VOV4.Jarai-Tơdơi kơ ha thun ngă tui Hră pơ]râo mrô 01 mơng Khoa dêh ]ar ta kơ bruă pơphun brơi abih bang mơnuih [on sang gum hrom pơgang lo\n ia, tơlơi rơnuk rơnua kual goai dêh ]ar, [ơi tơring ]ar Daklak, djop khul grup, mơnuih tơpuôl amăng tơring ]ar hơmâo jak iâu ngă tui lu bruă mă hăng pơhư] lu mơnuih mơnam ngă tui.

Bruă mă anai, glăk djru hrom ngă hơđong tơlơi rơnuk rơnua goai dêh ]ar. Thế Thắng, pô mă tơlơi pơhing phrâo ]ih ră ruai glăi hơdôm bruă mă [uh sit nik [ơi să Ia Rvê, tơring glông Ea Sup tơring ]ar Daklak, tui anai.

Ngă tui tơlơi jăk iâu abih bang mơnuih [on sang gum hrom pơgang lo\n ia, tơlơi rơnuk rơnua [ơi goai dêh ]ar, hrom hăng lu anom bruă mơnuih tơpuôl pơko\n, Khul đah kơmơi mut phung thôn 3, să Ia Rvê, tơring glông Ea Sup, tơring ]ar Daklak, hơmâo ako\ pơjing phung đah kơmơi gum hrom bruă mă [u ngă soh glăi ôh tơlơi phiăn pơtrun [ơi goai dêh ]ar.

Tui hăng yă Nguyễn Thị Hai Sơn, Khoa grup đah kơmơi ngă bruă hrom  anai lăi le\, bruă phun kiăng ako\ pơjing khul, brơi [ing adơi amai đah kơmơi bưp nao rai, jơnum pơdjru tơlơi thâo thăi tom găn rơgao mơng sang ano\, drơi jăn pô gơ`u, pơtrut pơsur pran jua, pơsir h^ tơlơi tơnap tap, gir run gum hrom hăng adơi ayong ling tơhan pơgang goai dêh ]ar, wai pơgang tơlơi rơnuk rơnua hơđong [ơi plơi pla, [on [ut, bong glăi hăng tơlơi soh sat răm [ăm mơnuih mơnam laih anun boh nik `u pơtô lăi [ing adơi amai amăng khul anăm ngă soh glăi tơlơi phiăn pơgang goai dêh ]ar.

Yua kơ tơlơi hơdip mơda tơnap tap đơi, anun yơh lơ\m phrâo ako\ pơjing khul, hơmâo [iă đô] mơnuih mut ngă hrom.

{ing tơhan pơgang goai dêh ]ar hrom hăng [ing khoa moa đah kơmơi mut phung sơ\n pran jua, jak iâu pơtô lăi, ling tơhan pơgang goai dêh ]ar le\ ăt pơtrut tui klôn djru pơtô pơblang, ngă tui hơdră djru ană plơi pla ngă hmua, anun truh ră anai hơmâo rơbêh 100 ]ô adơi amai ngă hrom.

R^m blan khul đah kơmơi mut phung jơnum sa wơ\t, lơ\m jơnum, ngă hrom bruă pơdah gru grua thâo thăi, adoh soang, pơrơguăt drơi jăn…kiăng pơhư] jai hrơi lu mơnuih ngă hrom.

{ing ding kơna amăng khul hur har biă mă ngă bruă kơ mơnuih mơnam, djru bơblih hrơi mă bruă, ta juăt lăi pơbl^u, djru nao rai, pơsir tơlơi pơdjơ\ sao amăng sang ano\, pơpha bruă mă ngă hrom hyu tir hăng tơhan pơgang goai dêh ]ar, pơgang glai klô, pơgang apui [ong glai, jak iâu mơnuih [on sang gum pơgôp pran jua man pơdong plơi pla phrâo.

Yă Trần Thị Lệ Thủy, Khul đah kơmơi să Ia Rvê, tơring glông Ea Sup brơi thâo:

‘’Bruă phun mơng [ing gơmơi le\ ako\ pơjing khul anai kiăng hơmâo anih adơi amai bưp nao rai jơnum pơ]rông sai bruă mă, pơtô brơi [ing adơi amai thâo kơ tơlơi phiăn kơnuk kơna.

Ăt kah hăng tơlơi thâo kơ bruă pơđ^ kyar sang ano\, dong mơng bruă djru kơ [ing adơi amai thâo hluh lu hloh amăng bruă mă truh kơ tơlơi bơwih [ong huă pơđ^ kyar sang ano\.

Dong mơng anun kiăng plai [iă tơlơi pha ra [u bơkơnar kơplah wah rơkơi bơnai amăng sang ano\, [ing adơi amai amra jing [ing djru bruă kơ tơlơi pơtô pơblang kiăng plai [iă tơlơi răm [ăm mơnuih mơnam, tơlơi sat răm taih ]om amăng sang ano\ hăng ngă soh glăi tơlơi phiăn goai dêh ]ar’’.

Ăt kah hăng bruă mă mơng [ing đah kơmơi, anom bruă khul hlăk ai tơdăm dra să Ia Rvê mơn, tơring glông Ea Sup hơmâo ako\ pơjing khul ngă hrom anăn ‘’Plơi pla [u hơmâo tơdăm dra ngă soh tơlơi phiăn kơnuk kơna’’.

Amăng hơdôm khul mut phung anai, [ing khoa moa, ling tơhan pơgang goai dêh ]ar [ơi Ia Rvê ngă hrom [ing khoa moa khul grup mơnuih mơnam, pơtô ba jơlan hơdră ping gah, tơlơi phiăn kơnuk kơna hăng hơdôm tơlơi pơtrun kơ bruă wai pơgang tơlơi rơnuk rơnua goai dêh ]ar.

{ing tơdăm dra hlăk ai hur har ]ih anăn [uăn rong amra [u ngă soh glăi tơlơi phiăn goai dêh ]ar ôh, ngă hrom lu tơlơi ngui ngor hiam mơak gru grua boh thâo, mơnuih mơnam, mă bruă ngă hmua, ngă lu bruă man pơdong plơi pla phrâo.

Ayong Lê Văn Phong, Kơ-iăng khoa git gai hlăk ai tơdăm dra mut phung să Ia Rvê, tơring glông Ea Sup brơi thâo:

‘’Sang să hơmâo pơtô pơblang jak iâu mơnuih [on sang ngă hrom, hăng abih bang [ing hlăk ai ngă tui klă biă mă hơdră anai, ngă hrom hur har mơn, laih anun [ing gơmơi prăp lui klă hăng pơlar tui lu hloh hơdră ngă anai pơ plơi pla pơko\n’’.

Ngă hrom pơtrut tui tơlơi jak iâu anai, [ing khoa moa, ling tơhan puih kơđông tơhan pơgang goai dêh ]ar [ơi Ia Rvê, ăt pơpha djop grup mă bruă khom do\ je\ giăm hăng ană plơi pla.

Yua kơ anun yơh, bruă mă abih bang mơnuih [on sang gum hrom pơgang goai dêh ]ar, tơlơi rơnuk rơnua [ơi goai dêh ]ar ]i să Ia Rvê dưi hơmâo djop khul grup mơnuih mơnam ngă klă soh.

Ơi Cao Minh Lự, Khoa jơnum min mơnuih [on sang să Ia Rvê brơi thâo:

‘’Amăng mông ngă tui tơlơi pơphun bruă mă, [ing gơmơi hơmâo jơnum, pok pơhai truh pơ djop plơi pla, djop anom bruă pioh ngă hrom, ]ih anăn hăng dong mơng anun pok pơhai prong hloh truh pơ r^m boh sang ano\ pioh pơđ^ tui tơlơi mă bruă, thâo kơđiăng gơgrong ba amăng bruă mă mơng hơdră bruă anai, gum pran jua pơgang lo\n ia dêh ]ar, tơlơi rơnuk rơnua [ơi goai dêh ]ar’’.

Rơbêh sa thun ngă tui tơlơi pơ]râo trun mơng khoa dêh ]ar kơ bruă pơphun, ngă hrom pơgang lo\n ia, tơlơi rơnuk rơnua [ơi goai dêh ]ar amăng rơnuk phrâo, tơring ]ar Daklak hơmâo ba glăi boh tơhnal tu\ yua yom lăp pơpu\ biă mă.

Hơdôm să giăm goai dêh ]ar [ơi tơring ]ar Daklak ngă hrom hăng djop puih kơđông tơhan pơgang goai dêh ]ar ako\ pơjing 51 grup wai pơgang mă pô [ơi djop plơi pla.

Hơdôm hơbo# bruă ‘’sang ano\ đah kơmơi [u hơmâo pô ngă soh glăi tơlơi phiăn goai dêh ]ar’’, ‘’hlăk ai tơdăm dra [u ngă soh tơlơi phiăn kơnuk kơna’’, ‘’dơnai kok pơgang rơnuk rơnua’’, ‘’dơnai teng mơnuih [on sang pơgang rơnuk rơnua’’…hơmâo pơhư] lu mơnuih [on sang ngă hrom, [uh rơđah boh tơhnal tu\ yua ngă pơhđong bruă pơgang tơlơi rơnuk rơnua [ơi goai dêh ]ar, djru hrom ako\ pơdong kual plơi pla hơđong kjăp.

Đại tá Lê Đáng, Kơ-iăng git gai ping gah anom bruă tơhan pơgang goai dêh ]ar tơring ]ar Daklak brơi thâo:

‘’Tơdơi kơ 1 thun ngă tui hră pơ]râo trun mrô 01 mơng khoa dêh ]ar, jak iâu abih bang mơnuih [on sang gum hrom pơgang lo\n ia, tơlơi rơnuk rơnua goai dêh ]ar amăng tơlơi pơhing phrâo ră anai, truh ră anai, djop tơring glông, plơi prong amăng tơring ]ar Daklak hơmâo pok pơhai ngă tui laih tơlơi pơ]râo mrô 01.

Boh nik `u, hơdôm să [ơi goai lo\n ia, dua boh tơring glông giăm goai lo\n ia ngă klă biă mă tơlơi gum hrom anai, djru hăng tơhan pơgang goai dêh ]ar pioh pok pơhai djơ\ hơdră, ngă tui djop tơlơi pơtrun pơ]râo mrô 01, kơnong hơdôm să kual goai dêh ]ar truh ră anai hơmâo laih 51/51 boh plơi pla pơphun khoa moa git gai wai lăng mă pô laih anun k^ pơkôl hăng djop puih kơđông tơhan pơgang goai dêh ]ar ngă tui klă bruă pơgang abih bang gong tơmeh pơkă jơlan goai dêh ]ar’’.

Nay Jek: Pô ]ih hăng pôr