VOV4.Jarai - Mơng blan 9/2016 truh ră anai, Đại đội Bộ binh 3 (Anom git gai tơhan tơring glông Tuy Đức) ako\ pơjing hơbô| bruă ‘’Pok hla khăp pap’’, c\i iâu pơthưr pơc\ruh prăk djru kơ c\ơđai sang hră rin hrăm rơgơi [ơi tơring glông.

Bruă ngă anai glăk hơmâo pok prong [ơi djop anih amăng khul tơhan blah ngă tơring ]ar Daknông.

Pơkă amăng hrơi blung a rim thun, Đại đội Bộ binh 3 (Anom git gai tơhan tơring glông Tuy Đức) pơđar khoa moa, pô apăn bruă ba nao 500 rơbâo prăk kơ dua c\ô c\ơđai anet le\ Đinh Thị Nga hăng Lưu Xuân Thắng, do\ [ơi [on Dak Huýt, să Quảng Trực, tơring glông Tuy Đức.

Bruă ngă anai hơmâo ling tơhan mơng Đại đội Bộ binh 3 ngă tui na nao amăng 3 thun anai, djru kơ [ing c\ơđai anet hơmâo pran nao hrăm hră, ngă tui tơlơi gơ`u khăp.

Adơi Đinh Thị Nga, hrăm anih 8B, Sang hră gưl 3 Lê Quí Đôn le\ sa amăng hơdôm c\ô c\ơđai hrăm rơgơi mơng tơring glông Tuy Đức amăng lu thun.

Khă mơng hrăm rơgơi, samơ\ yua sang ano\ kơ[ah, tơnap tap hro\m hăng kơ[ah mơnuih mă bruă, yua anun `u pơmin c\i lui sang hră hyu mă bruă djru am^ ama, rông ba adơi đeh.

Thâo tơlơi tơnap mơng sang ano\ adơi Đinh Thị Nga, ling tơhan mơng Đại đôị Bộ binh 3 djru ba adơi, mă mơng prăk blan [ing tơhan, djru adơi plai [iă tơnap tap, gleh glar, gir hrăm hră. Adơi Đinh Thị Nga, do\ [ơi [on Dak Huýt, să Quảng Trực, tơring glông Tuy Đức lăi tui anai:

‘’Sang ano\ kâo lu adơi ayong, sang ano\ rin, hơmâo [ing ling tơhan lăng ba laih anun sang ano\ juh alum pran jua nao hrăm kiăng tơdơi anai kâo gir hrăm rơgơi, ngă bruă djru mơnuih mơnam’’.

{u ataih lơi mơng sang adơi Đinh Thị Nga le\ sang adơi Lưu Xuân Thắng, hrăm anih 6A, sang hră gưl 3 Lê Quí Đôn. Sang ano\ adơi Lưu Xuân Thắng lăng pap biă mă, lơ\m amăng sang `u hơmâo dua am^ ană `u đôc\.

Ama `u rơngiă mơng Thắng do\ anet, yua hnun, bruă anet prong lêng yua am^ Thắng soh glăm ba. Pap kơ am^ `u, jing Thắng gir hrăm rơgơi hăng 6 thun hrăm rơgơi na nao.

‘’Sang ano\ kâo hơmâo dua am^ ană gơmơi đôc\ yơh, lơ\m kâo duam am^ ba kâo nao pơ sang ia jrao, jing pơdơi h^ bruă hrăm, samơ\ lơ\m suaih, kâo mưn mă hră c\ih mơng gơyut kâo c\ih glăi, kiăng kiăo hmao tơlơi hrăm hăng [ing go\p’’.

Amai Đing Thị Hồng, am^ adơi Lưu Xuân Thắng brơi thâo, yua pran jua thâo pap mơng adơi ayong tơhan Đại đội bộ binh 3 pơdong [ơi anai, amăng 3 thun hăng anai, rim blan am^ ană `u lêng mă prăk arăng djru ba c\i bơwih [ong, brơi ană `u hrăm hră.

Sang ano\ hơmâo dua am^ ană đôc\, hơjăn pô Thắng hơmâo tơlơi ruă dong. {u hơmâo đang hmua, kiăng hơmâo prăk, pơjrao tơlơi ruă brơi ană `u, jing `u kho\m nao mă bruă arăng.

Hlơi iâu ngă hơget jing `u ngă anun, samơ\ ăt kơ[ah nao mơtăm yơh, yua anun bruă Thắng hrăm jing tơlơi gleh tơnap hăng `u. Amai Đinh Thị Hồng ră ruai:

‘’Rim thun mut sang hră kâo bơngơ\t biă kơ bruă blơi sum ao, hră c\ih, mơng hrơi hơmâo ling tơhan gah đại đội bộ binh 3 djru ba, jing kâo plai laih bơngơ\t, laih anun hơmâo pran djru ană kâo hơđong pran nao pơ sang hră’’.

Rim blan lơ\m mă prăk blan, prăk djru, [ing tơhan pơc\ruh năng ai `u 40.000 – 50.000 prăk kơ [ing khoa, s^ kuan hăng 5.000 – 10.000 prăk hăng [ing tơhan pơmut nao amăng keh prăk.

Rơngiao kơ anun, amăng tơlơi hơdip rim hrơi, khoa moa, tơhan hlơi thơ thâo pap le\ djru ba lu dong. Pran jua thâo pap anai hmao tlôn dong tah bang hyu amăng djo\p anom bruă amăng tơhan blah ngă tơring ]ar Daknông.

Truh ră anai, hơmâo hơdôm pluh c\ô c\ơđai sang ano\ rin gir hrăm hră rơgơi hơmâo arăng djru. Đại tá Trương Xuân Lai, Khoa apăn bruă ping gah Anom git gai tơhan tơring ]ar Daknông brơi thâo:

‘’Amăng tơhan blah ngă tơring ]ar le\ gơmơi hơmâo lu hơbô| bruă djru ba [ing c\ơđai rin [ơi anih tơhan blah ngă tơring ]ar pơdong.

Amăng anun hơbô| bruă hmư\ hing hloh le\ abih bang đại đội Bộ binh 3, gah anom bruă tơhan tơring glông Tuy Đức ngă le\ ‘’Pok hla khăp pap’’ hăng ‘’C|ơđôm tơkai adơi nao sang hră’’, anai le\ hơbô| bruă [ing gơmơi git gai amăng hơdôm thun rơgao’’.

Hăng pran jua thâo khăp thâo djru, truh ră anai keh prăk ‘’Pok hla khăp pap’’ hơmâo djru hiăm 30 klăk prăk, mơng anun, anom bruă hơmâo djru ba 3 c\ô c\ơđai sang ano\ rin hrăm rơgơi truh kơ hrăm abih anih 12 [ơi să Quảng Trực (Tuy Đức).

Anai sit jing gơnam pơpu\ kơ pran jua pơđao tơlơi khăp mơng tơhan hăng mơnuih [on sang, djru ngă bơngac\ tơlơi khăp nao pơ sang hră kơ [ing c\ơđai./.

Siu H’Mai: Pô c\ih hăng pôr