VOV4.Jarai-Tơdơi kơ 6 thun ako\ pơjing khul grup pơyơr pran jua ‘’Guang tơngan khăp pap’’, ayong Nguyễn Duy Học, [u klă drơi jăn yua djơ\ jrao hret do\ pơ să Êa Kly, tơring glông Krông Pa], tơring ]ar Daklak hơmâo jak iâu arăng djru 1 klai 200 klăk prăk hrom hăng 1000 ]ô pơyơr pran jua djru hrom, gum ba kơ [ing ]ơđai tơnap tap do\ pơ kual ataih.

Pô mă tơlơi pơhing phrâo Gong phun jua pơhiăp Việt Nam do\ [ơi kual }ư\ siăng hơmâo bưp hăng ră ruai tom `u bruă mă hiam anai.

-Ơ ayong Nguyễn Duy Học, dưi thâo amăng bơyan pơdơi prong anai, Khul pơyơr pran jua ‘’Guang tơngan khăp pap’’ glăk pok pơhai bruă mă djru kơ [ing ]ơđai muai tơnap tap do\ pơ kual ataih tơring ]ar Daklak, ih hơmâo tơlơi hơge\t mơn lăi tơlơi anai?

-Ayong Nguyễn Duy Học: Amăng sa thun abih 9 blan hrăm hră, khul juăt pơphun lu hơdră kah hăng nao [ơk gơnam hrăm hră, ao ko# kơ [ing ]ơđai muai sang hră, djru prăk hrăm hră, rơdêh tang rơwang.

Ayong Nguyễn Duy Học pô [u klă drơi jăn yua ia jrao hret ngă

Khul ăt pơphun lu hơdră kah hăng [rô djơ\ hrơi jar kmar pioh kơ [ing ]ơđai muai, hrơi ngă yang thun phrâo, blan bơrơmi ria pioh nao djru kơ [ing ]ơđai muai tơnap tap anun.

 Amăng bơyan pơdơi prong anai, khul pơkra hơdră ming pơkra glăi anih ]ơđai do\ glăi pơ sang hră Tô Hiệu să }ư\ San, tơring glông M’drak, pơ anai hơmâo 250 ]ô ]ơđai sang hră, sang ano\ ataih mơ\ng sang hră 20 km.

{ing gơ`u do\ glăi, ha blan kah mơ\ng hơmâo glăi pơ sang ano\. Prăk ming pơkra glăi anih do\ anun, năng ai `u 70 klăk prăk.

Ako\ blan 8 thun anai, khul pơphun hơdră [ơk gơnam hrăm hră, sum mơtah, ao ko# kơ [ing ]ơđai muai do\ pơ kual ataih prăp rơmet mut thun hrăm phrâo.

Nguyễn Duy Học hăng grup `u nao [ơk gơnam kơ ]ơđai muai tơnap tap

-Dơ\ng mơ\ng hlâo truh ră anai, Khul hơmâo pok pơhai lu bruă mă tu\ yua hiư\m pă. Rơđah rơđong biă mă `u hơge\t, ơ ayong ?

-Ayong Nguyễn Duy Học: Hơdôm ring bruă prong anun le\ khuer amăng ia bơmun wơi hăng măi hro\ng ia mơ`um, pioh brơi kơ [ing ]ơđai sang hră gưl sa Lê Quý Đôn, sang hră pơ thôn 9, să }ư\ Kruă, tơring glông M’drak, rơnoh prăk 70 klăk prăk, ring bruă prong hloh pioh kơ ]ơđai sang hră.

Tal hơmâo tơlơi truh kơthel rơnu] thun 2017, man pơdong sang kơ [ing ]ơđai sang hră [un rin pơ să Yang Mao hăng }ư\ Pui, tơring glông Krông Bông.

Grup guang tơngan khăp pap djru ]ơđai muai kual ia ling dăo

Bơ [ing ]ơđai tu\ mă prăk hrăm hră le\ r^m thun ăt [ơk prăk kơ ]ơđai hrăm thâo, boh tơhnal hrăm hră tu\ yua lu.

Kah hăng adơi Ngọc Thị Hồng Nhung, hu\i pơdơi hrăm hră yua kơ sang ano\ tơnap tap đơi, anun Khul hơmâo ngă gêh gal kơ `u nao hrăm hră.

Thun anai, hrăm anih 12, 2 thun na nao mơtam `u hrăm thâo.

-Hnun hă, hơmâo lu hơdră, dưi pơphun na nao r^m thun, amăng anun hơmâo ring bruă prong. Tui anun yơh prăk hăng mơnuih mă bruă [ing gih jak iâu pơtum hiư\m pă ?

-Ayong Nguyễn Duy Học: Prăk kăk le\ rơkâo mơ\ng [ing ]ơmah, sang podrong djru. Tơdơi kơ 6 thun mă bruă, prăk hơmâo pơkom 1 klai 200 klăk prăk.

Rơngiao kơ tơring ]ar Daklak, do\ hơmâo [ing pơdrong asah pran jua ]ơmah mơ\ng lu tơring ]ar, [on prong amăng dêh ]ar.

Mrô mơnuih djru hrom, pơyơr pran jua mă bruă truh ră anai hơmâo 1000 ]ô. Tơdơi kơ sa hơdră pơphun laih anun r^m blan gơmơi pơhaih tong ten tơnoh prăk yua, rơnoh prăk arăng djru, tuh pơplai hơdôm, pơdah đ^ amăng plăng internet facbook mơ\ng khul grup soh, abih bang pơđok hăng thâo tong ten tơlơi pơhing kơ bruă mă, rơnoh prăk mă yua.

{ing pơyơr pran jua mă bruă hur har biă mă, glăm ba prong amăng bruă. Khă lu hơdră nao pơ ataih, hơdôm rơtuh km, [ing gơ`u ăt hur har mă prăk pô blơi ia săng, ia mơ`um [ơi kơtuai jơlan nao.

-Jing sa ]ô mơnuih [u klă drơi jăn, ih bơwih brơi drơi jăn pô hiư\m pă kiăng hơmâo mông wăn, pran jua djru kơ bruă mă pơyơr pran jua djơh hăng anai ?

-Ayong Nguyễn Duy Học: Tơlơi hơdip mơda r^m hrơi le\, kâo s^ mơdrô ia mơ`um, s^ ia kơphê, trà ia tơsâo kơ ]ơđai sang hră; ăt djop prăk blơi ia săng mơn, sit nao ngă bruă pơyơr pran jua, laih dơ\ng ăt djop prăk bơwih brơi kơ tơlơi hơdip mơda r^m hrơi.

Kâo tuh pơ alin prăk, blơi măi ngă rup video, mă rup, mơ\ng 30 klăk prăk truh kơ 40 klăk prăk kiăng mă pioh rup bruă mă mơ\ng [ing gơyut pơyơr pran jua laih anun bruă mă, tơlơi do\ dong [ong huă tơnap tap mơ\ng [ing ]ơđai muai [un rin do\ pơ kual ataih anun.

Nao rai ataih, rơdêh đ^ kơnong rơdêh thut đô]. Dơ\ng mơ\ng sang ta nao truh pơ Êa Sup ataih 150 km, pơwơ\t glăi đ^ rơdêh rơgah tơngan mơtam;

 jơlan nao rai ataih, pơtâo pơkă pơ rơkưng, dơlut, rơdêh răm bưp na nao krah jơlan, bơrơbuh ăt hơmâo mơn, rơdêh pơkup hơdôm wơ\t laih mơn, ih thơ.

-Hai, bơni kơ ih lu biă mă hơmâo pioh mông ră ruai tom anai.

Nay Jek : Pô ]ih hăng pôr