VOV4.Jarai-Gơnong bruă Boh thâo ia rơgơi Gialai glăk pok pơhai hơdôm bruă mă blung a ako\ bruă ngă hrom [ing thâo pơ]eh phrâo amăng tơring ]ar.

 

Bruă phun anăp nao ako\ bruă anai le\ djru kơ [ing kơsem min thâo pơ]eh phrâo ia rơgơi ta` pơgang ba boh thâo ia rơgơi laih kơsem min, pok pơhai ngă tui lu anih anom.

 

Tơlơi anai dưi ]ang rơmang ano\ ngă pơrơkua nao rai lơ\m kơsem min pơ]eh phrâo ia rơgơi mơ\ng anai pơ klôn adih, kiăng pơtrut bruă mă thâo pơ]eh phrâo amăng mơnuih [on sang, boh yom phun kơsem min boh thâo ia rơgơi djru hrom pơđ^ kyar tơlơi bơwih [ong huă mơnuih mơnam.

 

Do\ pơ Krông Pa, sa boh tơring glông ataih [un rin [ơi tơring ]ar Gialai samơ\ mơnuih ngă hmua ơi Phạm Văn Bình, do\ pơ {ôn Tang, să Phú Cần, thâo pơ]eh phrâo lu bruă mă tu\ yua biă.

 

Dơ\ng mơ\ng đing diăp thâo mơ`i hơjăn sit [uh arăng do\p măi [ôp ia truh kơ bruă pơkra ming măi pruih jrao pơdjai hlăt, lêng kơ amu` mă yua, hơđong laih anun pơkrem. Amăng hơdôm gơnam `u pơkra ming, dưi mă yua lu biă mă le\ măi pruih ia jrao hlăt, dưm truă amăng rơdêh thut.

 

Măi anai, `u thâo klo\p h^ sit [uh ano\ gun pơ anăp, djru kơ bruă pruih ia jrao huăi tơ\i đưn, laih dơ\ng hrip glăi ia jrao lơ\m pơdơi pruih jăng jai, djru kơ bruă pruih ia jrao tu\ yua huăi hua] soh sel. Kah hăng [ơi Krông Pa, măi mơ\ dưi pruih giong 7 hektar lơ\m sa hrơi, lu hloh 7 wơ\t măi arăng juăt pruih mơ\ng hlâo.

 

Tui hăng ơi Phạm Văn Bình, dơ\ng mơ\ng `u pơmin pơ]eh rai pơkra ming, dưm truă lông mă yua lăng amăng hmua `u pô, laih anun pơkra glăi lăp kiăng ba yua hơđong sit, `u abih 2 thun kah giong.

 

 Amăng 2 thun anun, `u pơmin kiăng nao rơkâo ]ih anăn pơgang boh thâo ia rơgơi samơ\ [u thâo hơdră ngă hră pơar. Truh gơnam `u pơkra ba s^ mơdrô pơ lu  nom s^ mơdrô, `u nao ]ih anăn pơgang boh tơhnal `u pơ]eh phrâo le\ [u jing ôh:

 

‘’Kiăng dưi bưp [ing mơnuih rơgơi kơhnâo le\ tơnap biă mă, kah hăng hơduah e\p jrum amăng atur ia rơs^, gơ`u ako\n thâo hơduah e\p pô hlơi. Hmư\ mơ\n arăng lăi pô anai, pô anun dưi ngă samơ\ tơdah [u thâo le\ gơnam rơngiă, hua] prăk soh đô], yua kơ anun lui h^, mơ-ai `u be\ gơnam ta pơkra ming le\ pơkra yơh, tu\ kơ mơnuih blơi yua arăng bơni le\ klă yơh, kơnang kơ [ing ]ih tơlơi pơhing phrâo pôr brơi.

 

Truh mông bưp [ing mơnuih rơgơi kơhnâo hrăm lu lăi pơthâo hơdôm tơlơi kiăng brơi pơgang boh tơhnal kơsem min, pơ anăn brơi pô `u pơ]eh rai, arăng lăi glăi le\ hơmâo gơnam phrâo laih!’’.

 

{u djơ\ kơnong [ơi Gialai đô] ôh, [ơi hơdôm tơring ]ar amăng kual Dap kơdư, rơbêh 1 thun hăng anai hơmâo bruă mă yua ia pơkra luk hăng pơtơi mơ\ pioh pruih kơ bơnga tai man hiam biă mă. {iă đô] mơnuih thâo sit nik tơlơi pơmin mă pơtơi pơjing rai ia pruih kơ phun pla jing biă mă, yua mơ\ng sa ]ô mơnuih mă bruă pơ Anom bruă ngă hmua tơring glông Đức Kơ, Gialai, ơi Nguyễn Quốc Tư pô `u.

 

Pô po]eh phrâo anai lăi: sa ]ô mơnuih  ngă bruă kơnuk kơna tơring glông kơnong ngă hmua, `u gir run lu hloh kiăng kơsem min pơkra ming kmơ\k ia mơ\ng pơtơi, pioh ba s^ mơdrô. Samơ\ hơ-ơi biă le\, khă gir run lu laih, kơnang kơ lu anih, lu mơnuih samơ\ bruă nao ]ih anăn pơgang pô pơ]eh rai ia kmơ\k anun [u gêh gal ôh:

 

‘’Kâo pơkra ming ano\ kâo pơ]eh phrâo le\  khom apah mơnuih gah rơngiao djru brơi abih 20 klăk prăk. Aka ngă ôh hră samơ\ rơngiă prăk baih. Hnun mơ\, đuăi hyu dir wir abih sa thun lui soh đô].

 

Truh tal dua kơnang kơ [ing ngă bruă pơ Ding jum adih djru brơi. Kâo lăi le\, tơl Anom bruă pơgang boh thâo ia rơgơi bruă anun hai ăt aka klă mơ\n.

 

Yua kơ tơlơi kiăng lu, boh nik `u pơkra boh thâo ia rơgơi, tui anun mơ\ yua hơge\t Anom bruă pơgang ba boh thâo ia rơgơi pơ]eh phrâo dêh ]ar [u pok prong bruă mă djru mơnuih [on sang dưi ngă hră ta` hloh, kiăng pơsit brơi boh thâo ia rơgơi [ing gơ`u pơ]eh phrâo’’.

 

Tơl [ơi amăng jang mut tơbiă mơ\ng Gơnong bruă Boh thâo ia rơgơi Gialai, sa pơnăng ]ih pơthâo phrâo pơdong đ^: Djop mơta ană mơnuih pơjing rai lêng kơ dưi ]ih anăn pơgang brơi boh thâo ia rơgơi.

 

Hnun mơ\, amăng tal bưp phrâo anai mơ\ng Gơnong bruă Boh thâo ia rơgơi Gialai, Anom kơsem min pơ]eh phrâo hăng mă yua boh thâo ia rơgơi, Ding jum Boh thâo ia rơgơi hăng [ing mơnuih hrăm lu kơhnâo kơhnăk tơring ]ar Gialai kơnong lăi nao kơ tơlơi tơnap tap, aka [u gêh gal lơ\m ngă hră.

 

Rơbêh ha hrơi bưp [ing mơnuih pơ]eh rai boh thâo ia rơgơi [ơi kual plơi pla, nao ]uă, e\p lăng gơnam gơ`u pơkra ming, pok pơhai mă bruă, ba yua, nai prin tha Phạm Ngọc Pha, Anom kơsem min pơ]eh phrâo hăng mă yua boh thâo ia rơgơi dêh ]ar lăi, tơlơi aka găl [ơi Gialai ăt kah hăng lu tơring ]ar pơko\n amăng dêh ]ar. Yua kơ anun, kiăng hơmâo bruă ngă djru hlom bom hloh:

 

‘’{ing pơ]eh phrâo ia rơgơi, kơsem min gơ`u rơgơi biă mă samơ\ lăi pơthâo gơnam pơkra hơdră mă yua le\ do\ kơ[ah, [udah tơnap hơduah e\p mrô rơnoh mơ\ng jar kmar laih anun sem lăng gơnam ta pơkra rai `u phrâo mơ\n hă.

 

 {udah bơhmutu ta ka] rup lăi pơthâo, [ing pơ]eh phrâo [u thâo ngă ôh tơdah [u hrăm truh anih. Kâo pơmin le\ lu anom bruă kơnuk kơna ngă gong jơlan djru ba kơ [ing pơ]eh phrâo anun ngă giong gơnam pơkra ming mơ\ng gơ`u’’.

 

Tui hăng ơi Nguyễn Ngọc Cường, Kơ-iăng Khua Gơnong bruă Boh thâo ia rơgơi tơring ]ar Gialai, kiăng dưi djru ba bruă mă, tơlơi kơsem min pơ]eh phrâo tơring ]ar, djru kơ [ing pơkra ming rai gơnam yua pơ]eh phrâo ia rơgơi pơgang ba boh tơhnal gơ`u kơsem min, pơsit brơi mă yua le\, gơnong bruă boh thâo ia rơgơi hơmâo in pơkra hơdrôm hră pơtô brơi, pơblang rơđah kơ bruă mă pơ]eh phrâo hăng pơgang boh tơhnal pơ]eh phrâo anun, tơlơi pơtô amu` thâo hluh.

 

Hrom hăng anun, dơ\ng mơ\ng thun 2020 anai, amra kơtưn pơtruh nao rai hăng djop sang bruă pioh djru ba tu\ yua hloh:

 

‘’{ing gơmơi blung a djru kơ mơnuih hơmâo pơ]eh phrâo ia rơgơi thâo hluh, be\ h^ bruă ngă hră pơ-ar [u găl. Gơnong bruă Boh thâo ia rơgơi amra e\p brơi hơdră, pơtruh nao rai hăng [ing kơhnâo kơhnăk, djop sang bruă kơsem min ia rơgơi djru pơtô ba.

 

 Kiăng kơ [ing thâo pơ]eh phrâo ia rơgơi thâo hluh ngă djơ\ tơlơi phiăn, dua le\ ngă djơ\ tơlơi phiăn jar kmar, klâo le\ ngă djop tơlơi gêh gal mơ\ng gơ`u pô’’.

 

{uh rơđah hơdôm mơta gơnam pơ]eh phrâo ia rơgơi [ơi Gialai hơdôm thun giăm anai lêng kơ tơbiă rai mơ\ng ano\ kiăng mă bruă ngă hmua hăng tơlơi hơdip mơda r^m hrơi, boh nik `u bruă ngă hmua pla pơjing.

 

Nao hrom hăng bruă pơ]eh phrâo, djru ba gơnam pơkra rai anun ta` hơmâo hră pơsit, dưi pơgang ba, pơtrut pơsur ba yua amăng tơring ]ar laih anun pơtrut [ing hor kơsem min hăng thâo pơ]eh phrâo, pơkra ming gơnam tam boh thâo ia rơgơi, djru kơ tơring ]ar Gialai pơđ^ tui rơnoh yom pơkra ming gơnam s^ mơdrô mơ\ng đang hmua, bơwih brơi kơ bruă kơsem min boh thâo ia rơgơi ta` hăng hơđong kjăp.

Nay Jek: Pơblang hăng pôr