VOV4.Jarai-Rơwư\ rơwang rơgao, hlăk ai Daklak hơmâo ngă hrom gong gai kơnuk kơna laih anun [ing mơnuih ]ơmah djru ba lu ring bruă anăn hlăk ai pô glăm-man pơdong ‘’Sang khăp pap’’ pioh djru kơ hơdôm sang ano\ hơmâo anăn kơnuk kơna djru brơi pơdong sang do\, djru gơ`u hơmâo sang kjăp hơđong, ngă ano\ gêh gal hrưn đ^ pơđ^ kyar tơlơi bơwih [ong huă, hơđong tơlơi hơdip mơda.

Kơplah wah blan 3 anai, sang ano\ amai H’Êm Kê`, djuai ania Êđê, pơ [on Pô] B, tơring kual Ea Pô], tơring glông }ư\ Mgar, tơring ]ar Daklak hok mơak dưi tu\ mă sang phrâo arăng djru.

Sang pơdong [ơi lo\n, man hăng simăng, bơbung pong hăng tôl, thao, atur dưm truă [rik bơnga dơnar, prong 44 met karê, abih tih rơnoh prăk man pơdong truh kơ 70 klăk prăk.

Amai H'Êm Kê` tu\ mă sang arăng djru man pơdong brơi kơ gơ`u

Anai le\ ring bruă hlăk ai pơdong ‘’Sang khăp pap’’ yua sang bruă prăk gah bruă hmua Agribank Daklak djru, khul tơdăm dra să Ea Pô] djru hrơi bruă man pơdong.

Amai H’Êm Kê` brơi thâo, yua sang ano\ tơnap tap đơi, rơkơi `u ruă tơlang ro\ng, anun ruă arăt hlong rơwen h^ dua [e\ tơkai, dua ]ô ană do\ anet, nao sang hră, `u le\ [u hơmâo bruă mă hơđong, khom nao mă bruă apah tui hluai bơyan.

Sang yơh ano\ ]ang rơmang mơ\ng abih sang ano\ giăm 10 thun hăng anai, aka [u dưi pơdong ôh.

Ră anai, hơmâo tơlơi djru mơ\ng khul hlăk ai hăng sang bruă prăk Agribank, sang ano\ gơ`u mơ\ng hơmâo sang do\ djơh hăng anai, `u mơak biă mă.

Tơlơi anai jing pran kơtang pơtrut `u gir run hloh mă bruă kiăng hơđong tơlơi hơdip mơda:

‘’Tơlơi hơdip sang ano\ gơmơi găn rơgao lu tơlơi gleh glar tơnap tap, ană rơkơi le\ dju djuăm duăm ruă na nao đô], anun hơjăn kâo yơh pô glăm ba djop bruă amăng sang ano\.

Ră anai, hơmâo sang phrâo tơlơi gơmơi ]ang rơmang mơ\ng sui [u tloh pơdong ôh, gơmơi mơak biă mă, [u thâo pia hơge\t ôh.

Dơ\ng mơ\ng anai pơ anăp, huăi pơmin kơ bruă sang do\, anih pơdơi dong tah, hơjan angin hơđong laih, sit nao mă bruă rơkơi do\ pơ sang bơngơ\t biă mă, ră anai plai [iă yơh.

Kâo gir run ]em rông ană bă klă tơdơi anai đah mơ\ng hơdip hiam klă hloh’’.

Am^ ană H'Ut Niê  do\ [ơi anăp sang phrâo pơdong kjăp biă mă

Ăt tu\ mă prăk djru 30 klăk prăk mơ\ng Hơdră bruă ‘’Sang khăp pap’’ mơ\ng Khul wai lăng ]ơđai sang hră mut phung plơi prong {uôn Ma Thuôt, hrom hăng rơnoh prăk hơmâo pơkom lui hlâo laih anun tơlơi djru mơ\ng phung wang a`ang kor, amai H’Ut Niê, [on Kbu, să Hòa Khánh, plơi prong {uôn Ma Thuôt brơi thâo, `u am^ djai mơ\ng mơda, ama djai mơ\ng anet khom do\ hăng neh rông ba.

Rơgao mơ\ng anai 8 thun, `u do\ rơkơi, hơmâo ană bă, dua rơkơi bơnai gơ`u [u hơmâo bruă mă hơđong ôh, khom hyu mă bruă apah pioh rông dua ]ô ană, khă sang gơ`u do\ tơ\i rơ\i laih, sang ano\ [u khin pơmin nao kơ bruă ming pơkra glăi pưk sang ôh.

Ră anai, sang rơkơi bơnai `u hơđong laih, rơkơi bơnai `u gir kơtir hloh dơ\ng mă bruă bơwih [ong huă:

‘’Hlâo adih tơlơi hơdip mơda sang ano\\ gơmơi tơnap biă mă, sang do\ [u hơmâo, sit adai hơjan ia [rua] djop anih mơtam.

Hơjan angin rơbu\ kơtang [u khin do\ amăng sang ôh hu\i kơ dlưh. Ră anai, hơmâo sang laih, arăng djru ba tui anun gơmơi mơak biă mă, dơ\ng mơ\ng anai pơ anăp hơđong yơh mă bruă, gir run bơwih [ong huă pơđ^ kyar sang ano\’’.

Pơdah rai tơlơi khăp djru nao rai hăng pran jua kơtang mơ\ng hlăk ai hyu djru kơ plơi pla, gum ba lu sang ano\ tơnap tap, thun blan rơgao, hlăk ai djru prăk kăk ngă tui hơdră [ing hlăk ai tơdăm dra mut phung ngă bruă tơlơi khăp pap-man pơdong ‘’Sang khăp pap’’ kơ hơdôm sang ano\ hơmâo anăn kơnuk kơna djru, sang ano\ [ing tơdăm dra kơsung nao pơ anăp hơđăp laih anun djru kơ ]ơđai sang hră sang ano\ [un rin.

Sang khăp pap yua hlăk ai djru pơdong brơi kơ mơnuih [un rin

Hăng lu bruă mă tong ten kah hăng: pơ]ruh hrơi bruă, prăk blan mơ\ng [ing hlăk ai mă bruă kơnuk kơna; pơphun s^ mơdrô gơnam pioh hơdor glăi, mă prăk s^ hră pơhing phrâo, kiăng pơ]ruh nao amăng keh prăk; jak iâu tơlơi djru ba pioh pơdong sang.

Amăng thun 2017, djop anom bruă tơring ]ar Daklak hơmâo man pơdong, jao laih sang tơlơi khăp pap 38 boh hăng rơnoh prăk truh kơ 2 klai prăk.

Ayong Y Nhuân {uôn Yă, Khua git gai anom bruă tơdăm dra hlăk ai tơring ]ar Daklak brơi thâo, djă pioh boh tơhnal dưi ngă amăng thun anai, hlăk ai tơring ]ar Daklak kơtưn hloh, ngă hrom djop anom bruă gong gai kơnuk kơna djru mơnuih mơnam tơnap tap, man pơdong lu sang tơlơi khăp pap dơ\ng.

Biă mă `u, amăng mông ngă tui ‘’Blan kơ hlăk ai’’ anai, hrom hăng bruă mă anăp nao pơ kual plơi pla, anom bruă hlăk ai tơring ]ar Daklak ăt jak iâu man pơdong hăng jao 5 boh sang tơlơi khăp pap kơ sang ano\ [un rin kơnuk kơna djru amăng tơring ]ar:

‘’Pơphun man pơdong sang tơlơi khăp pap prăk [u lu ôh, lơ\m sa boh sang mơ\ng 50-70 klăk prăk, tơdah dơ\ anun đô] amra [u djop ôh, anun anom bruă hlăk ai tơring ]ar pơphun jak iâu hlăk ai amăng djop tơring glông plơi pla djru hrom, iâu pơthưr lu anom bruă kơnuk kơna djru prăk, hlăk ai djru hrơi bruă ]ô [iă, amra hơmâo lu [iă prăk dưi man pơdong sang tơlơi khăp pap kơ mơnuih [un rin’’.

Hăng bruă mă [uh rơđah rơđong tui anun, hlăk ai tơring ]ar Daklak glăk djru hrom prong biă mă amăng tơring ]ar, kiăng [rư\ hrơi lu jai sang ano\ [un rin dưi hơmâo prăk djru man pơdong kah hăng hơdră anai, hơmâo sang ano\ kjăp, hơđong hloh.

Anai le\ bruă mă tu\ yua biă kiăng pơtrut bruă mă pơyơr pran jua amăng [ing hlăk ai djru kơ ană plơi pla, dơ\ng mơ\ng anun pơtrut tui dơ\ng lu sang ano\ tơnap tap [un rin hrưn đ^ pơđ^ kyar tơlơi hơdip mơda jai hrơi hơđong hloh.

Nay Jek: Pô ]ih hăng pôr