VOV4.Jarai-Dong mơng thun 2014 truh ră anai, [ơi tơring ]ar Gialai hơmâo ako\ pơjing bruă rông rơmô đang war prong, dong mơng hơdôm rơbâo truh kơ hơdôm pluh rơbâo drơi. Anai le\ bruă mă phrâo amăng bruă ]em rông hlô mơnong [ơi tơring ]ar anai, blung a hơmâo ba glăi boh tu\ yua biă mơn kơ tơlơi bơwih [ong huă. Khă tui anun, gah rơgiao kơ tơlơi tu\ yua kơ tơlơi bơwih [ong huă ăt hơmâo mơn tơlơi aka [u  klă, ngă hơ[ak jrak ayuh hyiăng lo\n glai adai rơhuông yua mơng hơdôm đang war rơmô anun ngă rai, bơbe] djơ\ truh tơlơi hơdip mơda mơnuih [on sang.

            Mơuih [on sang thôn 1, 2 hăng thôn 3, să Thành An, plơi prong An Khê hơdôm hrơi anai, khom do\ amăng anih ayuh hyiăng hơ[ak jrak yua kơ [âo bru\ laih anun ia djah eh rơmô mơng Kông ty pơ]ruh ngăn ]em rông rơmô Gialai. Ơi Nguyễn Hữu Quang, hơmâo 3 ektar dơnao rông akan, hmua tơju\ pơdai  hăng gơnam pla pơko\n [ơi thôn 3 să Thành An, brơi thâo, ia djah mơng anih rông rơmô rô rai, tui hăng ia ]roh hnoh, ple\ nao pơ ia krông Pa. Hmua đang blôk mơng ơi Quang do\ giăm đang war rông  rơmô lu anun yơh bơ be] djơ\ prong hloh. Dơnao rông akan sang ano\ `u 3 ar, akan [u dưi hơdip ôh, đơ đam lo\n ngă hmua mơng sang ano\ ăt [u dưi mơboh lơi hro\ trun 40%. Ơi Quang lăi:

            Akan tih, kan hiao rông, tơl akan kroă ăt djai mơn. Eh rơmô rô rai, pơdai ăt khom yuă lui soh. Pơdai djơ\ eh rơmô kơbao kơtang đơi, pơdai khăng abih, huă [u jơman, s^ ako\n hơmâo pô blơi. Gah tơkai hmua anai, lu hmua mơnuih [on sang ăt răm yua mơn. Yua kơ gơ`u aka [u hơmâo ano\ pơrai h^ djah eh rơmô, bơyan hơjan eh rơmô rô đuăi, le# nao truh pơ ia krông Pa.

Ia eh mơ-a`ă rơmô rô tui hnoh ia ple\ nao pơ hmua pơdai mơnuih [on sang

            Ơi Nguyễn Duy Hưng, Kơ-iăng khoa sang să Thành An, plơi prong An Khê brơi thâo, anih anom rông rơmô mơng kông ty pơ]ruh ngăn ]em rông tơring ]ar Gialai dưi hơmâo khoa tơring ]ar Gialai brơi mă bruă, dong mơng thun 2014 laih anun truh blan 3/2015 hlong mă bruă sit nik. Đang war anih anom rông rơmô anai prong rơhaih 70 ektar laih anun glăk do\ rông 7.500 drơi rơmô pioh s^ mơnong. Dong mơng hrơi anom rông rơmô anai mă bruă, hơmâo lu tơlơi bơbe] yua, aka [u gal, kah hăng ngă hơ[ak jrak ayuh hyiăng lo\n glai adai rơhuông, ngă sat truh kơ tơlơi hơdip mơda mơnuih [on sang. Lu ruai wăng pơ prong laih anun lu sang ano\ do\ giăm đang war rông rơmô anun, khom akă mung kah dưi [ong huă yua kơ ruai lu đơi. Mơnuih [on sang hăng khoa moa să lu wo\t laih rơkâo đ^ hăng khoa moa pơ dlông, lăi pơthâo tơlơi hơ[ak jrak ayuh hyiăng lo\n glai adai rơhuông samơ\ aka [u hơmâo pô pơsir ôh. Ơi Nguyễn Duy Hưng, lăi:

            Laih gơ`u mă bruă ba rông rơmô lu gơ`u lui tơlơi hơ[ak jrak kơtang đơi. Gơ`u [u hơmâo man pơkra ano\ pơrai djah djâo ôh, lui ia eh mơ-a`ă rơmô rô đuăi pơ rơngiao, rô nao amăng hnoh ia, hmua pơdai arăng, rô  nao pơ ia krông. Yua kơ anun, ră anai, ia krông Pa ră anai `u hơ[ak jrak biă mă.

            Bruă ngă pơđoh lui ia djah sat mơng anom rông rơmô Kông ty pơ]ruh ngăn ]em rông rơmô Gialai [ơi An Khê jai kraih kơtang yua kơ ia djah rô đuăi tui hnoh ia anet prong, trun nao pơ ia Pa soh. Hơdôm rơbâo rơbăn sang ano\ mơnuih [on sang do\ kơtoai hang ia krông, dong mơng plơi prong An Khê truh pơ tơkai adih khom mă yua ia hơ[ak jrak kơtang na nao. Ano\ sat hloh dong, sang măi hrong ia plơi prong  An Khê ăt [ôp ia mơng ia Pa mơn pơđoh ba kơ mơnuih [on sang plơi prong so# yua, ră anai ia hơ[ak jrak kơtang hiư\m mơng ngă, ia ]ơkol uai mơtam laih anun [âo bru\, [âo hơngir. Ơi Đỗ Tuấn Diệp, Khoa git gai wai lăng sang măi ia yua plơi prong An Khê, lăi:

            Lom nao e\p lăng ako\ blan 10 rơgao [uh biă mơn ia jing h^ mơtah, ju\ uai laih anun [âo hơngir. Lom anun, sang măi brơi pơdơi [ôp ia yua kơ [u hơdjă. Pơdơi ba ia yua le\, amu` đu] samơ\ hơmâo truh 2.300 boh sang ano\  mơnuih [on sang yua ia. Hơdôm sang ano\ hơmâo ia bơmun le\ arăng [ôp ia huăi hơge\t ôh, bơ hơdôm sang ano\ [u hơmâo ia bơmun le\ tơnap tap biă mă.

Dơnao akan sang ano\ ơi Quang ia djah rơmô ngă rai akan tơl djai mơn

            Lăp gleng nao biă `u [u djơ\ kơnong hơjăn anom rông rơmô mơng kông ty pơ]ruh ngăn ]em rông Gialai [ơi plơi prong An Khê đu] ôh ngă hơ[ak jrak, lu anom  ]em rông  pơko\n mơng kông ty anai pơdong [ơi Gialai ăt hnun mơn. Kah hăng [ơi tơring glông Mang Yang, anih hơmâo 3 boh anih rông rơmô mơng kông ty anai jing yap prong hloh amăng dêh ]ar ta, tom ngă hơ[ak jrak ayuh hyiăng lo\n adai glai klô bơ be] djơ\ kơ sang ano\ mơnuih [on sang  jum dar. Ơi Võ Lê Xuân Thiện, Khoa wai lăng dram gơnam hăng ayuh hyiăng tơring glông Mang Yang brơi thâo:

            Kông ty pơ]ruh ngăn ]em rông Gialai glăk pok pơhai kơ]ăo bruă rông rơmô pioh s^ mơnong hăng djet ia tơsâo. Hăng rơmô rông lu biă mă ngă hơ[ak jrak ayuh hyiăng, boh nik `u amăng bơyan hơjan. Kông ty hơmâo laih mơn hră pơkôl pơkă hăng tơring glông amra pơsir klă hloh, kiăng huăi ngă bơbe] djơ\ kơ ayuh hyiăng lo\n adai glai klô, ăt kah hăng bơ be] djơ\ kơ tơlơi hơdip mơda, do\ dong [ong huă mơng mơnuih [on sang.

  Ia krông Pa ]ơkol ju\ uai yua eh  mơ-a`ă rơmô mơng anih rông rô nao

            Ơi Lê Đình Vũ, Khoa kông ty pơ]ruh ngăn rông rơmô Gialai ăt pơhaih, [ơi hơdôm anih rông rơmô mơng kông ty ngă hơ[ak jrak, răm [ăm hmua pơdai mơnuih [on sang, dơnao rông akan. Hơdôm anih rông [ơi Mang Yang, hơmâo tơlơi ia djah rô nao pơ đang hmua mơnuih [on sang, yua hơjan prong ia kuor nao, ia hơjan lu ngă blai dơnao pơsir ia djah mơng anih rông rơmô laih anun blai  rô nao pơ rơngiao truh pơ hmua mơnuih [on sang. {ơi anun, kông ty ngă hrom mơnuih [on sang hăng pơsir glăi tơlơi răm [ăm, duh glăi kơ mơnuih [on sang lăp laih. Bơ anih rông rơmô [ơi plơi prong An Khê, kông ty ăt glăk e\p hơdră djru pơsir, samơ\ ako\ bruă aka pơs^t ôh. Kông ty glăk pok pơhai man pơdong anih pơsir ia djah. Ơi Vũ ăt brơi thâo, kông ty [u brơi pơđoh ia djah pơ rơngiao ôh, yua dah ia djah eh rơmô le\, pioh mă yua pơkra kmơk yom biă mă. Tơlơi ia djah rô [rua] pơ rơngiao le\, sa tơlơi aka [u dưi pơhlôm hlâo ôh. Ơi Lê Đình Vũ lăi:

Anom rông rơmô lu mơng kông ty pơ]ruh ngăn ]em rông Gialai [ơi T.G Mang Yang

            {ơi plơi prong An Khê, lom pơjing kơ]ăo bruă hmar đơi, anun hơdôm bruă pơko\n aka [u hmao ngă giong. {ơi An Khê pơtong glăi ano\ bơ be] djơ\ mơng ayuh hyiăng lo\n glai adai rơhuông khom hơdôm hrơi pơ anăp dong kah mơgiong. Tơdah bruă pơtong glăi ayuh hyiăng mơng tơring ]ar pơtrun le\ kah hăng ]răn A,B,C hơge\t thơ, laih anun hluai tui anun ta mă bruă. Amăng bruă anai, gah kông ty ăt hơmâo tơlơi soh glăi mơn laih anun hơmâo mă bruă hăng Gơnong bruă wai lăng dram gơnam ayuh hyiăng lo\n glai adai rơhuông tơring ]ar laih, pioh kơ kông ty e\p hơdră pơsir h^, ngă dơnao [udah đing pơđoh ia. Ră anai, kông ty ăt hơmâo git gai klơi dơnao prong, ngă dơnao, hrong ia djah laih anun anih ia djah rô đuăi hram amăng lo\n.

            Kông ty pơ]ruh ngăn ]em rông Gialai jing kông ty gah Grup Hoàng Anh Gialai. Kông ty anai, ră anai rông năng ai `u 60 rơbâo drơi rơmô pioh s^ ngă mơnong hăng rơmô djet ia tơsâo [ơi 5  blah đang war blôk prong amăng tơring glông Mang Yang, Ia Pa hăng plơi prong An Khê tơring ]ar Gialai. Bruă  pơdong anih rông rơmô prong anai ngă hơ[ak jrak ayuh hyiăng glăk hơmâo biă mơn. Anai le\, tơlơi pơ[uh hlâo kơ bruă pơđ^ kyar hmar đơi ]em rông prong samơ\ aka [u gleng nao ôh kơ bruă pơsir ia djah, ngă hơ[ak jrak, bơ be] djơ\ kơ tơlơi hơdip mơda mơnuih [on sang iao gah.

                                                                        Nay Jek: Pô ]ih hăng pôr