VOV4.Jarai- Tom brơi lơ 31/8, gong gai plơi pla, ha\ng mơnuih [ôn sang djo\p djuai ania [ia\ tơring glông Đak Pơ, tơring ]ar Gialai ako\ pơjing ngă lơphet man pơdong giong pra yang pioh hdor tơhan hkru\ ta djai pơsa\n drơi yua kơ lon ia, laih anun go\ng kut rup trah pơblah dưi ayăt roh [ơi Đak Pơ.

Ngă lơphet man pơdong go\ng rup trah tơhan djai pơsa\n drơi yua kơ lon ia  pơblah dưi [ơi Đak Pơ

Lơ 24 blan 6 thun 1954, jơlan mrô 19, găn nao tơring glông Đak Pơ, hơmâo pơblah nga\ ktang kt^t kplah wah tơhan hkru\, mơnuih [ôn sang ta ha\ng khul tơhan mrô 100 tơhan ayăt Prăng, gah ta pơblah dưi h^ ayăt roh Đak Pơ. Ama\ng tơlơi pơblah nga\ anai, hơmâo lu khul kơ nuă, tơhan gah Trung đoàn 96 hăng 62 ]ô hlăk ai ksung nao pơ anăp, khul tơhan du kich ta, djai kh^n htai brơi lon ia ta. Pioh hdor glăi tơlơi djai pơsa\n drơi anun, thun 2014, tơring ]ar Gialai tuh pơ alin, man pơdong pra yang pioh hdor tơhan hkru\ ta djai pơsa\n drơi yua kơ lon ia, laih anun go\ng kut rup trah pơblah dưi Đak Pơ. Ring bruă anai prong 1 ektar 100 met, ama\ng anun hmâo: Pra yang pioh hdor, rup trah, pơnăng ]ih anăn hdôm tơhan ta djai pơsa\n drơi [ơi tơlơi pơblah ngă ayăt roh [ơi Đak Pơ, hdôm ring bruă anai hmâo tơdron, jơlan, pla kyâo mtah, apui lơtrik bơnga], rơnôh prăk man pơdong truh 25 klai prăk.

Rơluch Xuân: Pô ]ih ha\ng pôr