VOV4.Jarai - Mơguah anai (3/5), [ơi Sang pioh atâo dêh ]ar mrô 5, jơlan Trần Thánh Tông, [ôn prong Hà Nội, Gru\p apăn bruă Ping gah dêh ]ar ta, Khoa pơ ala m[s dêh ]ar, Khoa mir sir dêh ]ar, Jơnum min djop djuai ania mơnuih mơnam dêh ]ar Việt Nam pơ phun mông jơnum yôm phăn jôk atâo, lăi pơthâo kơ rơgom Đại tướng Lê Đức Anh, Khoa gum bruă hơđăp Ding jum kơđi ]ar, Khoa mir sir hơđăp dêh ]ar Việt Nam, Khoa gum pơhiăp Gru\p apăn bruă Ping gah dêh ]ar Việt Nam tui phiăn pioh kơ phiăn pioh atâo dêh ]ar.

Kơ-iăng Khoa dêh ]ar ta ơi Trương Hoà Bình pơhiăp pok phun mông jôk atâo, lok glăi bruă ngă hơkru\ hăng hơdôm tơlơi gum hơgo#p mơng Khoa mir sir hơđăp dêh ]ar rơgom ơi Lê Đức Anh amăng lu bruă apăn pha ra.

Kơ-iăng Khoa dêh ]ar pơsit: “Rơbêh kơ 80 thun ngă hơkru\, `u hmâo laih lu tơlơi gum hơgo#p prong prin hăng bruă hơkru\ ư-ang mơng Ping gah hăng djuai ania.

~u dưi hmâo Ping gah, Kơnuk kơna [ơk pri Miđai bôh pơtu\ kơ`^; Miđai Ling tơhan dăp tal Sa; Miđai dưi blah dăp tal Sa; Miđai 80 thun Ping gah hăng lu miđai yôm phăn pơkon mơng Việt Nam hăng jar kơmar. ~u rơngiă  le\ jing sa tơlơi rơngiă prong prin hăng Ping gah, Kơnuk kơna hăng m[s ta”.

Hăng pran jua hơning rơngo\t, Khul apăn bruă Ping gah dêh c\ar ta yua kơ ơi Nguyễn Xuân Phúc, Khoa apăn bruă Ding jum kơđi c\ar, Khoa dêh c\ar ta ba jơlan hlâo mut nao mơyut jôk rơgo\m ơi Lê Đức Anh.

Laih do\ng, Khul khoa pơ ala mơnuih [on sang dêh c\ar Việt Nam yua kơ yă Nguyễn Thị Kim Ngân  - Khoa GGWLPA mơnuih [on sang dêh c\ar ta ba jơlan hlâo mut nao mơyut jôk rơgo\m ơi Lê Đức Anh.

Khul khoa mir sir dêh c\ar ta yua kơ Kơ-iăng khoa mir sir dêh c\ar ta yă Đặng Thị Ngọc Thịnh ba jơlan hlâo mut nao mơyut ơi Đại tướng.

Khul khoa moa Jơnum min djop djuai ania mơnuih mơnam dêh c\ar Việt Nam yua kơ ơi Trần Thanh Mẫn ba jơlan hlâo mut nao mơyut rơgo\m ơi Lê Đức Anh.

{ing khoa moa Ping gah, Kơnuk kơna ta hơmâo mông hơ-u\ sui mông hyu tơngan [ing mơnuih amăng sang ano\ ơi Lê Đức Anh, pơdah pran jua hơning rơngo\t.

Ăt amăng mông anai mơn, [ơi kual Dơnung dêh ]ar, Mông jôk atâo rơgom ơi Lê Đức Anh Khoa mir sir hơđăp dêh ]ar ta pơ phun [ơi Sang jơnum Thống Nhất (quận 1, [ôn prong Hồ Chí Minh).

Gru\p khoa pơ ala Ping gah [ôn prong, Jơnum min pơ ala m[s, Jơnum min m[s, Jơnum min djop djuai ania mơnuih mơnam dêh ]ar Việt Nam [ôn prong Hồ Chí Minh hăng [ing khoa moa git gai Ping gah, Kơnuk kơna pơdơi thun tha rơma [ơi [ôn prong, khoa hơđăp git gai [ôn prong le\ gru\p mut nao jôk blung a.

Amăng mông anai mơn, [ơi Anih jơnum mơng Jơnum min m[s tơring ]ar Thừa Thiên – Huế pơ phun jôk atâo blung a, lăi pơthâo kơ Đại tướng Lê Đức Anh.

Kiăo tui anun [ing khoa moa git gai Ping gah, Kơnuk kơna, khoa moa hơdôm ding jum gơnong bruă tơring ]ar, [ôn prong, khoa pơ ala hơdôm khul gru\p, hơdôm gưl m[s hrom hăng lu neh wa djop djuai ania pơ pu\ tu^ `ang jôk atâo Đại tướng.

Khul khoa moa mơ\ng dêh c\ar Kur yua kơ Khoa dêh c\ar Kur ơi Xăm-đéc Tê-cho Hun Sen ba jơlan hlâo hăng Khul khoa moa mơ\ng dêh c\ar Lao yua kơ Khoa Jơnum min djop djuai ania mơnuih mơnam dêh c\ar Lao ơi Xay-xồm-phon Phôm-vi-han ba jơlan hlâo rai mơyut jôk Khoa mir sir dêh c\ar ta hơđăp, Đai tướng ơi Lê Đức Anh.

Dua boh dêh c\ar hơmâo khoa moa pơ ala  rai mơyut jôk pơdah pran jua giăng mah hăng ngă hro\m kơplah wah dêh c\ar Việt Nam – Kur, kah hăng Việt Nam- Lao, to\ tui pơđ^ kyar ngă hro\m dơlăm tui amăng djop mơta bruă.

Siu H’ Prăk – Siu Đoan: Pô ]ih pơblang hăng pôr