VOV4.Jarai-Tơlơi jak iâu ngă tui gru grua, tơlơi pơyơr pran jua kơtang, pơmin thâo rơgơi, lăp hăng anăn ling tơhan rơnuk wa Hồ, glăk ngă bang hyu lu mơnuih apăn bruă, ling tơhan blah ngă amăng tơring ]ar Daklak.

Amăng anun, Grup hyu e\p du` tơlang tơleh tơhan pơsăn drơi jăn kơ lon ia juăt iâu klah ]un le\ grup K 51, gah Anom kơđi ]ar, Sang bruă khoa tơhan tơring ]ar Daklak, jing anom bruă hur har biă mă hăng hơdôm bruă mă [uh rơđah laih anun tong ten.

Hơmâo ling tơhan mă bruă gir run [u pơdơi ôh, găn rơgao tơlơi tơnap tap, [ing khoa moa ling tơhan grup K 51 hơmâo ngă bruă klă, hyu hơduah e\p, du` mă tơlang tơleh tơhan pơsăn drơi jăn kơ lo\n ia, [ing tơhan pơyơr pran jua mơng Việt Nam djai pơ dêh ]ar Kur đưm hlâo ba glăi dor pơ dêh ]ar ta pô.

Kiăng dưi ngă bruă jak iâu kiăo tui gru grua đưm, pơyơr pran jua kơtang tơlơi pơmin rơgơi; lăp hăng anăn ling tơhan rơnuk wa Hồ, hơdôm thun rơgao, Anom kơđi ]ar-Sang bruă khoa ling tơhan tơring ]ar Daklak, gleng nao biă mă bruă jak iâu, pơtô lăi, pơhrăm tơlơi pơmin pran jua, pơtrut pơsur hmao kru truh pơ ling tơhan hăng bruă mă [uh rơđah tong ten, tơl khoa moa, ling tơhan grup K51.

Yua kơ anun, r^m ]ô khoa moa, ling tơhan amăng grup ngă tui djơ\ tơlơi pơtrun mă bruă, gơgrong ba, hur har ngă hrom bruă pơkơtưn mă bruă kiăng dưi, ngă giong bruă jao.

Kah hăng Trung úy Văn Công Nhân, sa ]ô tơhan sang ano\ tơnap tap biă mă Hơdôm thun rơgao, `u do\ ataih mơng sang ano\, hrom hăng [ing gop ling tơhan, nao djop amăng kual glai klô ]ư\ siăng kriăng pơtâo lo\n ia Kur, pioh ngă bruă jao.

Pơ sang ano\ `u [ơi să Ea Bhôk, tơring glông }ư\ Kuin, Daklak, bơnai hăng ană `u anet khom do\ amăng sang apah anet yua aka [u hơmâo sang do\.

Phrâo anai, Khoa tơhan tơring ]ar Daklak hăng kông ty sang dăng kông gah ling tơhan Viettel do\ [ơi tơring ]ar Daklak ngă tui hơdră anăn ‘’Bơbung sang 100 prăk’’ djru amăng tin nhắn, mơit tơlơi pơhing amăng telephôn djă hyu, pơdjru nao rai, hơmâo djop prăk pơdong sang brơi kơ tơhan Văn Công Nhân hăng ană bơnai hơmâo sang do\ hơđong.

Tơlơi djru hmao kru anai, kiăng kơ `u hơđong pran jua mă bruă do\ pơ anih ataih tơnap tap, ană bơnai pơ sang hơmâo sang do\ hiam klă mơn.

~u yơh ling tơhan ngă pơgiong bruă jao prong biă mă hăng hur har hloh, dưi pơpu\ bơni amăng đơ đam anom bruă khoa tơhan gơ`u hăng tơlơi pơkơtưn pơyơr pran jua, tơlơi pơmin rơgơi kiăng lăp hăng anăn ling tơhan rơnuk wa Hồ.

Trung úy Văn Công Nhân, grup hơduah e\p tơlang tơhan pơsăn drơi jăn kơ lo\n ia K51, lăi:

‘’Tơlơi mă bruă đuăi ataih mơng sang ano\ na nao, sang do\ aka [u hơmâo lơi, tơnap tap mơn kơ ană bơnai.

Truh ră anai, bơni kơ djop anom bruă amăng khul ling tơhan hơmâo djru kơ sang ano\ gơmơi dưi hơmâo sang do\.

Jing sa tơlơi kơtang pơtrut pran jua kâo hơđong amăng bruă mă, ăt kah hăng ană bơnai ăt hơđong do\ pơ sang ano\ bơwih [ong huă’’.

Ngă tui gru grua đưm ling tơhan rơnuk wa Hồ, hăng tơlơi pơmin hiam ‘’{ong boh hơdor kơ pô pla, mơ`um ia hơdor kơ pô klơi’’, grup K51 pơtrut kơtang bruă hyu hơduah e\p, ba glăi lu tơlang tơleh tơhan pơsăn drơi jăn kơ lo\n ia amăng dêh ]ar ta hăng pơ dêh ]ar ta] rơngiao, glăi pơ plơi pla, dêh ]ar ta pô dor, kiăng giăm sang ano\, am^ ama lo\n ia Việt Nam.

Kru tơkai ling tơhan grup K51 hơmâo jă djop kual amăng ]ư\ siăng kriăng pơtâo dêh ]ar Kur.

Kiăng dưi ngă pơgiong bruă jao, ling tơhan grup K51 khom je\\] ame] kiăo tui kơ hrơi mông, yua dah thun blan laih rơgao, tơlơi pơhing e\p anih dor tơhan pơsăn drơi jăn kơ lo\n ia jai hrơi [iă tui, pơsat dor [ing tơhan pơsăn drơi jăn kơ lo\n ia do\ pơ kual ataih, amăng glai klô, ]ư\ siăng [udah anih tơnap tap nao truh…jai kraih tơnap kơ bruă hyu hơduah e\p.

{ing khoa moa, ling tơhan grup K51 khom do\ amăng anih jao nao e\p anun, tơ`a tơl djop plơi pla ala [on amăng dêh ]ar Kur, hơduah tơ`a tơlơi pơhing kiăng pơtong rơđah laih anun klơi du` ba glăi tơlang tơleh tơhan pơsăn drơi jăn kơ lo\n ia.

Thiếu tá, Phan Tấn Đại, Khoa grup 51 tơring ]ar Daklak lăi:

‘’Khoa moa git gai ling tơhan, khoa moa ping gah, hơmâo ngă hơdră pơtrun khut khăt, pơtrun kơ [ing ling tơhan, khom thâo gum pơgôp amăng ling tơhan.

Kiăng kơ r^m ]ô tơhan, khul grup amăng ling tơhan, anom bruă puih kơđong pơtong sit bruă mă ngă tui hơduah e\p tơlang tơleh tơhan pơsăn drơi jăn kơ lo\n ia’’.

Hrăm tui gru wa Hồ dưi găn rơgao h^ tơlơi tơnap tap gleh glar, kjăp pran jua, tơlơi pơmin, ngă tui djơ\ tơlơi phiăn pơtrun amăng hơdôm thun rơgao, grup K51 ngă pơgiong na nao bruă jao, hơduah e\p ba tơlang tơleh tơhan pơsăn drơi jăn kơ lo\n ia glăi pơ Việt Nam rơnuk rơnua.

Dong mơng thun 2014 truh ră anai, grup K51 jing khul bruă ping gah hơđong kjăp tơpă na nao; anom bruă 3 thun na nao mơtam dưi pơpu\ bơni hơmâo mă hla gru dưi sit nik.

Phrâo anai, grup K51-gah sang bruă khoa tơhan tơring ]ar Daklak dưi hơmâo khoa dêh ]ar ta pơpu\ hăng hră apah bơni yua ba gru hlâo hrăm hăng ngă tui tơlơi pơmin pran jua klă Hồ Chí Minh.

Jing khul tơhan grup K51 tơring ]ar Daklak djă pioh gru grua hla tui pơđ^ hloh tơlơi pơmin rơgơi, pran jua kơtang mă bruă, kiăng lăp hăng anăn ling tơhan rơnuk wa Hồ.

Nay Jek : Pô ]ih hăng pôr