VOV4.Jarai-Tơlơi kiăo tui kơ mrô rơnoh tu\ kơ lu man pơdong plơi pla phrâo; tơlơi ]ơđai nge djai lu; tơlơi s^ mơdrô dop, s^ mơdrô gơnam ngă mă ]a tơnap tap biă mă …..anun yơh hơdôm tơlơi pơdah thâo amăng mông jơnum, tơ`a hăng lăi glăi khua mua pơ ala mơnuih [on sang tơring ]ar Gialai, jơnum lok 5, khua mua pơ ala tơring ]ar tal XI pơphun laih amăng rơnu] rơwang hrơi tơjuh rơgao.

Tui hăng khua mua  pơ ala mơnuih [on sang tơring ]ar Gialai, glăk hơmâo tơlơi kiăo tui kơ mrô kiăng lu amăng Hơdră dêh ]ar ta pơtrun man pơdong plơi pla phrâo.

Tui hăng tơlơi lăi pơthâo mơ\ng Jơnum min mơnuih [on sang tơring ]ar [ơi mông jơnum le\, thun 2107 tơring ]ar hơmâo 20 boh să ngă djơ\ tơhnal pơkă plơi pla phrâo, pơđ^ tui mrô să dưi ngă djơ\ tơhnal pơkă le\ 50 boh.

Khă hnun, laih nao e\p lăng tong ten le\, [ing khua mua pơ ala mơnuih [on sang tơring ]ar lăi, do\ lu să ngă aka [u djơ\ tơhnal pơkă.

Hơmâo să nôp hră rơkâo tu\ yap să ngă djơ\ tơhnal pơkă laih samơ\ laih e\p lăng kơnong ngă djop 16/19 tơhnal pơkă. Tăp năng hơmâo să tu\ yap laih, samơ\ laih sem glăi do\ kơnong 9/19 tơhnal pơkă.

Pơblang tong ten kơ tơlơi anai, ơi Trương Phước Anh, Khua Gơnong bruă wai lăng đang hmua hăng pơđ^ kyar [on lan tơring ]ar Gialai pơhaih rơđah, bruă pơtong glăi, tu\ yap să plơi pla phrâo hơmâo tơlơi kơ[ah h^ bruă e\p lăng tong ten, anun hơmâo tơlơi lăi kiăng ‘’Mrô rơnoh tu\ kơ lu’’, mrô să ngă djơ\ tơhnal pơkă [u lu ôh pơkă hăng tơlơi lăi pơthâo:

‘’Pơtong glăi aka djơ\, aka tơpă, aka tong ten, rơđah rơđong, hơmâo biă mơn lăi pơthâo kiăo tui mrô tu\ kơ lu. Tơlơi anun djơ\ mơn arăng lăi.

Kâo pơmin khom ngă tui djơ\ khut khăt amăng bruă ]ih anăn rơkâo tu\ yap ngă djơ\ laih hơnong pơkă.

Yap glăi kơnong hơmâo 14 boh să đô] ngă djơ\ hăng tơlơi pơsit mrô 1600 mơ\ng Khua dêh ]ar ta.

Gơmơi [uăn pơ anăp anai amra ngă rơđah hloh tơlơi lăi pơthâo mơng khua mua jơnum min pơ ala mơnuih [on sang tơring ]ar, kiăng hơmâo tơlơi pơhing djơ\ hloh’’.

Sa tơlơi pơko\n dong, lăp gleng nao amăng mông jơnum tal anai, [ing khua mua pơ ala mơnuih [on sang tơring ]ar Gialai jing sa tơlơi [uh dơ\ng, ]ơđai nge phrâo tơkeng djai h^ lu biă mă.

Lu ]ơđai nge djai [ơi sang ia jrao mơtam, anun le\ bruă ngă [u tong ten mơ\ng [ing ơi ia jrao, ngă kơ mơnuih [on sang hil biă mă.

Tui hăng tơlơi lăi pơthâo mơ\ng Gơnong bruă ia jrao tơring ]ar, thun 2017 đơ đam tơring ]ar Gialai hơmâo truh kơ 230 ]ô ]ơđai nge djai, đ^ tui 400% pơkă hăng thun 2016, hơmâo 60 ]ô ]ơđai nge đô] djai.

Pơblang glăi kơ tơlơi anai, ơi Mai Xuân Hải, Khua gơnong bruă ia jrao tơring ]ar Gialai ăt pơhaih, mrô ]ơđai nge djai amăng thun 2017 đ^ lu biă mơn.

Khă hnun, ăt hơmâo mơn tơlơi ]ih ju\ yap aka [u tong ten, soh glăi tơlơi ju\ yap ]ih pơdah đ^, anun mrô lăi pơthâo lu đơi:

‘’Amăng hră lăi pơthâo thun 2017 hơmâo 230 ]ô ]ơđai nge djai. Gơmơi brơi e\p glăi, anih anom lăi pơthâo le\ jing Anom pơgang tơlơi suaih pral [ă tơkeng ană nge, gah Gơnong bruă ia jrao tơring ]ar, pơ alin glăi soh h^.

Laih e\p glăi rơđah, thun 2017 kơnong hơmâo 90 ]ô đô]’’.

Khă khua anom bruă gah ia jrao tơring ]ar pơblang tui anun, lăi pơthâo mrô ]ih soh glăi, samơ\ [ing khua mua pơ ala mơnuih [on sang tơring ]ar Gialai pơdah pran jua đăo đing kơ mrô lăi pơthâo anun ăt aka [u tong ten ôh.

 Yua kơ [u soh glăi ôh mrô ]ơđai nge djai lăi pơthâo anun, lu mrô pơko\n mơ\ng anom bruă anai ăt aka [u tong ten mơn.

Sa tơlơi dơ\ng lăp gleng nao mơn, hơmâo [ing khua mua pơ ala mơnuih [on sang tơring ]ar Gialai tơ`a, anun le\ tơlơi s^ mơdrô dop, gơnam pơkra ming mă ]a ]ot ăt do\ tơnap tap đô].

Boh nik `u, tơlơi pơhing pơkra kmơ\k, ia jrao pơdjai hlăt [u sit mơ\, glăk ngă răm [ăm truh kơ mơnuih [on sang ngă hmua.

Tơlơi anai, ăt yua kơ tơlơi tơdu amăng bruă git gai wai lăng hăng tơlơi gơgrong ba amăng bruă mă mơ\ng djop sang bruă kơnuk kơna [ơi tơring ]ar.

Nay Jek: Pô ]ih hăng pôr