VOV4.Jarai-Ơi Đỗ Mười anăn phun `u Nguyễn Duy Cống, hrơi tơkeng lơ 2/2/1917, plơi pla să Đông Mỹ, tơring glông Thanh Trì, [on prong Hà Nội. Do\ pơ sang mrô 11, jơlan Phạm Đình Hổ, kuận Hai Bà Trưng, [on prong Hà Nội.

 

Ol kơdol pran jua h'u kơ ơi Đỗ Mười Khua git gai hơđăp ping gah dêh ]ar ta

 

Tơdơi kơ hơdôm hrơi blan duăm ruă kraih, khă hơmâo Ping gah, kơnuk kơna, [ing ơi ia jrao, nai tha prin pơjrao, sang ano\ abih pran jua răk rem lăng ba, samơ\ yua kơ thun tha, pran jua pơ-ai yua duăm kraih, `u rơngiă lơ\m 11 mông 12 mơnit mlăm, lơ 1/1/2018, [ơi Sang ia jrao prong gah ling tơhan mrô 108, Hà Nội.

 

Khua mua ping gah, kơnuk kơna nao jôk ơi Đỗ Mười

 

Kiăng hơdor kơ ơi Đỗ Mười, Khua mua apăn bruă ping gah dêh ]ar Việt Nam, Khua git gai pơ ala mơnuih [on sang mơnuih [on sang dêh ]ar Việt Nam, Anom bruă Khua mir sir dêh ]ar Việt Nam, Kơnuk kơna lo\n ia Việt Nam, Jơnum min wai lăng djop djuai ania mơnuih mơnam Việt Nam, pơsit pơphun h’u\ kơ ơi Đỗ Mười hăng hơdră dêh ]ar pơpu\.

 

 

Ơi Nguyễn Phú Trọng Khua git gai ping gah dêh ]ar ta nao h'u\ kơ ơi Đỗ Mười

 

Bong atâo djai mơ\ng ơi Đỗ Mười dưm pơ sang jôk mơnuih djai dêh ]ar mrô 5 jơlan Trần Thánh Tông, Hà Nội.

 

Mông mut nao jôk h’u\ kơ ơi Đỗ Mười dơ\ng mơ\ng 7 mông mơguah, lơ 6/10 [ơi sang pioh jôk mơnuih djai dêh ]ar mrô 5 jơlan Trần Thánh Tông, Hà Nội.

 

Ngă lơphet hơdor kơ ơi Đỗ Mười pơphun lơ\m 9 mông mơguah lơ 7/10 [ơi sang jôk mơnuih djai mrô 5 jơlan Trần Thánh Tông, Hà Nội.

 

Khua mua ping gah, kơnuk kơna ta jôk ơi Đỗ Mười

 

Mông ba nao pơyua atâo ơi Đỗ Mười le\ pơphun mơ\ng 1 mông yang hrơi leo gai tlam hrơi anun mơn, [ơi plơi pla `u pô, Khu Ma Vang, thôn 1, să Đông Mỹ, tơring glông Thanh Trì, [on prong Hà Nội.

 

Hrom hăng hrơi mông anai, [ơi sang jơnum prong Thống Nhất, [on prong Hồ Chí Minh ăt pơphun nao h’u\, hơdor kơ ơi Đỗ Mười mơn.

 

Amăng dua hrơi dêh ]ar ta h’u\ kơ ơi Đỗ Mười lơ 6 hăng lơ 7/10, djop sang bruă kơnuk kơna, anih ngui ngor lu mơnuih akă hla kơ hyu\ trun laih anun pơdơi abih tơlơi ngui ngor adoh suang mơak.

 

Mông mơyut jôk ơi Đỗ Mười, Khoa git gai Ping gah hơđăp dêh c\ar Việt Nam, pơphun mơ\ng 7 mông mơguah anai, lơ 6-10. Mông mơyut jôk pơphun hro\m [ơi Sang pioh atâo dêh c\ar, mrô 5 Lê Thánh Tông, Hà Nội hăng Sang mơyut jôk Thống Nhất, [ơi [ôn prong Hồ Chí Minh.

 

 

Khua mua pơ ala mơnuih [on sang dêh ]ar ta nao jôk ơi Đỗ Mười

 

Kre\p 7 mông 10 mơnit mơguah, ngă yang jôk atâo Khoa git gai Ping gah dêh ]ar ta hơđăp rơgom ơi Đỗ Mười. Khul khoa apăn bruă Ping gah Việt Nam yua Khoa git gai Ping gah dêh ]ar ta ơi Nguyễn Phú Trọng ngă khoa khul mut noa mơyut jôk.

 

Amăng hră c\ih anăn pô nao mơyut Khoa git gai Ping gah dêh ]ar ta hơđăp ơi Đỗ Mười, Khoa git gai Ping gah dêh ]ar ơi Nguyễn Phú Trọng c\ih: ‘’Rơngôt tui biă mă kơ ơi Đỗ Mười – Khoa git gai rơgơi bruă, hơmâo Ping gah, Kơnuk kơna hăng mơnuih [on sang dêh ]ar ta đăo gơnang;

 

Pô do\ amăng Ping gah cộng sản abih pran jua gir mă bruă yua tơlơi rơngai djuai ania hăng chủ nghĩa xã hội, yua tơlơi yâo mơ-ak mơng mơnuih [on sang; ~u laih pô hơmâo lu tơlơi gum djru prong prin hăng bruă hơkru\ pơklai rơngai djuai ania ta mơng ayăt roh, pơlir hơbit Lo\n ia laih anun djru pơplih phrâo man pơdong, wai pơgang Lo\n ia’’.

 

Khul Khoa dêh c\ar ta yua kơ yă Đặng Thị Ngọc Thịnh, Khoa gum bruă Khul apăn bruă Ping gah dêh c\ar ta, Khoa mir sir jang jai nao mơyut jôk Khoa git gai Ping gah dêh c\ar hơđăp ơi Đỗ Mười.

 

H'u\ kơ ơi Đỗ Mười [ơi sang jơnum prong Thống Nhât [on prong Hồ Chí Minh

 

Khul khoa moa kơnuk kơna dêh c\ar Xã hội chủ nghĩa Việt Nam yua Khoa dêh c\ar ta ơi Nguyễn Xuân Phúc ba jơlan hlâo nao mơyut jôk ơi Đỗ Mười.

 

Hră c\ih mơyut jôk, hơmâo Khoa dêh c\ar ta ơi Nguyễn Xuân Phúc c\ih: ‘’Rơngôt biă mă kơ ơi Đỗ Mười – Sa c\ô ding kơna rơgơi kơ Khoa mir sir Hồ Chí Minh –Sa c\ô tơhan hơdip tơpă, thâo rơgơi, tơlơi hơdip hiam klă; sa c\ô khoa git gai abih pran jua kơ lo\n ia hăng mơnuih [on sang.’’

 

Yă Nguyễn Thị Kim Ngân, Khoa git gai pơ ala mơnuih [on sang dêh ]ar ta pơ ala kơ Khul khoa pơ ala mơnuih [on sang dêh ]ar Việt Nam djom rơnang tu\i `ang hơ-u\ kơ ơi Đỗ Mười glăi pơ dêh atâo.

 

Jơnum min djo\p djuai ania mơnuih mơnam Việt Nam yua ơi Trần Thanh Mẫn, Khoa Jơnum min djo\p djuai ania mơnuih mơnam Việt Nam ba jơlan mut nao mơyut.

 

 

{ơi Sang mơyut Thống Nhất, [ôn prong Hồ Chí Minh, Khul khoa git gai Ping gah plơi prong Hồ Chí Minh yua Khoa gum bruă kơđi c\ar, Khoa git gai Ping gah plơi prong ơi Nguyễn Thiện Nhân ba jơlan hlâo nao mơyut Khoa git gai Ping gah dêh c\ar hơđăp ơi Đỗ Mười.

 

Amăng dua hrơi, hrơi anai hăng hrơi pơgi, lu khul khoa moa amăng dêh ]ar ta hăng jar kmar, pô pơ ala kơ hơdôm anom bruă hăng mơnuih [on sang nao mơyut jôk Khoa git gai Ping gah hơđăp dêh ]ar ta ơi Đỗ Mười, sa c\ô khoa ngă bruă lui kơ djai ba yua lo\n ia, yua kơ ană plơi.

 

 {ơi anăp tơlơi rơngiă mơng Khoa git gai Ping gah dêh ]ar ta hơđăp rơgom ơi Đỗ Mười, Khoa mir sir dêh ]ar Kha] ơi Tập Cận Bình hmâo mơ-^t laih hră điện rơngôt hrom hăng Khoa git gai Ping gah dêh ]ar ta ơi Nguyễn Phú Trọng hăng sang ano# Khoa git gai Ping gah hơđăp dêh ]ar ta ơi Đỗ Mười.

 

Khul ling tơhan nao jôk ơi Đỗ Mười

Hră điện hning rơngôt hrom lăi rơđah, [ơi anăp tơlơi rơngiă mơng Khoa git gai Ping gah dêh ]ar Việt Nam hơđăp rơgom ơi Đỗ Mười, pơ ala kơ Ping gah, Kơnuk kơna hăng m[s dêh ]ar Kha], kâo rơkâo pơdah pran jua hơdor dơlăm truh hăng `u hăng sang ano# rơgom ơi Đỗ Mười.

 

Rơgom ơi Đỗ Mười le\ khoa git gai nao hlâo mơbruă mơng Ping gah hăng Kơnuk kơna Việt Nam le\, [ing go\p hăng gơyut gơyâu po# pin mơng Ping gah hăng m[s dêh ]ar Kha].

 

Lom do# hơd^p, ơi Đỗ Mười hmâo laih lu tơlơi gum hơgo#p yôm phăn kơ tơlơi pơplih phrâo hăng pơdo\ng kơnuk kơna djop mơnuih dưm kơnar, hăng hmâo lu tơlơi gum hơgo#p yôm phăn pơđ^ kyar tơlơi rô nao rai dua Ping gah, dua bôh dêh ]ar Việt Nam hăng Kha].

 

Ling tơhan hăng mơnuih [on sang nao jôk ơi Đỗ Mười

 

Lơ\m hmư\ Khua hơđăp git gai ping gah dêh ]ar Việt Nam, ơi Đỗ Mười rơngiă, khul khua mua pơtom hiăp dêh ]ar Mi [ơi Việt Nam ăt pôr pơthâo hning rơngôt hrom ping gah, kơnuk kơna, mơnuih [on sang hăng sang ano\ mơ\ng ơi Đỗ Mười.

 

Tơlơi pôr pơthâo ]ih: ‘’Amăng thun blan ngă khua git gai ping gah mơ\ng ơi Đỗ Mười, Việt Nam hăng Mi hơmâo lăi nao kơ bruă ngă hrom kơ [ing ta, pok bah amăng, rô nao rai mơak, pơtrut pơsir tơlơi mơak klă hăng ako\ pơjing bruă pơtom hiăp kơ dua bơnah sit nik thun 1995.

 

Dơ\ng mơ\ng gru grua yom anai, kơnuk kơna hăng mơnuih [on sang dua bơnah dêh ]ar hơmâo pơđ^ kyar tơlơi ngă giăng mah gơyut gơyâo mơak klă ră anai.

 

Hmư\ hing Khoa git gai Ping gah hơđăp dêh ]ar ta ơi Đỗ Mười rơngiă, gru\p apăn bruă Ping gah dêh ]ar Lao, Khoa pơ ala m[s, Kơnuk kơna dêh ]ar Lao hăng Jơnum min djop djuai ania mơnuih mơnam dêh ]ar Lao pơdo\ng lon ia hmâo mơ-^t laih hră điện rơngôt hrom hăng Gru\p apăn bruă Ping gah dêh ]ar Việt Nam, Khoa pơ ala m[s dêh ]ar, Kơnuk kơna dêh ]ar Việt Nam, Jơnum min djop djuai ania mơnuih mơnam dêh ]ar Việt Nam tơlơi hning rơngôt dơlăm.

 

Amăng hră điện mơ-^t, khoa git gai dêh ]ar Lao hmâo pơdah pran jua hning rơngôt prong biă [ơi anăp tơlơi rơngiă mơng Khoa git gai Ping gah hơđăp dêh ]ar ta ơi Đỗ Mười.

 

Hră điện hmâo ]ra\n: “Amăng hơdôm hrơi rơgao, ơi Đỗ Mười hmâo djru prong laih amăng bruă pơđ^ kyar hăng bư\ bôr đ^ tơlơi rô nao rai jiăng mah je# giăm prong hloh, mut hrom pha ra hăng gum hrom abih bang kơplah wah dua Ping gah, dua Kơnuk kơna hăng m[s dua bôh dêh ]ar Lao hăng Việt Nam.

 

Tơlơi ơi Đỗ Mười rơngiă, [u djơ\ kơnong kơ Ping gah, Kơnuk kơna hăng m[s dêh ]ar Việt Nam adơi ayong ôh rơngiă h^ sa ]ô khoa git gai khăp kiăng, pô hơkru\ gơgrong kơjăp mơ\, Ping gah, Kơnuk kơna hăng m[s Lao [ing gơmơi ăt rơngiă mơn sa ]ô gơyut po# pin hăng je# giăm”.

 

Hrom hăng lu tơlơi mơ-it kông điện hnng rơngôt hrom mơ\ng lu khua mua dêh ]ar ta] rơngiao amăng ro\ng lo\n tơnah, tơlơi pơhing mơ\ng jar kmar amăng hơdôm hrơi rơgao ăt ]ih pơthâo tơlơi pơhing lăi nao kơ tơlơi ơi Đỗ Mười Khua hơđăp git gai ping gah dêh ]ar ta rơngiă laih.

 

Lu tơlơi ]ih ako\ boh pia ‘’Khua hơđăp git gai ping gah dêh ]ar Việt Nam, ơi Đỗ Mười rơngiă laih’’, Hră pơhing phrâo BBC yap glăi bruă mă, tơlơi hơdip mơda mơ\ng ơi Đỗ Mười hăng lăi, ~u đ^ ngă khua git gai ping gah dêh ]ar amăng rơnuk lo\n ia hơmâo lu tơlơi bơblih, tơdơi kơ ping gah hơmâo tơlơi pơtrun lui h^ bruă mă pơtum ngă hrom kơnuk kơna pô wai lăng laih anun bơblih pok bah amăng.

 

Khua hơđăp git gai ping gah ơi Đỗ Mười hơmâo gir run dong yua bruă bơblih phrâo bơwih [ong huă rơngai.

 

Hră pơhing phrâo Tân hoa xã ]ih pơthâo tơlơi ră ruai kơ ơi Đỗ Mười hăng thun blan ngă bruă kơđi ]ar hăng lăi, `u tom găn rơgao lu bruă mă, grê ngă khua anet prong, hơmâo pơgôp prong biă mă kơ bruă hơkru\ kơ ping gah hăng djuai ania, biă mă `u amăng bruă bơblih phrâo lo\n ia.

 

 

Hră pơhing phrâo Financial Times ăt pôr, Khua hơđăp git gai ping gah Việt Nam, ơi Đỗ Mười rơngiă laih, tơdơi kơ pioh glăi bruă mă kơđi ]ar tơgu\ hơkru\ yua kơ lo\n ia rơngai ăt kah hăng pơđ^ kyar lo\n ia.

 

 Hră pơhing phrâo anai lăi, ơi Đỗ Mười hơmâo pok rai sa bơnah phrâo kơ bruă pơtom hiăp Việt Nam, ngă pơ rơđah tui rup rap hiam klă mơ\ng Việt Nam amăng jar kmar.

 

 

Lu tơlơi pơhing phrâo jar kmar kah hăng Washington Post, ABCnews, New York Times, Daillymail…ăt pôr pơthâo kơ ơi Đỗ Mười rơngiă, yap glăi bruă mă kơđi ]ar mơ\ng `u laih anun tơlơi pơgôp pran jua mơ\ng ơi Đỗ Mười kơ ping gah hăng lo\n ia Việt Nam.

 

Nay Jek-Siu H’Mai-Siu H’Prăk-Siu Đoan: Pô ]ih hăng pôr