VOV4.Jarai-Kiăng pơkdong glăi hăng tơlơi pơdo\ ung mơ\ng muai bơnai mơ\ng anet hăng pơdo\ rơkơi bơnai sa drah kơtăk kah hăng do\ ană anong rông ană wa [ơi plơi pla mơnuih djuai ania [iă, Khul đah kơmơi mut phung tơring glông }ư\ Sê, Gialai hơmâo ako\ pơjing lu khul ngă hrom.

Hăng hơdră ngă anai, [ing ding kơna khul jak iâu, pơtrut lu mơnuih lui h^ tơlơi pơdo\ ung mơ\ng muai bơnai mơ\ng anet laih anun do\ ană anong rông ană wa, sa drah kơtăk je\ giăm;

 laih dơ\ng ngă tui hơbo# khul đah kơmơi mut phung tơring ]ar Gialai pok prong truh plơi pla, tơring glông pơko\n amăng tơring ]ar.

Yua sang ano\ kơ[ah mơnuih, am^ ama tha rơma laih, aka djop 18 thun ôh, samơ\ adơi Rmah H’Dêr, plơi Gran, să Ia Hlôp, tơring glông }ư\ Sê pơmin do\ rơkơi yơh kiăng hơmâo mơnuih mă bruă.

Yua kơ do\ rơkơi bơnai mơ\ng anet, lu đah kơmơi aka djop 18 thun jing am^ arăng laih

Laih hmư\ tơlơi pơhing anun, [ing ding kơna khul đah kơmơi mut phung lăi ‘’{u kiăng pơdo\ rơkơi mơ\ng muai hăng do\ sa drah kơtăk je\ giăm’’, gah Khul đah kơmơi mut phung să Ia Hlôp ta` nao khă h^.

Lơ\m tlam mơmo\t, [ing adơi amai khul đah kơmơi mut phung nao ră ruai, pơhiăp tom, bơblang tong ten kơ H’Dêr thâo hluh, aka [u djop thun, [u djơ\ kơnong ngă soh tơlơi phiăn kơnuk kơna đô] ôh, do\ bơbe] sat kơ drơi jăn pran jua ta pô.

Laih thâo hluh giong, H’Dêr lui h^ pơdo\ rơkơi bơnai gơ`u, tơguan djop thun kah pơdo\:

‘’Hnang blung kâo [u hmư\ tơlơi gơ`u pơtô lăi ôh. Tơdơi kơ anun, gơ`u rai dua klâo wơ\t dơ\ng, kâo thâo hluh hăng pơmin glăi djơ\ yơh.

Lăng pô pơko\n hơmâo ană ta`, [u thâo ]em rông ană bă, [u hơmâo ia tơsâo kơ ană mem ôh; rơkâo e\p mă bruă arăng apah ăt [u dưi lơi yua aka djop thun.

{uh arăng tơnap, kâo thâo hluh glăi, do\ rơkơi ta` ăt tơnap hnun mơn, anun kâo tơguan truh 22 thun kah do\ rơkơi. Mông anun, ta djop thun, thâo hluh laih mơn’’.

Să Ia Hlôp, hơmâo 8 boh plơi mơnuih djuai ania [iă. R^m thun, djop plơi hơmâo mơ\ng 2-3 krop rơkơi bơnai do\ ung mơ\ng muai bơnai mơ\ng anet, [udah do\ ană anong rông ană wa.

Pơdo\ ung mơ\ng muai bơnai mơ\ng anet bơbe] sat kơ bruă pơđ^ kyar bơwih [ong huă hăng pơgang tơlơi suaih pral kơ đah kơmơi djuai ania [iă [ơi Gialai

Tăp năng hơmâo adơi amai đah kơmơi kiah 14, 15 thun đô] do\ rơkơi, lu ]ơđai sang hră glăk hrăm hră gưl dua lui h^ kiăng do\ rơkơi.

{ơi anăp kơ tơlơi anun, să Ia Hlôp ruah mă ngă gru hlâo Khul đah kơmơi lăi ‘’{u do\ rơkơi mơ\ng muai, [u do\ sa drah kơtăk’’ blung a mơtam [ơi tơring glông }ư\ Sê.

Tui hăng anun, r^m krop rơkơi bơnai pơpă kiăng do\ rơkơi ta`, ding kơna khul đah kơmơi mut phung amra nao tơl sang pơtô brơi tơlơi phiăn pơdo\ rơkơi bơnai, laih dơ\ng pơblang rơđah tơlơi sat pơglăi kơ drơi jăn pran jua, hơdră [ă [em ]em rông ană bă, kiăng lu adơi amai, sang ano\ thâo hluh laih anun pơđur [u brơi pơdo\ rơkơi bơnai aka [u djop thun hăng pơdo\ je\ giăm sa drah kơtăk.

Hơdôm sang ano\ tơnap kơ bruă pơtô lăi le\, khul đah kơmơi kơnang kơ [ing apăn bruă tơlơi phiăn să, khua [on, mơnuih arăng gưt hiăp, tha plơi djru.

Yă Đinh Thị Tuyết Nhung tal dua gah ieo, Kơ-iăng Khua khul đah kơmơi mut phung tơring glông }ư\ Sê do\ ră ruai hăng pô mă tơlơi pơhing VOV

Rmah H’Krăo, Khua khul đah kơmơi mut phung să Ia Hlôp-ăt jing khua khul đah kơmơi ngă hrom brơi thâo, kơnong sa thun mă bruă, ngă tui tơlơi pơtrun mơ\ng khul ngă hrom, hơmâo pơtô lăi 20 krop rơkơi bơnai aka truh thun [u pơdo\ ôh hăng lui pơdo\ rơkơi bơnai kah hăng do\ ană anong rông ană wa:

‘’Blung a le\, pơtô pơblang, jak iâu gơ`u anăm pơdo\ nao rai je\ giăm phung wang ôh, giong anun pơblang brơi thâo hluh [u pơdo\ rơkơi bơnai ta` lơi.

Bưp sa wơ\t gơ`u [u hmư\ ôh, dua wơ\t pơtô [rư\ [rư\ gơ`u thâo hluh mơn. Bruă ngă anai tơnap biă, samơ\ gir run yơh kiăng pơtrut pơsur khom dưi’’.

Dơ\ng mơ\ng boh tơhnal blung a khul đah kơmơi ngă hrom ‘’{u do\ rơkơi mơ\ng muai, [u do\ sa drah kơtăk’’  să Ia Hlôp, ră anai, Khul đah kơmơi mut phung tơring glông }ư\ Sê hơmâo ako\ pơjing 15 khul đah kơmơi ngă hrom tui anun djop să, tơring kual, abih bang 433 ]ô ding kơna.

{u pơdơi dơ\ anun ôh, mơ\ng ako\ thun truh ră anai, lu khul ngă hrom anom tơlơi phiăn tơring glông pơtô pơblang kơ 1.600 ]ô ]ơđai sang hră gưl klâo, hơmâo lu ]ơđai sang hră djuai ania [iă.

Yă Đinh Thị Tuyết Nhung, Kơ-iăng khua khul đah kơmơi mut phung tơring glông }ư\ Sê brơi thâo, thun hlâo [uh hăng pơgăn h^ 30 krop rơkơi bơnai pơdo\ ung mơ\ng muai bơnai mơ\ng anet:

‘’Rơngiao kơ bruă pơtô lăi amăng plơi, [ing gơmơi pơtô lăi pơ sang hră dơ\ng, biă mă `u amăng sang hră đôm lăm.

Bruă mă pơtô pơblang ngă hrom anom bruă tơlơi phiăn, kông ang să, boh nik `u tha plơi, mơnuih arăng đăo kơnang.

Kiăng biă mă pơđ^ tui mrô mơnuih ngă ding kơna khul amăng [ing đah kơmơi dra ngek, kiăng pơtô lăi, brơi gơ`u djru hrom. Truh ă anai, [uh khul ngă bruă hơmâo boh tu\ yua biă mă’’.

Boh tơhnal dơ\ng mơ\ng Khul đah kơmơi ngă hrom ‘’{u do\ rơkơi mơ\ng muai, [u do\ sa drah kơtăk’’ [ơi tơring glông }ư\ Sê, ră anai, khul đah kơmơi tơring ]ar Gialai hơmâo pơlar lu tui truh kơ 15/17 boh tơring glông, plơi prong amăng tơring ]ar hăng 55 khul ngă hrom abih bang 1.500 ]ô đah kơmơi ngă ding kơna.

Hăng hơdră ngă anai, thâo pơ]eh phrâo hăng pơsit mơtam, djop khul đah kơmơi ngă hrom anai hur har pơtô lăi, brơi lui tơlơi pơdo\ ung mơ\ng muai bơnai mơ\ng anet, do\ ană anong rông ană wa sa drah kơtăk je\ giăm đơi amăng tơring ]ar.

Nay Jek: Pô c\ih hăng pôr