Nao pơhmư̆ hơmâo khua mua mơ̆ng Ding jum gru grua, bơrơguăt drơi jăn hăng tuai čuă ngui; ƀing rơgơi kơhnăk, kơsem min boh thâo gru grua hrŏm hăng lu mơnuih ƀôn sang pơ anih ƀuh Čing boh pơtâo Đăk Sơn. Čing boh pơtâo Đăk Sơn hơmâo ƀuh mơ̆ng thun 2014 ƀơi să Nam Xuân, tơring glông Krông Nô, tơring čar Dak Nông hơđăp (ră anai lĕ să Dak Săk, tơring čar Lâm Đồng), hơmâo 16 boh pơtâo - amăng anun hơmâo 11 boh pơtâo dŏ hnil, 5 boh pơtâo ƀeh ƀơ ƀiă, hơmâo anŏ yôm biă amăng bruă kơsem min gơnam đưm, gru grua, thun blan đưm.

Čing boh pơtâo Đăk Sơn jing djuai čing đưm, pơsit brơi tơlơi hơdip mơda mơka hlak mơ̆ng ơi yă đưm, pơsit phun tơdŭ, anih pơjing rai gru grua hiam kual lŏn Dap Kơdư. Pơhiăp ƀơi mông jơnum, pơ ala kơ Khul kơsem min gơnam yôm mơ̆ng đưm Việt Nam, Kơ-iăng nai prin tha, nai tha prin Bùi Văn Liên, Kơ-iăng khua khul kơsem min gơnam yôm mơ̆ng đưm Việt Nam, Ding kơna Khul djă pioh gơnam yôm dêh čar ta pơsit, Lâm Đồng jing kual lŏn yôm phara biă mă, pơƀut anih anom phara hui đôč mơ̆ng hơmâo, laih dong hơmâo gru sui thun biă mă hăng lu anih gru đưm, gơnam đưm, glai čư̆, ia krông hiam, anih hơmâo lu djuai ania dŏ hơdip hrŏm.