VOV4.Jarai-Jơnum ngui kơphê {uôn Ma Thuôt tal 6 hrom hăng pơplông atông ]ing ring hơgor kual }ư\ siăng thun 2017 laih anun Jơnum hơduah e\p tơlơi s^ mơdrô tuh pơ alin [ơi kual }ư\ siăng pơphun ăt [ơi plơi prong {uôn Ma Thuôt, tơring ]ar Daklak, hơmâo ba glăi boh tu\ yua yôm biă mă.

Lăng nao kơ bruă mă mơak mơai amăng mông jơnum ngui, mơnuih [on sang, anom bruă s^ mơdrô ăt kah hăng Khoa moa pơphun bruă mă lêng kơ ]ang rơmang amra hơmâo boh tu\ yua lu mơta; tơlơi bơwih [ong huă, gru grua thâo thăi, mơnuih mơnam kơ tơring ]ar Daklak hăng kual }ư\ siăng.

Ăt kah hăng hơdôm rơtuh boh sang ano\ mơnuih [on sang ngă hmua pla kơphê [ơi tơring ]ar Daklak, 54 boh sang ano\ mơnuih [on sang do\ [ơi [on Ko\ Dhông, phường Tân Lợi, plơi prong {uôn Ma Thuôt hok mơak biă mă hăng tơlơi Jơnum ngui bruă kơphê dưi pơphun dua thun ha wơ\t.

Do\ hơdip mơda sui thun [ơi kual lo\n dưi lăng kah hăng anih anom phun mơng kơphê, mơnuih [on sang pơ anai thâo rơđah yơh boh yôm phun djuai phun pla anai ba glăi kơ mơnuih [on sang, amăng tơlơi hơdip mơda gơ`u

Ăt yua tơlơi pơhrui glăi mơng bruă kơphê, mơnuih [on sang [on Ko\ Dhông hơmâo tơlơi gêh gal tuh pơ alin man pơdong, djă pioh sang dlông gru đưm (djuai Sang Jarai đưm), djă pioh gru ama grua am^ mơng ơi yă ta pioh glăi, pioh ]ơkă tuai hyu ngui, lăng hăng đ^ do\ apah prăk kah hăng sang jưh tuai.

Yua kơ anun, hăng mơnuih [on sang pơ anai, mông ngui ngor jơnum prong kah hăng anai jing tơlơi jơnum, pơtum lu mơnuih mơak biă mă, laih anun mông s^ mơdrô kơ tuai blơi gơnam tam pô, e\p prăk kơ sang ano\. Amai H’Wiêt {uôn Yă (H’Wiêt {yă) do\ pơ [on Ko\ Dhông, phường Tân Lợi, plơi prong {uôn Ma Thuôt, tơring ]ar Daklak, brơi thâo:

‘’Mơak biă mă jơnum pơpu\ kơ bruă kơphê, djru mơnuih [on sang pla kơphê ba glăi tơlơi bơwih [ong huă pơđ^ kyar kah hăng djru kơ mơnuih [on sang bơblih [iă tơlơi hơdip mơda pơđ^ kyar hloh.

{ơi [on ăt pơphun ngă yang iâu ia hơjan [ơi dơnao pin ia [on Ko\ Dhông laih anun atông ]ing Êđê pơdah gru grua thâo thăi đưm pô laih anun gru grua djuai ania pơko\n hai’’.

Jơnum ngui bruă kơphê {uôn Ma Thuôt tal 6 hăng Pơplông atông ]ing ring hơgor kual }ư\ siăng thun anai pơphun dong mơng lơ 8-13/3. Hăng ako\ boh pia ‘’Jơnum pơtum ia rơgơi tơlơi kơhnâo, Pơđ^ kyar gru grua hiam đưm, Pơlir hrom hơbit pơđ^ kyar’’, Jơnum anai pơtum rơbêh 230 boh anom bruă bơwih [ong s^ mơdrô, 1.200 ]ô mơnuih ngă hmua pla kơphê rơgơi rai mơng 10 boh tơring ]ar hơmâo pla kơphê amăng đơ đam dêh ]ar ta, kah hăng : Tơring ]ar Sơn La, Điện Biên, Quảng Trị, Đồng Nai, Bình Phuớc, Kontum, Gialai, Daknông, Lâm Đồng hăng Daklak.

Hrom hăng anun, hơmâo 400 ]ô mơnuih kơhnâo kơhnăk gru đưm, [ing adoh soang, atông ]ing rai mơng 5 boh tơring ]ar kual }ư\ siăng, hrom hăng hơdôm tơring ]ar Quảng Nam laih anun [ing adoh soang gru đưm dêh ]ar Kur, Lao, Rumani, Hàn Quốc.

Sa amăng hơdôm anih anom pơtum jơnum ngui bruă kơphê {uôn Ma Thuôt le\, gleng nao kơ anih pơdă gơnam bơwih brơi bruă kơphê pơphun [ơi đang sang Bảo tàng Biệt Điện, pơhư] lu tuai rơnguai hăng mơnuih [on sang djop plơi pla nao ngui, e\p lăng.

Anai le\, bruă mă amăng hơdră jak iâu bruă s^ mơdrô [ơi dêh ]ar, mông gêh gal klă biă pioh kơ djop anom bruă s^ mơdrô lăi pơthâo rup rap bruă mă mơng gơ`u, anăn kơ anom bruă, kơphê hăng gơnam tam s^ mơdrô, kiăng pơđ^ tui rơnoh yôm kơphê s^ mơdrô.

Ơi Bùi Huy Sơn, Khoa anom bruă hơduah e\p bruă s^ mơdrô gah Ding jum wai lăng s^ mơdrô dêh ]ar ta brơi thâo:

‘’Lu thun laih rơgao, tơlơi jơnum djơh hăng anai jing sa bruă mă yôm biă mă amăng hơdră hơduah e\p tơlơi s^ mơdrô dêh ]ar ta, boh nik `u thun anai mông pơdă gơnam tam s^ mơdrô sa hơnong, [uh sa bruă mă pơphun prong biă mă hơmâo 700 ]ơgăn gơnam tam.

Anai le\, boh tơhnal lăp djă pioh biă mă yua dah hơmâo lu tơlơi arăng gleng nao, mơnuih ngă bruă s^ mơdrô tuh pơ alin mơng lu anom bruă s^ mơdrô amăng dêh ]ar hăng dêh ]ar ta] rơngiao.

Hrơi mông jơnum pok tơlơi ngui ngor hăng pơđut jơnum, mông Jơnum ngui bruă kơphê {uôn Ma Thuôt tal 6 laih anun pơplông atông ]ing ring hơgor kual }ư\ siăng hơmâo 9 bruă mă prong, dưi pơphun [ơi plơi prong {uôn Ma Thuôt, tơring glông Lak laih anun tơring glông {uôn Đôn.

Tui hăng Khul khoa moa pơphun bruă mă, anai jing mông ngui ngor blung a tơring ]ar Daklak dưi pơpha bruă mă hrom abih bang mơnuih [on sang gum tơngan samơ\ ăt djă hơnong tơlơi jơnum prong laih anun tu\ yua sit nik.

Hơmâo laih năng ai 40 boh anom bruă s^ mơdrô [uăn djru, amăng anun hơmâo 8 boh anom bruă s^ mơdrô djru prăk, 3 boh anom bruă s^ mơdrô djru mah, 5 boh sang s^ mơdrô djru lu prăk hloh lăi djru priă, djru brơi prăk apah pơphun tơlơi ngui ngor anai.

Ơi Nguyễn Hải Ninh, Kơ-iăng khoa tơring ]ar Daklak, Khoa pơphun kơ jơnum ngui bruă kơphê tal anai brơi thâo:

‘’{ing gơmơi gleng nao kơ bruă pôr tơlơi pơhing, tơlơi pơhing pôr brơi hlâo mơtam yơh. Hrom hăng anun, bruă pơtô pơblang hăng pôr tơlơi pơhing brơi mơnuih [on sang thâo, [ing gơmơi kơtưn pơtô pơblang, pôr pơthâo amăng internet dong yua kơ anun tơlơi pơhing `u bra hyu hmar biă mă truh kơ mơnuih [on sang ta`.

Gah boh yôm phun, [ing gơmơi pơpha bruă mă rơđah rơđong biă mă laih anun hơdai gum hrom nao rai, djop hơdră ngui ngor amăng mông jơnum anai lêng kơ pơphun klă soh. Kơ bruă djru gơnam [ong huă, tu\ jum tuai djop anih jưh, ]ơkă tuai amăng tơring ]ar lêng kơ [u đ^ noa ôh, pơgang klă tơlơi hơdjă rơgoh gơnam [ong huă, pơgang tơlơi rơnuk rơnua….’’

Hăng bruă gum hrom klâo mơta tơlơi jơngum pơ[ut jing sa: Jơngum ngui bruă kơphê {uôn Ma Thuôt tal 6 hăng Pơplông atông ]ing ring hơgor kual }ư\ siăng thun 2017 laih anun Jơnum hơduah e\p tơlơi tuh pơ alin s^ mơdrô [ơi kual }ư\ siăng tal 4, sa tơlơi ]ang rơmang ba glăi lu boh tơhnal tu\ yua amăng tơlơi bơwih [ong huă, gru grua, mơnuih mơnam tơring ]ar Daklak lăi pha, kual }ư\ siăng ăt hnun mơn thun blan pơ anăp anai.

Nay Jek: Pô ]ih hăng pôr