VOV4.Jarai - Do\ng [ơi kual Pơngo\ ruăi Trường Sơn, plơi Kon Plông, să Hiếu, tơring glông Kon Plông, tơring ]ar Kontum lăng mơng ataih hiam kah hăng ru\p ka].

Djru pơhro#p đ^ ano# klă hiam hlơ hlong [ơi Kon Plông hmâo tơlơi gum hơgo#p mơng 2 ]ơnuh bơnga hiam djuai ania Hơdang: Bơnai dra Khua git gai gru\p ping gah Y Gam hăng bơnai dra Khua plơi Y On.

Dong mơng tơlơi pơtô ba, djru ba mơng gơ`u, mơnuih [ôn sang plơi Kon Plông hmâo pơđut laih lu tơlơi juăt sôh hơđăp, hrưn đ^ pơđ^ kyar bơwih [ong tơtlaih mơng [un rin kơja\p phik hăng hmâo tơlơi hơd^p mơda jai hrơi jai trơi pơđao.

Amăng thun 31, amai Y Gam, do# [ơi plơi Kon Plông, să Hiếu, tơring glông Kon Plông hmâo laih 5 thun ngă Khua git gai Ping gah. {iă hloh kơ amai Y Gam 1 thun, Khua plơi Y On ăt hmâo laih mơn 2 thun apăn bruă anai.

{ơi tơring ]ar Kontum, biă `u amăng kual neh wa djuai ania [ia\, bruă sa bôh plơi mơ\ wot Khua git gai gru\p Ping gah hăng Khua plơi leng kơ đah kơmơi sui hăng anai akă hmâo ôh.

Tơlơi ngă djop mơnuih [uh đăo le\ gah yu\ tơlơi git gai mơng dua gơ`u, bruă hrom mơng plơi [udah bruă ha jăn rim sang ano# leng kơ gêh gal soh, amăng lăm hơđong gah rơngiao mơ-ak sôh.

Amai Y Gam, Khua git gai gru\p Ping gah lăi pơthâo, dưi hmâo tui anai le\ gơnang kơ Gru\p ping gah hmâo pok pơhai, ngă tui ba glăi bôh tơhnal, sit nik bruă hrăm hăng ngă tui gru hiam pran jua Hồ Chí Minh:

“Gru\p Ping gah plơi Kon Plông rim blan leng kơ pơphun jơnum sa wot. Amăng mông jơnum leng kơ pok pơhai hrăm hăng ngă tui gru hiam pran jua Hồ Chí Minh. Bôh yôm hrăm hăng ngă tui gru hiam pran jua Wa Hồ amăng rim blan leng kơ rơđah rơđông.

Bơhmu tu `u kah hăng mơnuih ping gah ngă gru hlâo amăng ngă đang hmua pơđ^ kyar bơwih [ong huă amăng sang ano#. Gơnang kơ anun mơ\ tơlơi hơd^p mơda sang ano# mơnuih ping gah dưi dăi hloh kơ hlâo lu biă.”

Khua plơi Y On, Khua git gai Ping gah Y Gam nao pơ\ rim sang pơsur mơnuih [ôn sang pơđ^ kyar bơwih [ong huă 

Hrăm tui Wa Hồ mơng hơdôm tơlơi amu` ame\ hloh, Khua git gai Gru\p ping gah Y Gam hăng 15 ]ô mơnuih ping gah Gru\p ping gah plơi Kon Plông jing pô ba gru hlâo rim bôh yôm, bruă mă rơđah rơđông kiăng 122 bôh sang ano# ngă tui.

Lăng tui [ơi tivi [uh Wa Hồ lom do# hơd^p ăt rông akan, pla `ăm, dưm dăp anih do#, anih mă bruă agaih hơdjă, dem rơguăt, Y Gam hăng Khua plơi Y On pơsur hơdôm bôh sang ano# ngă tui Wa.

Gơnang kơ anun lu sang ano# m[s hmâo gơgrong mă pô war pơgăn jum dar sang, krư\ hlô mơnong ataih mơng sang do#, mă tu\ lo\n amăng đang sang pla a`ăm [ong.

Hrăm tui pran jua mut hrom, thâo kiăng khăp păp drăp ană mơnuih mơng Wa, ană plơi Kon Plông djru nao rai tơdruă amăng bruă ngă đang hmua, lăng ba [ing tha rơma, ]ơđai muai hăng hơdôm bôh sang ano# hmâo tơlơi hơd^p mơda tơnap tap…

Khua plơi Y On lăi pơthâo, kiăng neh wa ngă tui, drơi pô ta khom ngă klă bruă mă ngă gru hlâo.

Khă [u hmâo tơlơi gum djru mơng rơkơi yua kơ rơkơi `u nao mă bruă pơ\ să pơkon ataih mơng sang, samơ\ amai Y On ăt ngă giong klă mơn bruă mă mơng Khua plơi hăng gơgrong bruă mơng sa ]ô bơnai, pô am^ [at bruă.

~u pơtô ană bă săng triăng, laih anun bơwih brơi klă 5 ar đang kơ phê, ngă hmua ia, rông kơbao pơđ^ kyar bơwih [ong:

“Kâo le\ sa ]ô Khua plơi kâo khom ngă gru hlâo amăng djop bruă. Mơng bruă yôm phăn biă le\ hrăm hăng ngă tui gru hiam Wa Hồ, kâo do# khom thâo kơja\p bôh thâo phrâo kiăng ngă đang hmua hăng bơwih [ong huă klă. Kah hăng bruă thâo pla phun kơ phê, pruai kơmok djơ\ hơdră.

Thâo ngă hmua pơdai, pla hơdôm djuai phun bôh troh, kah hăng bôh kam, ngă đang kơtor mă phun, rông kơbao khom hmâo war hăng bơbung pơgang kiăng kơbao pơđao. Tui anun neh wa ană plơi mơng hmư\ tui, kah hăng pô hrăm ngă tui Wa Hồ anun.”

Khua plơi Y On, Khua git gai Ping gah Y Gam pơtô brơi mơnuih [ôn sang bơwih brơi kơ phun kơ phê

Mơng bruă ]râo ba, git gai mơng amai Y Gam hăng amai Y On, tơlơi hơd^p mơda ană plơi Kon Plông jai hrơi jai klă hiam hloh.

Truh ră anai hơdôm bôh sang ano# amăng plơi hmâo pla rơbêh kơ 12 ektar đang kơ phê; djă pioh lo\n ngă hmua pơdai, đang hơbơi plum rơbêh kơ 60 ektar; pơđ^ kyar pu\ kơbao giăm truh 200 drơi; ngă klă bruă ba djuai phrâo mut amăng bruă bơwih [ong huă hăng pla lông lăng sa dua djuai phun pla hmâo noa yôm, kah hăng bôh kam, hồng ha]; wai lăng pơgang klă giăm truh 1.000 ektar dlai klô…

Thun 2019 plơi Kon Plông hmâo 13 bôh sang ano# tơtlaih mơng [un rin, hro\ trun mrô sang ano# [un rin trun do# 24 bôh sang ano#.

Mơnuih [ôn sang amăng plơi hmâo khin hơtai ]an 1 klai 500 klăk prăk tuh pơ plai pơđ^ kyar bơwih [ong huă. Amai Y Oanh, sa ]ô mơnuih amăng plơi Kon Plông brơi thâo:

“Hlâo adih kâo [u thâo pla kơ phê ôh, ăt akon hmâo prăk pioh pla kơ phê mơn. Ră anai kâo hăng sang ano# kâo pla hmâo 1 ar ha mơkrah đang laih. Ăt gơnang kơ Khua git gai Gru\p ping gah hăng Khua plơi soh đo#].

Hơdră bơwih brơi, pruai kơmok, rah than kơ phun kơ phê ăt le\ gơnang kơ Khua git gai gru\p ping gah hăng khua plơi soh mơn.”

{ơi sa anih plơi Kon Plông

Thun 2019 phrâo rơgao plơi Kon Plông le\ pô ba jơlan hlâo mơng să Hiếu amăng bruă hrăm hăng ngă tui gru hiam Wa Hồ.

Mơng tơlơi mut hrom gum hơgo#p pran jua mơng m[s, lu glông jơlan tơbiă kual ngă đang hmua dưi pơkra hăng [ê tông, jơlan amăng plơi gah tlôn gah anăp agiah hơdjă klă hiam.

Sang ano# hơpă leng kơ đing nao bruă hrăm hră mơng ană bă, duam ruă nao pơ\ Sang ia jrao, lui abih phiăn ngă yang pơ]rang jâu, pơkiăo đuăi rơhung atâo.

Amăng sang jơnum plơi pla phrâo pơkra giong, mơnuih [ôn sang plơi Kon Plông hơk mơ-ak pơphun hơdôm bruă mă mơ-ak Ping gah, mơ-ak Bơyan bơnga.

Ơi Hoàng Văn Đạo, Kơ-iăng Khua Jơnum min m[s să Hiếu lăi kơ dua ]ô đah kơmơi Khua git gai Ping gah hăng Khua plơi Kon Plông tui anai:

“Dua gơ`u sa ]ô le\ Khua git gai Ping gah, sa ]ô le\ Khua plơi Kon Plông, Ping gah, Jơnum min m[s să pơsit yôm prong biă bruă mă mơng dua gơ`u.

Khă thun do# hlăk ai samơ\ pran jua gơgrong hăng ngă gru hlâo amăng bruă bơwih [ong huă dưi hmâo neh wa amăng plơi kiăng khăp biă.

Dua gơ`u ăt le\ sa gru ba jơlan hlâo pioh m[s hrăm tui amăng bơwih [ong huă pơđ^ kyar.”

Mơnuih [ôn sang Kon Plông prăp lui gơnam [ong huă mơ-ak hrơi Tết tui phiăn juăt djuai ania

Hăng pran jua gơgrong mơng pô ping gah [ơi plơi pla, Khua git gai Ping gah Y Gam hăng Khua plơi Y On hmâo ngă laih lu bruă klă kơ neh wa amăng plơi.

Gơ`u jing hơdôm ]ơnuh bơnga hiam mơng djuai ania Hơdang ngă pơhro#p đ^ amăng đang bơnga djop mơta mơng djop djuai ania Việt Nam, gum hrom ]ơkă sa bơyan bơnga phrâo, sa thun phrâo hăng lu tơlơi mơ-ak./.

Siu H’ Prăk: Pô ]ih pơblang