VOV4.Jarai- Ngă tui gru kơnuih ‘’Ling tơhan rơnuk Wa Hồ’’, hơdôm thun laih rơgao, ling tơhan, [ing apăn bruă tơhan Anom git gai tơhan tơring glông Tuy Đức (tơring ]ar Daknông) gum hro\m hăng tơring glông djru mơnuih [on sang pơđ^ kyar bơwih [ong huă, hrưn đ^ tơtlaih h^ [un rin.

Hơdôm bruă ngă rơđah rơđông mơng hơdôm jơlan hơdră kah hăng ‘’Lo\m lui sa boh sang rơmo\n, hro\ trun sa boh sang rin’’, ‘’Ling tơhan gum hro\m man pơdong plơi pla phrâo’’ djru ngă gru tơhan Wa Hồ amăng rơnuk lo\n ia rơngai jai hrơi jê| giăm hloh hăng mơnuih [on sang.

Sang ano\ ơi Tạ Văn Loan, do\ [ơi thôn 4, să Dak R’tih, tơring glông Tuy Đức, tơring ]ar Daknông sang ano\ `u tơnap biă mă.

Rim hrơi `u hyu mă bruă arăng c\i rông sang ano\, bơnai `u duăm kraih jing rơwen ha bơnah drơi, [u thâo mă bruă dong tah, ană bă `u hai [u hơmâo bruă mă hơđong ha anih lơi, tơlơi hơdip sang ano\ `u tơnap kơtang kơtit.

{uh tơlơi tơnap tap mơng sang ano\ ơi Loan, Anom git gai tơhan tơring glông Tuy Đức mă prăk mơng keh prăk đ^ kyar pơkra pơjing gơnam tam mơng anom bruă hăng ‘’Kơthung braih yua kơ mơnuih rin rơpa’’ blơi sa drơi rơmô tuh ană brơi sang ano\ ơi Loan rông.

Anom bruă brơi ling tơhan nao tơl sang c\i pơtô brơi hơdră ngă war, kih rơmet agaih amăng war rơmô laih anun pơ[em rơmô…

Anom git gai tơhan tơring glông Tuy Đức nao c\uă sang ano\ ayong Điểu Dũng

Truh ră anai, rơmô ta` prong biă, glăk mơkian laih. Anom bruă ăt glăk djru ba dong mơ\n kiăng sang ano\ ta` tơtlaih mơng [un rin. Ơi Tạ Văn Loan ră ruai:

‘’Kâo bơni kơ djo\p gưl gong gai kơnuk kơna, Ping gah hăng kơnuk kơna ta djru kơ sang ano\ ană rơmô.

Kâo rai do\ pơ anai sui laih, samơ\ sang ano\ bưp lu tơlơi tơnap tap biă mă, bơnai kâo rơbuh yua tloh arăt glô, drơi jăn pe` kle`, yua anun sang ano\ jing tơnap, đang hmua aset mơ\n, ană bă [u hơmâo bruă mă hơđong ôh.

Yua anun djo\p gưl gong gai kơnuk kơna hăng tơring glông ngă gêh gal djru ba sang nao jing kâo bơni biă mă yơh’’.

Bơ ayong Điểu Dũng [ơi [on Bu Dâng, să Dak R’tih, tơdơi hrơi glăi mơng ngă tơhan, bưp tơlơi truh rơdêh jrom, jing rơka rơkac\, drơi jăn jô h^, [u dưi mă bruă kơtrâ|o ôh yua anun tơlơi hơdip tơnap biă.

Anom git gai tơhan tơring glông Tuy Đức gum djru, jak iâu arăng pơc\ruh prăk kăk djru ba sang ano\ `u 50 klăk prăk ngă sang cấp bốn kjăp.

Dong mơng hrơi hơmâo sang do\, [u bơngot kơ anih do\ dong tah, yua anun ayong Điểu Dũng amu` hloh c\i bơwih [ong.

Rơngiao mơng tơlơi gum djru gah măi mok boh thâo pơkra pơjing gơnam tam, pơjeh phun pla mơng Anom git gai tơhan tơring glông Tuy Đức, hro\m hăng pran jua triăng kơtang, gir mă bruă, ră anai sang ano\ ayong Điểu Dũng pla 3 ektar đang kơphê mơtah hiam glăk amăng bơyan mơboh laih, laih anun pơhrui glăi prăk kăk hơđong kơ sang ano\ `u.

‘’Hơmâo adơi ayong amăng khul ling tơhan djru ngă brơi sang do\ hiam, agaih agong, kâo bơni biă mă.

Dong mơng hrơi kâo ngă sang anai, neh met wa jing lăng tui, bơwih [ong đ^ [iă mơ\n, kah hăng ră anai neh met wa ăt hơmâo mơ\n pô hla tui bruă ta ngă’’.

Amăng 5 thun laih rơgao, Anom git gai tơhan tơring glông Tuy Đức man pơdong 8 boh sang hơdor tơngia, sang do\ kơ [ing go\p ngă tơhan laih anun brơi 8 drơi rơmô kơ sang ano\ hơmâo anăn kơnuk kơna djru, sang ano\ tơnap tap.

Laih dong hơmâo 1000 hrơi mă bruă djru mơnuih [on sang pơkra jơlan, ngă sang, pe\ pơhrui gơnam mơng hmua c\i hơđong kjăp tơlơi hơdip mơda, djru man pơdong plơi pla phrâo.

Đại uý Nguyễn Văn Thanh, Kơ-iăng khoa apăn bruă kơđi ]ar – Anom git gai tơhan tơring glông Tuy Đức brơi thâo, ngă tui jơlan hơdră ‘’Lo\m lui sa boh sang rơmon, hro\ trun sa boh sang rin’’, anom bruă pơtrut hyu pơtô blang, iâu pơthưr kiăng [ing apăn bruă, ling tơhan thâo hluh.

Laih dong gir ngă hro\m hăng hơdôm plơi pla djru ba neh met wa tơtlaih h^ mơng rin [un, hơđong kjăp tơlơi hơdip, pơhlôm rơnuk rơnua kơđi ]ar:

Kơ bruă ‘’lo\m lui sa boh sang rơmon, hro\ trun sang boh sang rin’’, Ping gah, Anom git gai tơhan pơsit rơđah anai le\ sa amăng hơdôm tơlơi yôm hloh kho\m kiăng ngă klă.

Blung hlâo le\ ngă hro\m hăng anom bruă apăn bruă anai mơng tơring glông hăng să pơphun hyu sem lăng hơdôm boh sang do\ tơnap, truh pơ sang ano\ hơmâo mơnuih ngă tơhan prăp pơhlôm lui tơdơi hrơi tơbiă mơng ngă tơhan glăi pơ plơi pla, c\i bưp pơ alum pran jua laih anun gum djru ba.

Rơngiao kơ anun, ngă hro\m kjăp hăng tơring glông, anom bruă kơđi ]ar mơnuih mơnam, pơtô blang, iâu pơthưr ană plơi ngă tui djơ\ hră pơtrun mơng Ping gah, tơlơi phiăn mơng kơnuk kơna’’.

Hăng bruă mă rơđah rơđông, sit nik, ling tơhan, mơnuih apăn bruă tơhan Anom bruă git gai tơhan tơring glông Tuy Đức (Daknông) pơ[uh rơđah rơđông gru kơnuih khul tơhan blah ngă, khul tơhan hyu mă bruă, ngă hro\m hăng djo\p gưl, gong gai kơnuk kơna tơring glông hăng mơnuih [on sang hrưn đ^ pơgang glăi tơlơi rơmon rơpa, man pơdong plơi pla phrâo.

Siu H’Mai: Pô c\ih hăng pôr