ăt tơnap biă mă.

Yua kơ anun, bơbe] djơ\ [u [iă ôh kơ bruă pơgang tơlơi rơnuk rơnua apui lơtrik kah hăng angin pưh, ngă răm hre\ apui lơtrik. Mông anun, khom ngă thăm (dăm) apui jăng jai pioh ming pơkra glăi.

Ơi Lưu Văn Tiến, mơnuih apăn bruă gah Anom bruă apui lơtrik Gia Nghĩa brơi thâo, kơnong amăng thun 2017, hơmâo laih 17 wơ\t ngă soh glăi bruă pơgang apui lơtrik, lu biă mă `u pơ să Dak Rmuan, să Dak Nia:

‘’Hơdôm wơ\t pơtô pơblang kơ mơnuih [on sang gah anom bruă apui lơtrik hơmâo ngă hră lăi pơthâo truh pơ phường, grup [ut plơi pla laih anun truh pơ sang ano\ mơnuih [on sang.

Lu sang ano\ mơnuih [on sang ăt thâo hluh laih mơn hăng ngă tui djơ\. Amăng bơyan hơjan anom bruă apui lơtrik Gia Nghĩa ăt lêng kơ hơmâo lăi pơthâo truh pơ djop phường, să hăng abih bang ]ơđai sang hră, kơnang kơ nai pơtô pơ sang hră lăi pơthâo bruă pơgang tơlơi rơnuk rơnua apui lơtrik, anun huăi hơmâo tơlơi truh pơpă lơi kơ mơnuih [on sang [udah hơmâo kyâo joh djơ\ hre\ apui lơtrik thơ’’.

Ơi Nguyễn Hữu Trình, Kơ-iăng Khua anom bruă apui lơtrik Gia Nghĩa brơi thâo, pơkă hăng hơdôm thun hlâo adih, tơlơi truh apui lơtrik hro\ trun mơ\ng 60-70%, bruă mă git gai wai lăng mơ\ng anom bruă apui lơtrik Gia Nghĩa hăng kông ty apui lơtrik Daknông ngă djơ\ tơlơi phiăn laih. Pơgang hơđong tơlơi rơnuk rơnua apui lơtrik:

‘’Hăng anih dăng hre\ apui lơtrik sa blan e\p lăng sa wơ\t tui hluai hrơi mông pơkă mơ\ng [ing adơi ayong mă bruă [iă đơi mơnuih, pơpha bruă hyu tir tơnap biă mă.

Tơlơi truh le\ hro\ laih. Amăng plơi prong Gia Nghĩa glăk ming pơkra glăi, 80% mrô hre\ lôm hăng kơsu laih anun huăi hơmâo tơlơi truh apui pơke\ djơ\ sat.

Pel e\p na nao [u djơ\ kơnong tơlơi rơnuk rơnua apui lơtrik đô] ôh, lu bruă pơko\n dơ\ng đơ đa, lu mơta bruă samơ\ bruă pơgang tơlơi rơnuk rơnua apui lơtrik yơh yom biă mă ta khom gleng nao hloh’’.

Bruă pơsir tơlơi soh glăi pơgang apui lơtrik jing sa bruă mă tơnap biă mă. Yua kơ anun, hrom hăng bruă pơtrut tui tơlơi pơtô pơblang pơđ^ tui tơlơi thâo hluh kơ mơnuih [on sang, anăm brơi hơmâo tơlơi truh sat, ngă soh glăi tơlơi pơkă wai pơgang hre\ apui lơtrik pơ anăp anai;

 Anom bruă apui lơtrik Gia Nghĩa glăk kiăng biă mă tơlơi djru hrom djop gong gai kơnuk kơna, djru pơsir khut khăt tơlơi ngă soh glăi bruă pơgang hơđong rơnuk rơnua hre\ apui lơtrik dêh ]ar ta.

Nay Jek: Pô ]ih hăng pôr