VOV4.Jarai-Tha plơi Kon Sơ Ha Wơp le\ djuai ania K’ho, `u hơmâo kơnuih hing ang biă hăng mơnuih [on sang djuai ania K’ho, tơring glông Dam Rông, tơring ]ar Lâm Đồng.

~u ba jơlan hlâo amăng djop bruă mă, djru hrom hăng gong gai kơnuk kơna laih anun pơtô pơblang, jak iâu mơnuih [on sang lui rơmo\n ako\n rin, lo\m lui tơlơi pơlu\k pơgu ngă yang rơmang djă hla tơpa gai, gir run hrom pran jua djru pơtrut pơđ^ kyar bơwih [ong huă, ako\ pơdong plơi pla ala [on jai hrơi pơdrong asah hiam klă.

-Pơpu\ kơ ih tha plơi ! Dưi thâo ih do\ hơdip mơda găn rơgao truh kơ 3 rơnuk kơnuk kơna laih, rơkâo kơ ih lăi pơthâo mơta ih [uh amăng tơngia ih hmư\ mơ\ng anai pơklôn?

­-Ơi Kon Sơ Ha Wơp Tha plơi: Kâo hơdip mơda găn rơgao klâo rơnuk kơnuk kơna laih.

Rơnuk Prang đưm le\, [uh lu tơlơi kơtư\ juă, rơđah mơtam, rơnuk Mi-Ngụy kah pơpha dlam biă mă, kah ania pơpha djuai, Yuan hăng djuai ania [iă, [u hơmâo tơlơi gum pơgôp sit nik ôh.

Bơ rơnuk ta ră anai, kâo [uh tơlơi gum pơgôp, thâo pap, djru nao rai kơplah wah Yuan hăng djuai ania [iă tong ten biă mă.

Rơnuk Thiệu đưm, mơnuih djuai ania [iă [u dưi nao hrăm hră lu, ră anai kah hăng kơnung djuai gơmơi anai do\ pơ să Dă Knang hơmâo truh kơ 5 ]ô mơnuih hrăm truh ơi ia jrao.

Ră anai, Yuan ngă khua, mơnuih djuai ania [iă ngă tơhan, mơnuih djuai ania [iă ngă khua le\, Yuan ngă tơhan, kâo [uh sa tơlơi bơkơnar laih mơnuih mơnam….

-{uh tơlơi bơblih phrâo amăng plơi pla, tơlơi gơgrong mơ\ng tha plơi, ih hơmâo pơtô pơblang kơ mơnuih [on sang hiư\m pă pioh djru kơ mơnuih [on sang pơđ^ tui tơlơi pơmin, ako\ pơdong tơlơi hơdip mơda phrâo ?

-Ơi Kon Sơ Ha Wơp Tha plơi: Sit mơn, kâo lăi nao kơ bruă mă mơ\ng [ing hơmâo kơnuih hiam, arăng ưh kơnang kah hăng [ing gơmơi anai thun blan rơgao.

Blung hlâo le\, kâo iâu pơthưr mơnuih [on sang hơdip mơda mă bruă hiam, đăo tơpă, khom ba gru hlâo amăng bruă mă ako\ pơdong plơi pla, lo\n ia tơlơi anai yơh yom pơphăn biă mă `u.

Dua dơ\ng le\, tơlơi rơnuk rơnua, hơmâo tơlơi rơnuk rơnua kah dưi pơđ^ kyar, hơmâo tơlơi hơđong kah mơ\ng mă bruă ngă pưk rơnang ngă sang hyuk hyak, anun yơh tơlơi kâo do\ ]ang rơmang.

Yua kơ anun, [ing ta mơ\ng hơmâo pran jua gum hrom pơgang lo\n ia, pơhro\ tơlơi rin rơpa, pơlu\k pơgu.

Kiăng lo\n ia ta pơđ^ kyar djop mơta, kah hăng tơlơi hơdip mơda trơi pơđao yâo mơak, pơtô hrăm bă hrăm hră truh anih, rô nao rai [ơi jơlan glông rơnuk rơnua anun le\ tơlơi mơ\ [ing gơmơi tha rơma laih kiăng biă mă, laih anun pơtrut abih bang  ngă tui klă.

Ră anai tơlơi gum pơgôp kơplah wah Yuan –Jarai djuai ania [iă lăi hrom [uh tu\ yua biă mă, rơnuk [ing ta ră anai khom thâo gum pơgôp djuai ania.

-Kơ bruă djă pioh tơlơi phiăn đưm hiam klă laih anun lui h^ tơlơi djă hla tơpa gai [u djơ\ amăng tơlơi hơdip mơda mơnuih [on sang ră anai hiư\m pă, ơ ơi ?

-Ơi Kon Sơ Ha Wơp Tha plơi: Kơ tơlơi phiăn đưm mơ\ng ơi yă am^ ama ta pơdo\ glăi, kah hăng tơlơi pu\ pơnu\ kơtang đơi lui yơh.

{ing ta jak iâu ană plơi pla lui h^ tơlơi pơmin mă ngăn pơnu\, pu\ pơnu\ rơgao tơlơi phiăn, ngă tui tơlơi do\ dong [ong huă djơ\, tơpă hiam, tui hăng tơlơi hơdip phrâo mơ\ng djuai ania Yuan, kiăng hmao tui tơlơi hơdip phrâo hăng jar kmar.

Thun 2005 ăt do\ tơlơi phiăn do\ rơkơi mơ\ng muai bơnai mơ\ng anet đô]. Samơ\ truh thun 2006 le\ hro\ [iă laih, truh ră anai [u hơmâo dơ\ng tah.

Tơdah mơnuih [on sang đăo le\, amăng sang jơnum gơmơi ăt pơphun brơi pơdo\ rơkơi bơnai khom djop 18 thun pơngo\ hnun kah brơi pơkôl.

Laih anun khua mua amăng kơnuk kơna ră anai hơmâo djru pơtô lăi, brơi lui h^ tơlơi phiăn hơđăp [u gêh gal, anun yơh lui laih mơn hơdôm tơlơi phiăn aka [u gêh gal.

Kah hăng tơlơi phiăn hiam gru grua đưm ]ing ]eh, kông, a`u\ ta djă pioh. Bruă anai, kâo iâu pơthưr mơnuih [on sang khom hur har djă pioh.

-Kiăng kơ tơlơi hơdip mơda mơnuih [on sang amăng plơi jai hrơi hiam mơak hloh, ih hơmâo tơlơi pơtă pơtăn hơge\t mơn kơ ană plơi pla ta ?

-Ơi Kon Sơ Ha Wơp Tha plơi: Kâo kiăng pơtă pơtăn kơ hơjăn djuai ania K’ho ta pơ Lâm Đồng, ăt kah hăng K’ho ta kơnung K’ho }il, K’ho La], Mnông, }ru, Mạ hnun mơn tơdah tơlơi phiăn ta mơ\ng đưm `u [u djơ\ dơ\ng tah le\ ta lui h^ yơh, khom pơđ^ tui tơlơi thâo hluh, hrăm tui ia rơgơi tơlơi kơhnâo pioh pơđ^ kyar bơwih [ong huă, djơ\ hăng tơlơi kiăng, bruă mă hrom abih bang mơnuih mơnam ră anai.

Kâo pơtrut pơsur ngă tui bruă hiam, kiăng pơtă kơ anăn tơ]ô rơnuk tơdơi anăm je\ giăm lông lăng ôh hot jrao, si ke ma túy, khom gir run hrăm hră kiăng hơmâo tơlơi thâo kơ ta pô, bơblih phrâo tơlơi pơmin, hrăm tui tơlơi thâo thăi mơ\ng adơi ayong djuai ania pơko\n, djru hrom kơnuk kơna ta pơgang tơlơi rơnuk rơnua mơak klă.

Bruă hrăm hră pơar le\ yom biă mă, ]ơđai muai rơnuk anai khom hrăm hră kah thâo, mơnuih mơnam ră anai kiăng hơmâo tơlơi thâo, kơnong hrăm hră đô] mơ\ng bơblih phrâo tơlơi hơdip mơda ta.

-Djơ\ yơh tha plơi ah. Pơpu\ kơ ih thun phrâo hiam drơi jăn na nao pioh djru hrom plơi pla hăng tơring ]ar Lâm Đồng amăng bruă pơtô mơnuih [on sang pơđ^ tui tơlơi thâo hluh, bơblih phrâo hơdip mơda tu\ yua hloh laih anun djru hrom pơgang tơlơi rơnuk rơnua amăng plơi pla ala [on ta pô.

Nay Jek: Pô ]ih hăng pôr