VOV4.Jarai-Thun blan rơgao ngă tui Hră pơ]râo mrô 05 mơ\ng Ding jum kơđi ]ar kơ bruă hrăm hăng hla tui tơlơi pơmin pran jua, tơlơi do\ dong [ong huă Hồ Chí Minh, hơmâo [uh lu gru mơnuih, khul mă bruă rơđah rơđong, tu\ yua, ba jơlan hlâo amăng bruă ngă tui bruă kơđi ]ar hăng bơwih [ong huă, mơnuih mơnam [ơi tơring ]ar….

Anun le\, hơdôm [ing kơnuih hiam, thâo luă gu\ glăk gir run, hrưn đ^ găn rơgao tơlơi tơnap tap, djru pran jua prong biă mă kơ djop sang bruă, khul grup amăng bruă ngă hrom hơbit mơ\ng lo\n ia.

Kim Thanh pô ]ih tơlơi pơhing phrâo hơmâo tơlơi ]ih lăi nao kơ tơlơi anun tui anai:

Nao pơ să Tân Ân Tây, tơring glông Ngọc Hiển, tơring ]ar Cà Mau amăng hơdôm hrơi hăng anai, lu mơnuih amra [uh rơđah tơlơi bơblih phrâo hiam klă tơdơi kơ 7 thun abih bang anom bruă kơđi ]ar hăng mơnuih [on sang gum pơgôp, djru pran jua man pơdong plơi pla phrâo.

Hơdôm arăt jơlan, dơlut, jơlan pơrơkă pơrơkưng boh pơtâo hrup hlâo adih, ră anai [lia tuh hăng [êtông laih; lu bơbung sang pơdong đ^ kjăp, hiam ro#, tơlơi hơdip mơda mơnuih [on sang bơblih laih pơkă hăng hlâo, [o# mơta [ơi să kah hăng pơbuh brơi ao phrâo hiam hloh.

Amăng 7 thun, să hơmâo iâu pơhrui rơbêh 600 klai prăk, amăng anun mơnuih [on sang pơ]ruh 232 klai, dưm dưm hăng 40%, pơhrui glăi pơkă dưm dưm r^m ]ô mơnuih mă bruă sa thun pơhrui glăi  rơbêh 37 klăk prăk; mrô sang ano\ [un rin hro\ trun do\ 2,8%.

Pơ ala kơ khul, anih ngă klă bruă man pơdong plơi pla phrâo, tơring ]ar Cà Mau, ơi Nguyễn Minh Dương, Khua git gai ping gah plơi Ông Định, să Tân Ân Tây, tơring glông Ngọc Hiển, tơring ]ar Cà Mau lăi:

Bruă ngă tui hră pơ]râo mrô 05 mơ\ng Ding jum kơđi ]ar [ơi plơi pla gơ`u hơmâo mut tơma sit nik amăng tơlơi hơdip mơda mơnuih [on sang, bruă mă mơ\ng [ing khua mua ping gah, gong gai kơnuk kơna, amăng anun gleng nao bruă hrăm hla tui tơlơi pơmin, pran jua, tơlơi do\ dong [ong huă mơ\ng Hồ Chí Minh hăng pok pơhai amăng bruă mă ako\ pơdong ping gah, hơmâo lu mơnuih tu\ ư ngă hrom amăng mơnuih [on sang:

‘’Bruă pok pơhai hrăm hăng hla tui tơlơi pơmin pran jua khua mir sir Hồ Chí Minh, [ing gơmơi pok pơhai klă biă mă amăng bruă pơkra jơlan glông plơi pla hăng hơdră pơ]ruh ngăn, prăk kăk, pơyơr lo\n sang pok jơlan anun bơblih phrâo klă [o# mơta amăng plơi pla pơ anih rơnu] gah dơnung dêh ]ar, dưi lăng hiam klă pơdrong asah tui.

Amăng bruă mă hrăm tui Wa, tơlơi pơtô le\ amu` biă smaơ\ bruă ngă tui sit nik le\ [u amu` ôh. Kâo pơmin le\, r^m ]ô mơnuih, rim ding kơna khom ngă tui gru Wa sa ]răn anet đô] bruă jak iâu anai tu\ yua laih, boh nik `u hrăm mơ\ng Wa le\ tơlơi thâo pơkrem, hơdră pơđ^ kyar bơwih [ong huă [ơi plơi pla [ing gơmơi’’.

Hăng tơlơi pơmin ‘’Lăng kơ mơnuih duăm ruă anun phun’’, r^m mơnuih apăn bruă, ngă ơi ia jrao amăng sang ia jrao ling tơhan tơring ]ar Bạc Liêu pơsit na nao hăng ngă tui tơpă tơlơi pơtô mơ\ng Wa Hồ ‘’Nai ia jrao kah hăng sa ]ô am^ thâo khăp’’.

Hăng lu thun ngă bruă amăng sang ia jrao, Trung tá, ơi ia jrao tơhan Mã Hồng Anh, Khua sang ia jrao ling tơhan tơring ]ar pơtong rơđah, khom tong ten hăng bruă mă, hrom hăng [ing adơi ayong nai ia jrao ling tơhan, pơjrao tơlơi duăm ruă kơ mơnuih duăm ruă, pơđ^ tui tơlơi thâo hluh kơ [ing ơi ia jrao, pơdah rai pran jua hiam klă mơ\ng ling tơhan rơnuk Wa Hồ.

Hrom hăng bruă pơkă lăng pơjrao tơlơi duăm ruă kơ mơnuih [on sang, [ing ling tơhan, [ing ơi ia jrao [u kơdu\n ôh amăng tơlơi tơnap tap nao truh pơ djop puih kơđông ling tơhan pơgang guai dêh ]ar, pơkă lăng hăng pơjrao mơnuih duăm ruă, ling tơhan duăm ruă:

‘’Ngă tui tơlơi pơtô mơ\ng Wa, [ing gơmơi lăng kơ mơnuih duăm ruă kah hăng mơnuih amăng sang ano\, mă bruă tong ten, je\ giăm, kah hăng pô duăm ruă tơnap tap, sang ano\ [un rin, pơjrao duăm ruă [u hơmâo prăk kăk ôh, [ing gơmơi pơ]ruh prăk kăk djru ba.

Tui anun, [ing ơi ia jrao ling tơhan je\ giăm biă mă hăng mơnuih [on sang, thâo pap laih anun djru ba anun mơnuih [on sang pơpu\ biă mă’’.

Hăng bruă mă sit nik hrăm hăng hla tui tơlơi pơmin pran jua Khua mir sir Hồ Chí Minh, amai Nguyễn Thị Hồng Hải, khua anom ju\ yap prăk kăk sang hră gưl sa Lê Lợi, să Tam Lộc, tơring glông Phú Ninh, tơring ]ar Quảng Nam lăi le\, [u tơguan ngă bruă prong, yong dlông ôh, kơnong r^m ]ô khom hrăm mơ\ng bruă mă amu` ame\ đô] hăng anet aneo đô] tơlơi hiam mơ\ng Wa Hồ tom ngă laih.

Kah hăng tơlơi khăp pap, Wa Hồ pioh kơ [ing ]ơđai muai, boh nik `u kơ [ing ]ơđai muai sang ano\ tơnap tap.

Hră tui mơ\ng Wa le\, `u hăng khua mua sang hră jak iâu [ing adơi đeh ]ơđai sang hră, kiăng hơmâo boh hră djru kơ gơ`u d^ da gla kơ` hơmâo tơlơi hơdip hiam klă hloh. Amai Nguyễn Thị Hồng Hải lăi:

‘’Hrăm tui Wa [u djơ\ pơ ataih ôh, kơnong hăng bruă mă rơđah rơđong hăng lir hơbit bruă mă r^m hrơi [ơi sang hră, dơ\ng mơ\ng djru ba [ing ]ơđai sang hră tơnap tap dưi nao sang hră.

Kâo pơmin amu` đô], khă do\ pơpă hai, khom ngă gêh gal djru ba hăng gir run ngă pơgiong bruă jao klă hloh.

Bruă kâo ngă r^m hrơi le\ djru ba [ing ]ơđai muai kah hăng ta ngă neh, pơ ala am^ kơ [ing gơ`u’’.

Hơdor glăi 50 thun ngă tui Hră pơtăn glăi mơ\ng Khua mir sir Hồ Chí Minh jing mông pioh kơ [ing khua mua, mơnuih ping gah hăng mơnuih [on sang hơdor glăi tơlơi pơtă pơtăn buă hăng tơlơi khăp pap mơ\ng Wa Hồ hăng Ping gah, kơnuk kơna, ling tơhan, kơ ]ơđai rơnuk tơdơi.

Hơdor pioh tơlơi pơtô mơ\ng Wa, hla tui gru Wa, djop mơnuih tuh rơyuh pran jua kơtưn hloh, mă bruă bơwih brơi kơ dêh ]ar, bơwih kơ mơnuih [on sang.

Nay Jek: Pô ]ih hăng pôr