VOV4.Jarai- Khoa mir sir dêh c\ar ta ơi Trần Đại Quang rơngiă laih samơ\ amăng pran jua kơ mơnuih [on sang ăt pioh glăi rup rap sa c\ô khoa git gai hơmâo pran jua jê| giăm hăng mơnuih [on sang, juăt nao c\uă tơ`a bla sang ano\ tui hơdră djru, sang ano\ tơnap tap, hăng pran jua go\p ngă tơhan, gơyut gơyâo.

Bơ hăng plơi pla am^ [ă yă pơjing kơ `u, mơnuih [on sang Ninh Bình hơmâo tơlơi ư-ang kơ sa c\ô ană tơc\ô rơgơi mơ\ng plơi pla kiăng khap na nao.

Khoa mir sir ơi Trần Đại Quang tơkeng rai hăng hơdip truh prong [ơi să Quang Thiện, tơring glông Kim Sơn, tơring c\ar Ninh Bình.

 Kual plơi pla hơmâo tơlơi hiam mơ-ak hăng glai ia mơsin dăo lăng ataih bă mơta, hơdôm dơnao ia mơsin, lo\n ia dăo, hlao ia krông…

Ăt kah hăng abih bang mơnuih [on sang dêh c\ar Việt Nam, pran jua anăp nao plơi pla, Khoa mir sir ơi Trần Đại Quang ăt hning rơngôt mơ\n plơi pla [un rin kơtuai hang ia rơs^, pap kơ mơnuih [on sang mă bruă gleh glar amăng hmua pơdai ia mơsin dăo.

Jing kah hăng sa c\ô ană tơc\ô sui thun bưp glăi, mă tơngan mơ-ak, ră ruai hăng mơnuih [on sang, Khoa mir sir ơi Trần Đại Quang nao c\uă tơ`a bla tơlơi suaih pral, bruă ngă đang hmua kơ neh met wa amăng plơi pla ala [on, hăng pran jua mơ-ak, jê| giăm biă mă hăng mơnuih [on sang. Khoa apăn bruă Ping gah să Quang Thiện, ơi Nguyễn Công Uẩn ră ruai glăi:

‘’R^m wo\t Khoa mir sir dêh c\ar ta glăi c\uă plơi pla, ~u ngă kar kăi hăng mơnuih [on sang, [u ba mơnuih kiăo tui wai pơgang kah hăng rơdêh pơgiăng hyu.

~u nao bưp tha plơi mă tơngan hlâo, laih anun kah mơ\ng mut nao sang jơnum hăng pran jua kiăng khăp kar hăng mơnuih do\ hơdip hro\m hăng mơnuih [on sang amăng plơi pla.

Mơ\ng anun yơh hơmâo tơlơi jê| giăm abih pran jua kiăng khăp mơ\ng Khoa mir sir hăng plơi pla’’.

Rup rap kơ Khoa mir sir ơi Trần Đại Quang glăi c\uă [ing nai pơtô hơđăp hăng pran jua pơpu\ bơni prong prin mơ\ng sa c\ô c\ơđai hrăm hră thâo hơdor tơngia kơ [ing nai pơtô brơi thâo rơgơi mă bruă hrơi pơgi kơdih.

Bơ hăng [ing tơhan rơka rơkac\ ăt do\ hluh na nao lơ\m mă tơngan hăng Khoa mir sir ơi Trần Đại Quang, ~u tơ`a bla, pơ alum pran jua gir pơjrao kiăng găn rơgao tơlơi tơnap tap, ruă kă hơkru\ đ^ amăng tơlơi hơdip.

Hrơi anai, lu sang ano\ [ơi tơring glông Kim Sơn pơklaih laih mơ\ng [un rin, sang ano\ pơdrong asah yua kơ tơlơi gum djru abih pran jua mơ\ng Đại tướng ơi Trần Đại Quang. Ơi Phạm Công Trình, să Ân Hoà, ră ruai:

‘’Mơnuih [on sang Kim Sơn ư-ang biă mă, lu mơnuih [le\ ia mơta. ~u glăi c\ua hăng abih pran jua pơ plơi pla.

Kâo krăo tui lăng tơlơi hơdip ~u yua kơ cách mang, yua kơ lo\n ia, mă bruă truh kơ tơ\i pran. ~u le\ sa c\\ô mơnuih khăp pap, gum djru kiăng kơ plơi pla pơdrong asah, klă hiam tui dơ\ng.

Lơ\m glăi c\uă, Wa Quang hơmâo lăi, Kâo le\ Khoa mir sir dêh c\ar anun yơh kho\m djru brơi mơnuih [on sang, lo\n ia, kiăng kơ plơi pla ala [on pơdrong asah, tơlơi hơdip bơwih [on huă kơ mơnuih [on sang đ^ tui, djop mơnuih trơi pơđao, rơnuk rơnua. Yôm biă mă yơh’’.

Lơ\m do\ ngă Khoa ding jum Kông ang hăng tơdơi anun đ^ ngă Khoa mir sir dêh c\ar ta, ơi Trần Đại Quang ăt hơmâo pơtă pơtăn tong ten kơ [ing ling tơhan kiăng hơmâo pran jua gum djru kơ mơnuih [on sang hăng hơdip tui gru hiam lơ\m mă bruă.

Amăng anih mă bruă kơ Đại tá Đinh Ngọc Khoa, Kơ-iăng Khoa Kông ang tơring c\ar Ninh Bình, Hơmâo 2 drôm hră mơ\ng Đại Tướng ơi Trần Đại Quang c\ih kơ 6 mơta tơlơi Wa Hồ pơtô kơ Kông ang mơnuih [on sang, do\ djă pioh na nao [ơi anih yôm hloh.

Anai le\ drôm hră c\ih kơ Gru hơdip hiam amăng tơhan Kông ang mơnuih [on sang hăng drôm hră tal 2 le\ Mơnuih [on sang jing ako\ phun pran kơtang amăng bruă pơgang rơnuk rơnua. Đại tá Đinh Ngọc Khoa lăi pơthâo:

Khoa mir sir ơi Trần Đại Quang đing nao r^m c\ô tơhan glăk mă bruă gleh glar, tơnap tap, sang ano\ [un rin.

Biă mă `u le\ [ing tơhan khin hơtai pơsăn drơi pô yua kơ bruă pơgang rơnuk rơnua, yâo mơ-ak kơ mơnuih [on sang.

‘’Kâo [uh Wa kơdrưh kah hăng sa c\ô Khoa krên dên samơ\ ăt jê| giăm kah hăng [ing ling tơhan, ră ruai mơ-ak biă mă [u hlơi hlơi lăng anet prong ôh.

Lơ\m pơdơi bruă, Wa tơbiă ră ruai hro\m, mă tơngan hăng [ing tơhan binh nhất, binh nhì tơ`a bla sang ano\, ană bơnai, tơ`a plơi pla pơpă. Wa pioh glăi pran khăp dlăm biă mă hăng Kông ang Ninh Bình’’.

Plơi pla [un rin tơring glông Kim Sơn hlâo adih djru brơi sa c\ô c\ơđai hrăm hră rơgơi, anun yơh ră anai yơr tơngan tu\ jum sa c\ô ană tơc\ô kiăng khăp – Khoa mir sir ơi Trần đại Quang rơngiă laih glăi dor [ơi lo\n am^ ama ơi yă.

Kơ-iăng Khoa apăn bruă Ping gah tơring glông Kim Sơn ơi Hoàng Văn Thắng, lăi:

‘’Khoa mir sir ơi Trần Đại Quang djai jing tơlơi rơngiă rơngiom prong prin kơ plơi pla kah hăng lo\n ia ta.

Pran khăp mơ\ng Khoa mir sir hăng plơi pla mơnuih [on sang tơring glông Kim Sơn ăt [u thâo wơr.

Tơlơi rơkâo mơ\ng sang ano\ kah hăng Ping gah, Kơnuk kơna, mơnuih [on sang tơring glông Kim Sơn c\ang rơmang biă mă tu\ jum ~u glăi dor pơ plơi pla kiăng kơ mơnuih [on sang Kim Sơn gêh gal nao c\uă pơsat na nao hăng pơpu\ bơni pran khăp mơ\ng Khoa mir sir pioh glăi kơ plơi pla’’.

Anai le\ tơdơi kơ sui thun hơdip ataih, sa c\ô ană tơc\ô rơgơi mơ\ng plơi pla Ninh Bình đuăi glăi pơ lo\n am^ ama ơi yă.

Anih tơkeng rai mơnuih rơgơi lo\n mơyang hăng plơi prong jưh jom đưm Hoa Lư kơdrưh ang ăt do\ djă pioh tơlơi djru prong prin mơ\ng rơnuk pơtao Đinh Tiên Hoàng.

Kim Sơn ră anai pơplih lu biă mă [u djơ\ kual lo\n [un rin kah hăng rơnuk Doanh Điền Sứ Nguyễn Công Trứ mơ\ ăt ư-ang sa c\ô ană tơc\ô mơ\ng plơi pla – Khoa mir sir ơi Trần Đại Quang.

Rơngiă glăi dor [ơi lo\n am^ ama ơi yă, sa c\ô ană tơc\ô rơgơi mơ\ng plơi pla kơtuai hang ia rơs^, hăng thưt ang^n mơ\ng ia Krông Ân hăng hơmâo do\ glăi na nao măng pran jua mơnuih [on sang [ơi plơi pla anai, hơdor na nao Khoa mir sir dêh c\ar hơmâo pran khap kơ plơi pla ala [on./.

Siu Đoan: Pô c\ih hăng pôr