VOV4.Jarai-Lơm lu anih anom glai klô pơ tơring ]ar Daknông arăng phă pơrai kơtang biă mă, đơ đam lo\n glai pơ kual giăm guai dêh ]ar tơring glông Tuy Đức, yua sang bruă sa ding kơna wai lăng kyâo glai Dơnung kual }ư\ siăng (Nam Tây Nguyên) wai lăng glai klô mơtah mơda tui hăng pơđ^ kyar hiam.

 

Dưi hơmâo boh tơhnal djơh hăng anun le\, yua hơmâo tơlơi ngă hrom kjăp kơplah wah pô glai hăng gong gai kơnuk kơna laih anun djop sang bruă amăng tơring glông anai.

 

Amăng mông hyu tir r^m rơwang hrơi tơjuh gah grup mrô 2, mơ\ng sang bruă sa ding kơna wai lăng glai klô Dơnung }ư\ siăng, pơphun mơ\ng mơguah sing bring.

 

Anih pơgăn jơlan mut nao amăng glai anai hơmâo 5 ]ô mơnuih do\ mă bruă. Rơngiao kơ gơnam djă pơgang drơi pô, r^m wơ\t hyu tir, [u ah gơnah mơmo\t mlam [udah tơhrơi ôh, gơ`u djă ba asơi po\, asơi ]ơpăt, gêt ia, ia jrao pơgang hu\i ruă kian.

 

Ayong Lương Đình Việt hơmâo rơbêh 10 thun laih je\ giăm hăng bruă anai, brơi thâo:

 

anom pơgăn jơlan mut nao amăng glai mrô 2 hơmâo bruă mă pơgang 4 bit kual glai klô anăn mrô 1465, 1466, 1477, 1487 laih anun wai lăng 8.300 ektar amăng mrô 20 rơbâo ektar glai klô.

 

Khă anih wai lăng prong, tơhan mă bruă [iă mơnuih, bruă mă tơnap tap hai, [ing adơi ayong ăt hur har tong ten hăng bruă mă:

 

‘’Blung hlâo, kơ bruă mă r^m hrơi, gơmơi tơgu\ mơ\ng mơguah sing bring mơtam, pơpha bruă kơ [ing adơi ayong hyu mă bruă.

 

Amăng anih anom glai klô gơmơi wai lăng, rơbat hyu hrơi mlam mơtam.

 

Gah sang bruă djru prăk asơi a`ăm, ia săng đ^ rơdêh, r^m thun hơmâo prăk apah rơdêh, hơmâo prăk nua mă bruă anun adơi ayong gơmơi gir run mă bruă, h’^n pran jua’’.

 

Sang bruă sa ding kơna wai lăng glai klô Dơnung }ư\ siăng ră anai wai lăng abih bang 20 rơbâo ektar glai klô, kyâo pơtâo, gah să Quảng Trực, tơring glông Tuy Đức, tơring ]ar Daknông.

 

Anai le\, kual je\ giăm hăng tơring ]ar Bình Phước, anih anom glai prong rơhaih, anih arăng kơsing mă lo\n glai lu, arăng hyu đom bua lua  pơnah ăt [u [iă lơi, anun yơh adơi ayong mă bruă gleh glar.

 

Ơi Phạm Hòa Dũng, Khua sang bruă brơi thâo: dơ\ng mơ\ng thun 2010-2015, hơmâo na nao tơlơi arăng phă glai pơrai rưng, hơdôm rơtuh ektar rơngiă, yua kơ lu sang ano\ mơnuih [on sang mơ\ng tơring glông Bù Đăng, Bù Gia Mập, tơring ]ar Bình Phước nao jah glai ngă hmua, sua mă lo\n [ơi anai.

 

Hơdôm thun giăm anai, bruă wai pơgang glai rưng mơ\ng sang bruă anai kjăp tui, ako\ pơdong 5 bit anih wai lăng hăng hơmâo sa boh anih kơsem min pơgang djuai pơjeh mơnong mơnuă amăng glai.

 

Hrom hăng anun, bruă pla kyâo amăng glai ăt gleng nao mơn, rơbêh 100 ektar, glai kyâo pla rơbêh 3 thun. Ơi Phạm Hòa Dũng lăi pơtong:

 

yua hơmâo tơlơi hơdai gum hrom hăng gong gai kơnuk kơna laih anun djop anom bruă amăng tơring glông bruă wai pơgang glai dưi pơgang kjăp, hơdôm đang glai hlâo kơ anun arăng phă pơrai laih, ră anai glăk ru\ pla glăi:

 

‘’Sang bruă hơmâo pơtong glăi tong ten kiăng dưi ngă tu\ yua le\, khom ngă hrom hăng lu anom bruă, boh nik `u gong gai kơnuk kơna pơ tơring glông.

 

Kah hăng nao e\p lăng mơnuih mut tơbiă pơ kual glai klô anun, hơmâo hră pơar mơn hă, tơdah gah sang bruă ngă bruă anun le\ [u gal ôh, anun yơh kơnong rơkâo khua mua amăng tơring glông đô] hơmâo tơlơi dưi e\p hră pơ-ar arăng.

 

Tơdơi anai, hơmâo hră pơtrun mrô 44 mơ\ng Jơnum min mơnuih [on sang tơring ]ar pơkă kơ bruă gơgrong ba mơ\ng pô glai hăng gong gai kơnuk kơna amăng tơring glông tơlơi gum hrom kơplah wah pô glai hăng khua mua tơring glông, [uh rơđah bơblih lu biă mă, hơmâo sa tơpuôl gơgrong ba anun yơh amăng tơring glông djru hrom mơn’’.

 

Să Quảng Trực, tơring glông Tuy Đức, tơring ]ar Daknông ră anai hơmâo 56 rơbâo ektar, amăng anun lu ]răn, lo\n glai kyâo pơtâo soh.

 

Ơi Đoàn Hồng Quân, Khua să brơi thâo: amăng să gơ`u hơmâo lu kông ty, sang bruă, anom bơwih [ong s^ mơdrô kơnuk kơna jao ngă pô wai lăng glai rưng, anun bruă ngă hrom kơplah wah gong gai kơnuk kơna hăng pô glai dưi gleng nao biă mă:

 

‘’Lơ\m hơmâo tơlơi arăng phă glai, pơrai rưng, [udah uă kyâo do\p le\ gong gai kơnuk kơna să khă [iă mơnuih tu\ mơn ăt djru kơ djop anom bruă, sang bruă, kông ty ngă giong bruă jao, pơgăn tơlơi uă do\p kyâo pơtâo.

 

Hăng sang bruă sa ding kơna wai lăng Dơnung }ư\ siăng le\ r^m thun hơmâo tơlơi truh hơge\t thơ, sang bruă lăi pơthâo hăng khua mua [ơi să djru pơsir mơtam.

 

Tơlơi gum hrom anai, djop thun hơmâo tơlơi jơnum pơ]rông sai e\p hơdră pơdjru kiăng ngă giong bruă’’.

 

Tui hăng kông ang tơring glông Tuy Đức, tơring ]ar Daknông lăi, hơmâo na nao tơlơi arăng ]i sua mă lo\n glai.

 

Kơnong amăng 3 blan ako\ thun anai đô], anom bruă anai nbgă hrom pơgăn 56 boh sang ano\ pơ să Dak Ơ, tơring glông Bù Gia Mập, tơring ]ar Bình Phước, nao sua mă lo\n pơ kual glai mrô 1.500, 1.504 gah sang bruă sa ding kơna wai lăng glai klô Dơnung }ư\ siăng.

 

Hrom hăng anun, khom pơsir khut khăt tơlơi soh glăi, kông ang 2 boh tơring glông giăm ha mơguai ngă hrom djru pơtô lăi, laih anun djru kơ sang bruă sa ding kơna wai lăng glai klô Dơnung }ư\ siăng amăng bruă wai pơgang glai rưng. Thượng tá, Dương Danh Quế, Khua kông ang tơring glông Tuy Đức lăi:

 

‘’Amăng 3 blan ako\ thun 2018 tơhan kông ang tơring glông ngă hrom sang bruă sa ding kơna wai lăng glai rưng Dơnung }ư\ siăng e\p kơđi tơlơi soh 3,4 ]ô mơnuih ngă soh phă glai pơrai rưng.

 

Amăng anun, 1 wơ\t ngă soh uă kyâo glai. Kông ang tơring glông ăt pơpha mơnuih mă bruă [ơi să Quảng Trực juăt e\p na nao, sit [uh tơlơi ngă soh, biă mă amăng bơyan phang ako\ thun phrâo, hrơi pơdơi juăt hơmâo mơnuih hyu do\p uă kyâo amăng glai, laih anun pơtă pơtăn mơnuih [on sang khom lăi pơthâo tơlơi soh arăng phă glai pơrai rưng laih anun bruă anai khom pok pơhai ngă tui re se’’.

 

Amăng hơdôm thun rơgao, kual glai amăng ]ư\ siăng arăng phă pơrai lu biă mă, samơ\ tơlơi glăm ba le\ pơtrut pô anai, hơdai kơ pô pơko\n glăm ba;

 

 

tăp năng pô glai djru brơi mơnuih ngă soh rong jah drôm kiăng [ong prăk la, hơmâo lơi kơ pô gơ`u.

 

Samơ\, pơ tơring glông Tuy Đức, tơring ]ar Daknông, kual glai klô yua sang bruă sa ding kơna wai pơgang le\, ngă tui khut khăt tong ten biă mă laih anun glai klô kyâo pơtâo glăk ru\ glăi.

 

Anun le\ boh tơhnal tu\ yua mơ\ng kông ty ngă hrom kơplah wah pô glai hăng gong gai kơnuk kơna laih anun lu anom bruă amăng tơring glông, tơring ]ar anai dơ\ng.

 

Nay Jek: Pô ]ih hăng pôr