VOV4.Jarai-Binh đoàn 15 le\ sa amăng hơdôm anom bruă gah ling tơhan phun gah bruă bơwih [ong huă lir hơbit hăng bruă mă pơgang lo\n ia [ơi guai dêh ]ar ]i kual Dap kơdư ]ư\ siăng.

Anai le\ sa amăng hơdôm boh anom bruă hơmâo mrô mơnuih mă bruă, mơnuih ngă kông `ơn lu hloh amăng kual rơbêh 17 robâo ]ô mơnuih.

Bruă mă mơ\ng mơnuih tơpuôl djop gưl amăng Binh đoàn hơdôm thun rơgao hơmâo ba glăi boh tu\ yua hiam klă.

Rơkơi bơnai ayong Siu Thăi, amai Ksor H’Men le\ sa amăng hơdôm boh sang ano\ tơnap tap mơ\ng grup 11, kông ty 72, Binh đoàn 15.

 Lu thun rơgao, sang ano\ ayong Thăi do\ amăng sang tơ\i tel, ia hơjan tơdjôh. Thâo kơ tơlơi tơnap tap kah hăng anun, anom bruă mơnuih tơpuôl ngă hrom khul đah kơmơi mut phung kông ty 72 hơmâo djru 50 klăk prăk pioh kơ sang ano\ ayong Thăi man pơdong sang phrâo.

Hrom hăng anun, hơmâo tơlơi djru mơ\ng adơi ayong, kơnung djuai, sang ano\ ieo gah, sang ano\ ayong Thăi hơmâo man pơdong sang prong rơhaih 80 met karê. Anai le\, tơlơi mơak prong biă mă mơ\ng sang ano\ gơ`u:

‘’Sang ano\ gơmơi mơak biă mă, yua hơmâo anom bruă, kông ty djru rơkơi bơnai gơmơi dưi pơdong sang phrâo.

Laih hơmâo sang do\ djơh hăng anai, gơmơi bơni kơ kông ty hăng grup 11 hơmâo djru. }ang rơmang kông ty djru dơ\ng kơ lu sang ano\ pơko\n amăng plơi’’.

Dơ\ng mơ\ng thun 2012, keh prăk sang pơđao mơ\ng mơnuih tơpuôl, sang pơđao mơ\ng tơlơi khăp pap dưi hơmâo kông ty 72 ngă hrom lu khul grup mơnuih tơpuôl kah hăng khul đah kơmơi, khul hlăk ai tơdăm dra amăng kông ty pok pơhai hăng ngă tui.

Truh ră anai, 21/21 khul grup, mơnuih tơpuôl, grup mă bruă mơ\ng kông ty lêng kơ djă bong klă bruă mă anai hăng abih tih rơnoh prăk pơ]ruh hơmâo truh kơ 3 klai 600 klăk prăk.

Mơ\ng anun, hơmâo djru ba man pơdong 81 boh sang kơ hơdôm sang ano\ ngă kông `ơn, hơnong djru mơ\ng 40-50 klăk prăk sa boh sang.

 Đại úy, Phan Thị Sao, Khua khul đah kơmơi mut phung kông ty 72, Binh đoàn 15, brơi thâo kơ hơdră jak iâu pơ]ruh keh prăk mơ\ng đah kơmơi mut phung kông ty:

‘’Hăng bruă mă jak iâu adơi amai pơ]ruh prăk pơkrem 10 rơbâo prăk sa blan, rơnoh prăk [iă đô] samơ\ pơkom abih 12 blan amăng sa thun hăng 1.431 ]ô adơi amai mut phung le\ hơmâo rơnoh prăk lu mơn.

Amăng bruă djru man pơdong sang le\, khul gleng nao hloh hơdôm sang ano\ tơnap tap, mơnuih djuai ania [iă’’.

Hrom hăng [ing ngă kông `ơn, mơnuih mă bruă apah [ong prăk blan, anom bruă mơnuih tơpuôl djop anom bruă puih kơđông Binh đoàn 15 ăt gleng nao kơ hơdôm sang ano\ tơnap tap hloh amăng plơi pla giăm guai dêh ]ar, anih puih kơđông pơphun bruă mă bơwih [ong huă hăng pơgang lo\n ia.

Sang ano\ Rmah Phăi hăng bơnai `u Rahlan H’Phyem, plơi Sung Le 2, să Ia Kla, tơring glông Đức Cơ, tơring ]ar Gialai ăt phrâo hơmâo anom bruă mơnuih tơpuôl kông ty 74, Binh đoàn 15 ngă hrom gong gai kơnuk kơna tơring glông djru man pơdong brơi sang prong 80 met karê.

Ayong Phăi ol kơdol dlưh pran jua dưi hơmâo sang prong hiam, kjăp phik pơhrua h^ sang hơđăp ngă hăng hlang, jăng pơnang ale djrao, rơkơi bơnai `u do\ hơdôm thun rơgao:

‘’Kâo bơni kơ Binh đoàn 15, kông ty 74. Kâo ol kơdol pran jua hăng tơlơi djru ba anun. Ră anai, kâo hơmâo laih sang djru hăng tơlơi khăp pap. Kâo bơni biă mă’’.

{ơi plơi Sơ, să Ia Ame, tơring glông }ư\ Prong ăt hơmâo prăk pơ]ruh djơh hăng anun mơn, mơnuih tơpuôl kông ty Bình Dương, Binh đoàn 15 hơmâo man pơdong sang kơ sang ano\ amai Kpă H’Luar sa boh sang kjăp laih.

Hlâo kơ anun, sang amai H’Luar apui [ong h^, [u hơmâo sang do\ dơ\ng tah. Kông ty Bình Dương ngă hrom gong gai kơnuk kơna tơring glông, să djru bruă man pơdong sang kơ sang ano\ amai H’Luar hơmâo sang do\. Mơak biă mă lơ\m hơmâo sang do\ phrâo, amai Kpă H’Luar lăi:

‘’Sang gơmơi apui [ong tơhrơi, tơdơi kơ anun [u hơmâo sang do\ dơ\ng tah. Sang ano\ gơmơi bơni biă mă kông ty Bình Dương hơmâo pơdong brơi sang phrâo anai.

Gơmơi hok mơak [u thâo ano\ pia, bơni lu biă mă! Sang ano\ gơmơi gir run mă bruă bơwih [ong huă pơđ^ kyar’’.

‘’Sang pơđao mơ\ng mơnuih tơpuôl’’, ‘’sang pơđao mơ\ng tơlơi khăp pap’’ jing bruă mă [uh rơđah tu\ yua, mơ\ng anom bruă mơnuih tơpuôl mơ\ng djop puih kơđông gah Binh đoàn 15, djru ngă hơđong tơlơi hơdip mơda, pơđ^ tui tơlơi hơdip mơda kơ mơnuih [on sang, mơnuih mă bruă apah [ong prăk blan hăng mơnuih [on sang do\ [ơi djop plơi pla pơ kual guai dêh ]ar.

Nay Jek: Pô ]ih hăng pôr