VOV4.Jarai- Tui hăng Anom bruă djă prak pơhlôm noa bruă mơnuih mơnam Gialai brơi thâo, ronoh prak arăng dong hnưh kơ bruă pơhlôm noa mơnuih mơnam, bruă pơjrao tơlơi duăm ruă hăng pơhlôm noa prak rơngiă bruă mă amăng 7 blan rơgao truh kơ 93 klai prak. Kiăng pơgăn tơlơi dong hnưh prak pơhlôm noa bruă mơnuih mơnam, dong mơng ako\ thun truh ră anai, Anom bruă Pơhlôm noa bruă mơnuih mơnam Gialai pơtô lăi kơ djop anom bruă, kơ tơlơi ngă hră pơar tơgu\ kơđi  anom  bruă dong hnưh prak pơhlôm noa bruă mơnuih mơnam tui hăng Hră pơtrun phrâo. Ăt pơtrut tui bruă mă e\p glăi hăng hơdră ngă pơar pioh tơgu\ kơđi pơthâo [ơi sang phat kơđi, kiăng ngă kơđi kơ anom bruă ngă soh [u gưt duh prak pơhlôm noa bruă mơnuih mơnam tui hăng Tơlơi phiăn juăt pơhlôm noa bruă mơnuih mơnam, tơlơi phiăn juăt pơhlôm noa ia jrao pơtrun; anom bruă apah mơnuih mă bruă [u gưt duh prak pơhlôm noa kơ mơnuih mă bruă apah laih pơdơi bruă. Truh ră anai, hơmâo 3 pok hră tơgu\ kơđi tơlơi dong hnưh prak pơhlôm noa bruă mơnuih mơnam hăng rơnoh prak truh kơ 7 klai 700 klak prak, pơhrui glăi 4 klai 700 klak prak.

          Nay Jek: Pô ]ih hăng pôr