VOV4.Jarai - Kơ-iăng Khua Jơnum min m[s tơring ]ar Gialai ơi Kpă Thuyên phrâo k^ hră pơ-ar rơkâo pơtrut kơtang pơđ^ kyar rông hlô, akan hơdang kiăng pơ ala glăi a`ăm un yua kơ klin pơtah ]roh ngă, biă `u amăng ako# thun 2020.

Kiăo tui anun, Gơnong bruă đang hmua hăng pơđ^ kyar [ôn lan hmâo bruă gơgrong pơtô ba pok pơhai bruă rông pu\ un, hrom hăng anun pơtô brơi mă yua ba glăi bôh tơhnal pơhlôm sinh học amăng bruă rông hlô.

Hơdôm anih anom pơphun pel e\p, pơsit tơlơi kiăng kơ bruă rông glăi pu\ un, kơtưn bruă pơtô brơi, pel e\p, lăng tui tơlơi rông hlô hăng bruă pơgang, pơgăn klin ruă.

Pơtrut kơtang pơđ^ kyar bruă bơwih [ong huă hăng ]em rông hlô djop mơta pơkon pơhlôm 3 tơlơi pơkă pơhlôm sinh học, dưm kơnar mrô hmâo hăng mrô kiăng pioh hơđong mơnuih mơnam.

Khul apăn bruă hăng hơdôm anih anom đing nao pơphun pơgăn, hmao tlôn thâo hăng pơsir tơpă hơdôm mơnuih blơi do\p, du\ pơgiăng s^ mdrô [u djơ\ phiăn hlô mơnong, a`ăm hlô mơnong./. 

Siu H’ Prăk: Pô ]ih pơblang