VOV4.Jarai - Amăng mrô 203 gru\p hăng mơnuih mơbruă amăng 5 thun abih bang ling tơhan ngă tui Bruă pơsur ngă tui phiăn juăt, tuh rơyuh bôh thâo ia rơgơi, djơ\ hăng anăn Ling tơhan Wa Hồ (mơng thun 2014-2019) dưi bơni [ơi mông Jơnum Klah ]un [ơ [ia\ pơ pu\ bơni mơnuih mơbruă abih bang ling tơhan phrâo pơ phun [ơi plơi prong jưh jom Hà Nội, [ing apăn bruă tơhan, ling tơhan hmâo ngă bơnga] laih pran jua ling tơhan Wa Hồ amăng tơnap tap, dleh glar.

Yôm phăn hloh le\ pơdah pran jua kơđi ]ar, pran đăo gơnang hăng pran gơgrong kơdo\ng blah, pơsit truh kih amăng bruă pơhra\m ling tơhan, pơdo\ng djơ\ tơlơi pơkă, pơhra\m pơjuăt drơi pô, pơsit pran jua ngă pô abih bang phao kơtoang, gơnam mă yua phrâo, rơnuk anai.

Hăng bôh thâo laih anun pran jua hur har mơng pô, [ing ling tơhan Wa Hồ hrơi anai hmâo hăng glăk hrưn đ^ anăp nao ia rơs^ prong, por đ^ hăng dlông rơhuông adai. Sa amăng mrô anun le\ Thiếu tá Trần Văn Phương, Kơ-iăng khoa {at tô mur 184, Lữ đoàn 189, Ling tơhan ia rơs^.

Hăng bôh than dưi ngă yôm amăng bruă pơtô pơhra\m hăng ngă pô [at tô mur yak rơgao amăng bruă pơhra\m [ơi dêh ]ar Nga Thiếu tá Trần Văn Phương lăi pơthâo, tơlơi blung a kiăng ngă juăt hăng gơnam mă yua phrâo rơnuk anai, `u hmâo gơgrong hlâo amăng tơlơi pơhra\m mă pô bôh thâo bôh pơhiăp dêh ]ar ara\ng kiăng tu\ mă klă bôh thâo mơng [ing juăt bruă dêh ]ar ta] rơngiao pơtô brơi:

“Lom pơ phun ngă tui hơdôm tơlơi pơ pha bơblah hăng pơ phun bruă blah pơgang [ơi [at tô mur kiăng ta hmâo tơlơi gum hrom kơja\p kơplah wah hơdôm anih anom amăng [at tô.

Rơgao kơ rim tal hyu amăng ia rơs^ drơi pô kâo dưi hmâo mơnuih juăt bruă dêh ]ar Nga gum hơgo#p hơdôm tơlơi akă dưi ngă, tơlơi akă thâo le\, lom anun mơtăm khom e\p [uh hơdôm jơlan gah hơkru\ pơsir hơdôm tơlơi akă dưi ngă.

Lom ngă tui, kâo ăt kah hăng [ing go\p kâo [ơi [at tô pơsit, ngă tui tơpă hơdôm bôh thâo, hrưn đ^ djă pioh lữ đoàn 3 pha ra ha pran jua, mut hrom pha ra hăng ngă tui djơ\ phiăn.

Yua anun kơnong kơ amăng [ia\ hrơi, kâo hăng [ing go\p kâo pơđut laih tal pơhra\m ba glăi bôh tơhnal prong, dưi mă yua ha jan bôh thâo, dưi mơnuih juăt bruă dêh ]ar Nga pơsit yôm”.

Ăt sa ]ô ling tơhan hlăk ai mơn, samơ\ Thiếu tá, pô mơgăt rơdêh por gưl sa Đinh Hoàng Long, Khoa gru\p djă rơdêh por 2, Sang bruă rơdêh bek kual dơnung, binh đoàn 18 hmâo laih truh 6.000 mông por amăng anun hmâo hơdôm rơtuh mông por hyu djru gum, pơtlaih mơnuih hmâo tơlơi truh, `u ăt jing pô pơtô ]ơđai, pơblang bruă pơhra\m lu mơnuih mơgăt rơdêh por.

Thiếu tá, pô mơgăt rơdêh por Đinh Hoàng Long hmâo tô tui laih phiăn juăt hăng pơdah pô thâo mơng mơnuih mơgăt rơdêh por ling tơhan Việt Nam amăng hơdôm djuai rơdêh por phrâo, rơnuk anai.

Khă hnun hai lom lăi pơthâo le\ `u pung kơ ruai kơ tal por hmâo tơlơi truh mơ\ `u hăng ekip por hmâo pơsir pơhlôm ngă tui bruă mă hăng ăt pơhlôm do# hơd^p wot hăng rơdêh por:

“Anun le\ tal por lơ 18/6 kâo ]ơkă mă bruă por nao pơ\ Bul ia rơs^ Sơn Ca kiăng djru pơjrao brơi ta` sa ]ô ling tơhan ia rơs^ [le\ drah ara\ glô kraih.

{ơi jơlan por glăi [ing gơmơi [uh rơdêh por răm [ơi măi por gah hnuă, gru\p por gum hrom pel e\p tu\ mă tơlơi gum pơhiăp ơi ia jrao kơ tơlơi pô ruă tơdơi kơ anun, [ing gơmơi pơsit por pơwo\t glăi Trường Sa hăng hrom hăng anun rơkâo tơlơi gum pơhiăp gưl dlông gơnang kơ tơlơi gir run, măi mơng sa bôh rơdêh por, por tơbiă pơ\ bul ia rơs^ Trường Sa kiăng ]ơkă, tu\ mă mơnuih ruă pôr glăi pơ\ kual lo\n pơhlôm, hmao tlôn, tơdơi kơ hơkru\ pơsir [ơi bul ia rơs^ Trường Sa, [ing gơmơi hmâo to# tui bruă por glăi pơ\ kual lo\n pơhlôm”.

Hrom hăng hơdôm gru hiam amăng hơdôm khul, ling tơhan, ling tơhan rơnuk phrâo, khul ling tơhan do# hmâo lu gru ba jơlan hlâo mơ\ jai tơnap tap jai ngă bơnga] pran jua ling tơhan Wa Hồ.

Đại uý Hoàng Nghĩa Sỹ, Khoa gru\p ling tơhan mrô 11, Đặc công người nhái, Liên đội 3, Lữ đoàn Đặc công nước 5, Binh chủng đặc công le\ sa amăng mrô anun.

~u brơi thâo bruă mă na nao mơng ling tơhan le\ pơhra\m [ơi kual ia rơs^, bul ia rơs^ ataih amăng tơlơi ayuh hyiăng tơnap, ia đ^ prong, tơglăk prong, ia juar kơtang dong, ia rơs^ dơlăm hăng pơhra\m tui rơnoh prong dong.

Lom do# mă bruă amăng krah ia mơmlo\ng, kiăng ta hmâo sa pran pơsit prong hăng dưi ngă mă rơnoh ha jan prong:

“Pơhra\m amăng mlăm, mơmot [ơi ia rơs^, ia tơglăk prong biă, anih dơlăm prong. {ing gơmơi kơnong kơ thâo  dưi hmâo [ing go\p rơgao kơ mưn [uh amăng drơi hăng gru pơjing rai yua kơ pô luai gah anăp.

{ơi anih dơlăm tui anun ăt hmâo mơn lu mơnong amăng ia rơs^ ngă hu^ rơhyư\t truh lom [ing gơmơi do# mă bruă.

Khom kiăng rim mơnuih apăn bruă tơhan, ling tơhan mă bruă amăng ia khom pơhra\m kơ drơi pô, tơlơi pơmin khom kơja\p, hmâo pran pơsit prong, hmâo pran jua khin hơtai, pran jua hơkru\ tơlơi tơnap, juăt pơhra\m to\ng ten gah bôh thâo măi mok, bruă mă”.

Ha rơtuh mơnuih ngă gru hlâo pơ plih phrâo amăng abih bang ling tơhan 5 thun rơgao hmâo sit nik jing hơdôm bôh than ngă lar hyu mơng rim anom puih kơđông hăng amăng abih bang ling tơhan pơsit ngă tui bruă pô hăng biă `u djru ru\ đ^ hăng ngă tui rơnoh bôh thâo, bruă gơgrong, ia rơgơi, pran pơ]eh phrâo prong prin hăng tơlơi ]ang rơmang tuh rơyuh pran jua kơ bruă pơdo\ng hăng pơgang kơja\p Lo\n ia Việt Nam djop mơnuih dưm kơnar: kiăng mơnuih apăn bruă tơhan, ling tơhan dưi lăng nao blung a le\ pran jua khăp kơ Lo\n ia, amra ]ơkă mă djop bruă mă, nao pơ\ anih anom hơpă lom Lo\n ia kiăng./.  

Siu H’ Prăk: Pô ]ih pơblang hăng pôr