VOV4.Jarai - Lăng nao kơ sang phrâo man pơdong  prong hăng hiam biă mă mơng sang ano\ ayong Giàng A Chinh, [ơi plơi Nậm Lộng, să Hang Chú, tơring glông Bắc Yên [uh le\ hiam hloh kơ sang arăng pơko\n amăng plơi. Amăng lăm sang, lăng nao [ơi pơnăng  bral kơ không, hră bơni, hră tu\ yap mơng lu anom bruă ping gah, kơnuk kơna djo\p gưl pơpu\ bơni kơ `u mơnuih ngă Khoa git gai khul ping gah amăng plơi, jing sang ano\ mă bruă bơwih [ong huă rơgơi hăng hră bơni kơ anăn Giàng A Chinh soh.

            Hơdor glăi hơdôm thun blan do\ tơnap tap, Giàng A Chinh brơi thâo: truh bơyan tơju\ pla, sang ano\ gơ`u tom găn laih tơlơi ư\ rơpa mơng 2 -3 blan mơtam. Phun `u yua kơ hơdră mă bruă hmua,  bơwih [ong huă aka [u hơđong, kơ[ah kơ prăk ]i ]an pioh tuh pơplai kơ bruă mă, tơlơi hơdip mơda  hrim hrơi kơnong kơnang mơng  bruă ngă hmua [ơi kơdư, ngă hmua tơguan mơng ayuh hyiăng lo\n glai adai rơhuông đu], boh troh pơhrui glăi [u lăp hăng pran jua ai hơtai tuh rơyuh ôh:

            Kâo le\ am^ [ă yă pơjing amăng soh boh sang ano\ [un rin hin tơnap, lu adơi ayong. Kâo jing ană  tơlu\i amăng sang ano\. {uh [ing  ayong, amai, am^ ama ngă bruă, gleh glar tơlơi hơdip mơda tơnap tap biă mă, ta [u kiăng ôh tơlơi tơnap anun do\ tlep na nao amăng sang ano\, laih anun [u anăm a` ôh tơlơi anun, anun yơh gir run hrưn đ^ mă mơng drơi jăn ta pô laih anun tuh rơyuh pran jua kiăng lo\m lui tơlơi rin rơpa.

            Sơn Tra jing phun pla dưi djru kơ ană plơi lui rơmo\n ako\n rin [ơi kual ]ư\ siăng Bắc Yên. Kơnong plơi Nậm Lộng hơmâo truh 200 ektar, hrim bơyan pơhrui glăi năng ai `u mơng 350 truh kơ 400 tơn. Yua plơi ataih đơi mơng tơring glông hơdôm pluh rơwang km, anun yơh bruă pơdu\ pơgiăng tơnap tap biă mă, boh troh s^ mơdrô  kah hăng boh Sơn Tra anai amăng bơyan hơpuă yuă tơnap tap biă mă.

            Tơdơi kơ  pơ ]rông sai hăng sang ano\ ană bơnai, thun 2010, Giàng A Chinh pơs^t pokrem glăi rơnoh s^ boh Sơn Tra, `u tuh pơ alin glăi, blơi sa boh rơdêh pơgiăng gơnam 5 tơn hăng rơnoh prăk 280 klăk prăk, pe\ rah boh Sơn Tra sang ano\ pô laih anun hyu blơi boh Sơn Tra amăng plơi, pơgiăng ba nao pơ tơring adih s^ mơdrô. Amăng thun anun mơtam sang ano\ `u blơi s^  hơmâo 15 tơn  boh Sơn Tra. Juăt tui [ơ [rư\ hăng bruă anai, boh Sơn Tra `u blơi hăng s^ mơdrô jai hrơi lu tui, ha thun truh kơ 50 tơn, prăk kơmlai pơhrui glăi 200 klăk prăk. Thun 2013, tơdơi kơ nao hrăm pơ anih pơtô hơdră pla kyâo glai, `u pơs^t tuh pơ alin rah anah boh Sơn Tra. Truh ră anai, đang rah anah boh Sơn Tra `u pơjing 30 ektar, [u djơ\ kơnong djo\p kơ bruă pla amăng đang hmua kơ sang ano\ đu] ôh, `u do\ s^ kơ lu sang ano\ amăng plơi, amăng să dong đa. Ayong  Giàng A Chinh lăi:

            Thun blan pơ anăp, bruă sang ano\  kiăng ngă le\, pla hăng wai pơgang, laih dong pla dong boh Sơn Tra, kơsem min hơduah e\p lăng ba pla [ơi đơ đam lo\n prong hloh kiăng djo\p kơ tơlơi hơdip mơda bơvih [ong huă amăng sang ano\. Bruă yom hloh le\ dưi hơmâo mơnuih [ôn sang djru hro\m, ta khom ba jơlan hlâo. Hơmâo boh tơhnal tu\ yua laih ta jak iâu, pơtrut mơnuih [ôn sang ngă hro\m amu` [iă, mơnuih [ôn sang đăo kơnang hăng ngă tui yơh.

            {u djơ\ kơnong ngă pơdrong kơ hơjăn đu] ôh, hăng tơlơi gơ grong jing pô ngă Khoa git gai Ping gah plơi, Giàng  A Chinh do\ hur har jak ba lu sang ano\ mơnuih [ôn sang amăng plơi, amăng să ngă tui djơ\ Jơlan hơdră mơng Ping gah, Kơnuk kơna pơtrun. Laih dong,  hur har pơtô pơblang ană plơi pla hrưn đ^  mă bruă ngă hmua pla pơjing, bơwih [ong huă. Lu mơnuih mơng plơi pơko\n ăt nao tơ`a kơ `u hơdră pla pơjing boh Sơn Tra kiăng tu\ yua. Ơi Sùng A Mang pơ plơi Cáo A, să Làng Chếu, kơnang kơ Giàng A Chinh yơh pơtô brơi hơdră bơwih [ong huă ră anai, `u hơmâo hơdôm ektar đang boh Sơn Tra, hrim thun pơhrui glăi kơ sang ano\ hơdôm pluh klăk prăk, yua tui anun dưi pơklaih laih mơng tơlơi ư\ rơpa hăng hơmâo tơlơi hơdip mơda jai hrơi đ^ đăi go# amo#. Ơi Sùng A Mang lăi:

            Kâo [uh ayong Giàng A Chinh do\ pơ plơi Nậm Lộng, să Hang Chú jing  mơnuih khăp kơ phun  pla Sơn Tra. Ayong Chinh ăt nao laih pơ să Làng Chếu gơmơi, djru ană plơi pla pơđ^ kyar, thâo bơwih [ong huă. Kâo [uh Giàng A Chinh jing mơnuih hmar hơde] biă mă,  mă bruă hur har djru ană plơi pla.

            Phrâo rơgao 30 thun đu], samơ\ Giàng A Chinh jing sa ]ô mơnuih Ping gah ba gru hlâo pơđ^ kyar tơlơi bơwih [ong huă, lui rơmo\n ako\n rin [ơi plơi pla, jing gru bơnga] kơ ană plơi pla  hrăm hăng hla tui bruă mă mơng `u./.

                                                                  Nay Jek : Pô ]ih hăng Pôr