Tơlơi ]ih 2: Tơlơi gir run pơhro\ [iă mrô ]ơđai djai [lung ia [ơi Daklak
VOV4.Jarai-Amăng jơlan hơdră hlâo, gơmơi lăi nai laih tơlơi truh djai [lung ia [ơi Daklak hăng hơdôm tơlơi hning rơngôt kơ mơnuih amăng sang ano\, phung wang ]ơđai muai hơmâo tơlơi truh.
{ơi anăp kơ tơlơi anai, tơring ]ar Daklak glăk ngă hăng pok pơhai lu hơdră kiăng pơhro\ [iă tơlơi truh djai [lung ia kơ ]ơđai muai anet.
Amăng anun, tơring ]ar gleng nao kơ bruă pơtô ]ơđai hrăm luai ia, pok anih hrăm huăi apah prăk, jak iâu lu anom bruă s^ mơdrô tuh pơ alin man pơdong ia dơnao hrăm luai.
Ăt amăng tơlơi ]ih lăi nao ‘’Djai [lung ia ]ơđai muai [ơi Daklak-thâo hluh tơlơi hning rơngôt, gum tơngan hrom ngă bruă’’ pô mă tơlơi pơhing phrâo H’Xíu ]ih glăi tơlơi gir run mơ\ng tơring ]ar anai kiăng pơhro\ [iă mrô tơlơi truh djai [lung ia amăng ]ơđai muai.
( Tơlơi ]ih sa gư\ e\p lăng [ơi glông link gah yu\ anai)
Dơnao ia hrăm luai Hòa Phát jing dơnao yua mơnuih [on sang ngă pô blung a [ơi tơring glông }ư\ Mgar, Daklak, dưi man pơdong hăng mă yua dơ\ng mơ\ng thun 2014.
Truh ră anai, dơnao anai hơmâo lu ]ơđai muai nao apah blơi we\ mơnơi laih anun mơnuih [on sang ba nao ană bă hrăm luai, apah mơnơi mơak kiăng pơ kjăp drơi jăn. Ayong Nguyễn Đức Hòa, khua dơnao Hòa Phát brơi thâo:
‘’Anih ta ngă anai ăt hơmâo kơnuk kơna brơi apah yua lo\n jăng jai mơn laih anun djru prăk apah yua lo\n.
Kơ tơlơi hrăm luai ia anai, sa thun hơmâo 100 ]ô ]ơđai ]ih anăn, tơdơi kơ anun lu tui. Thun anai, tơring glông hơmâo pok pơhai brơi mơnuih [on sang pơ]ruh hrom ngă bruă hăng djop sang hră, mrô ]ơđai sang hră hrăm luai ia lu tui hloh’’.
{ơi să }ư\ Suê, tơring glông }ư\ Mgar, anih hơmâo rơbêh 61% mrô mơnuih djuai ania [iă do\, hơmâo sa boh anih pơ rơguăt drơi jăn, hơmâo tơdron ]ưng boh lông anet, pah boh lông, dơnao mơnơi luai ia hăng rơnoh prăk tuh pơ alin truh kơ 11 klai prăk yua kơ mơnuih [on sang ngă pô tuh pơ alin ngă giong laih hăng mă yua rơbêh 1 thun hăng anai.
Să hăng anom bruă s^ mơdrô pơphun jơnum mă yua, lăi pơthâo pioh brơi kơ ]ơđai muai, am^ ama ba ană bă nao mơnơi.
Dơnao luai ia mơnuih [on sang ngă hrom pơ să }ư\ Suê, tơring glông }ư\ Mgar, Daklak pơhư] lu ]ơđai muai nao luai
Ơi Nguyễn Văn Ninh, Kơ-iăng Khua să }ư\ Suê lăi, bruă mă mơ\ng anom pơlir hơbit pơ rơguăt drơi jăn anun, hơmâo djru hrom pơgăn tơlơi truh kơ ]ơđai muai djai [lung ia amăng să giăm 1 thun hăng anai.
‘’Anih lir hơbit pơ rơguăt drơi jăn anai yua mơnuih [on sang pơ]ruh man pơkra laih anun ba ană bă nao hrăm luai ia, tui anun tơlơi truh djai [lung ia amăng să sa thun rơgao huăi hơmâo dơ\ng tah, dơ\ng mơ\ng hrơi anom bruă s^ mơdrô pok anih ngui ngor sa [ut, ană plơi pla ba ană ba mơnơi hơgơi, hrăm luai ia, pơ kjăp drơi jăn mơak biă mă laih anun dưi pơhlôm pơgang kơ ]ơđai djai [lung ia ruă nuă kah hăng tơđar thun’’.
Mơnuih ngă hrom man pơdong dơnao ngă ia mơnơi, hrăm luai sa amăng hơdôm hơdră tơring ]ar Daklak pok pơhai kiăng pơhro\ [iă tơlơi truh [lung ia [ơi ]ơđai muai.
Tơring ]ar Daklak pơphun lu anih pơtô luai ia [u mă prăk ôh pioh kơ ]ơđai muai anet
Amăng anun, tơring glông }ư\ Mgar jing anih bơnga], ba jơlan hlâo ngă tui bruă anai, hơmâo 19 boh dơnao luai ia amăng 6 boh să, tơring kual hăng 9 boh sang hră, tơdơi kơ 4 thun pok pơhai.
Amăng thun 2017, tơring glông do\ pơphun pơtô brơi hơdră luai ia kơ 150 ]ô nai pơtô hrăm hră, pơtô gah bruă rơjang drơi jăn laih anun pơphun pơplông luai ia amăng bơyan pơdơi prong kơ ]ơđai muai anet, kiăng pơtrut pơsur pran jua hor luai ia amăng mơnuih [on sang.
Hrom hăng jak iâu mơnuih [on sang gum pơkra dơnao luai ia, tơring ]ar Daklak pok pơhai lu bruă mă pơko\n dơ\ng.
Phrâo anai, Jơnum min mơnuih [on sang tơring ]ar Daklak hơmâo ngă hră pơtrun kơtưn kơ bruă pơhlôm pơgang tơlơi truh kơ ]ơđai muai laih anun pơgang [lung ia kơ ]ơđai sang hră.
Kơnang kơ anih pơtô hrăm luai ia huăi mă prăk amăng bơyan pơdơi prong lu ]ơđai thâo luai ia
Tơring ]ar git gai Gơnong bruă đang hmua hăng pơđ^ kyar [on lan, Gơnong bruă wai lăng jơlan glông hăng pơdu\ pơgiăng, Gơnong bruă Man pơdong, gong gai kơnuk kơna djop tơring glông brơi e\p lăng, ju\ yap, ngă hơnăl pơthâo kơ anih hu\i rơhyưt [ơi bơnư\ pơkong ia, dơnao ia pơprong, wơ\t hăng hang ia anih juăt do\ mơnơi kiăng thâo hăng pơhlôm kơ ]ơđai muai anăm [lung ia amăng bơyan pơdơi prong, hjan hlim ia ling dăo.
Gơnong bruă pơtô pơjuăt hăng anom bruă hlăk ai tơdăm dra mut phung tơring ]ar ăt ngă hrom djop tơring ]ar pơphun pơtô hrăm luai [u apah prăk kơ ]ơđai muai pơ kual ataih, [ơi să, tơring kual asuek kiăng ]ơđai thâo luai ia, pơgang drơi pô amăng ia.
Adơi Trương Phú Long, ]ơđai sang hră Nguyễn Tất Thành, tơring glông }ư\ Mgar, tơring ]ar Daklak nao hrăm luai ia amăng bơyan pơdơi prong lăi:
‘’Kâo hrăm luai ia 10 hrơi baih. Kâo hor biă mă luai ia yua djru kâo găng a`răng hloh, dưi pơklaih kâo pô sit bưp tơlơi truh amăng ia’’.
Ơi Nguyễn Duy Tuyết, Khua anom pơgang, wai lăng ]ơđai muai hăng Bơkơnar đah rơkơi hăng bơnai, Gơnong bruă wai lăng bruă mă tơhan rơka hăng mơnuih mơnam tơring ]ar Daklak lăi le\, hrom hăng bruă tom ngă laih hăng glăk ngă tui dơ\ng, ăt pơtrut tui tơlơi thâo hluh kơ mơnuih [on sang amăng bruă wai lăng mơ\ng kơnuk kơna pioh kơ ]ơđai muai.
‘’Tơlơi truh [lung ia le\ tơbiă rai mơ\ng tơlơi kơ[ah lăng ba mơ\ng am^ ama, mơnuih mơnam. Yua kơ anun, djop anom bruă kơđi ]ar khom ngă hrom pơtô pơblang ăt kah hăng e\p hơdră djru prăk kăk kơ bruă pok pơhai pơtô brơi thâo hluh laih anun pơkra ming ring bruă pơgang sang ano\, pơgang mă pô, ană bă pô sit nik hơdră pơhlôm pơgang tơlơi truh [lung ia amra klă hloh hăng hơdư\ [iă’’.
Tơlơi gum hrom amăng djop anom bruă kơđi ]ar djru ngă pơhro\ [iă mrô ]ơđai muai hơmâo tơlơi truh ruă nuă, biă mă `u [lung ia.
Tui hăng tơlơi ju\ yap, 6 blan ako\ thun anai, tơring ]ar hơmâo hro\ trun 12 wơ\t, jing ha mơkrah pơkă hăng thun hlâo.
Kiăng dưi pơgăn tu\ yua tơlơi truh [lung ia, hrom hăng bruă ngă tui brơi mơnuih [on sang djru hrom man pơdong pơkra dơnao mơnơi, hrăm luai ia, pok anih pơtô hrăm luai ia, [ing am^ ama ]ơđai sang hră khom pơtă pơtăn, wai lăng tong ten ană bă, ]ơđai muai pơ sang ano\, nai pơtô pơtă pơtăn pơtô lăi re se pơ sang hră.
Hnun kah, kiăng pơtô kơ ]ơđai hơmâo tơlơi thâo rah laih anun hơmâo tơlơi răng kơđiăng hu\i hơmâo tơlơi truh [lung ia.
Nay Jek: Pô ]ih hăng pôr
Viết bình luận