VOV4.Jarai-Tlam lơ 30/5, Khua dêh ]ar ơi Nguyễn Xuân Phúc hơmâo tu\ jum khua tơring ]ar Vân Nam dêh ]ar Kha], ơi Nguyễn Thành Phát, glăk rai ]uă jơmư hăng mă bruă [ơi Việt Nam.

Khua dêh ]ar ơi Nguyễn Xuân Phúc mă tơngan ơi Nguyễn Thành Phát Khua tơring ]ar Vân Nam

Khua dêh ]ar lăi rơđah, Vân Nam jing tơring ]ar je\ giăm hăng guai dêh ]ar Việt Nam, hơmâo tơlơi glăm ba prong yom amăng bruă ngă giăng mah Việt Nam-Kha].

Lăi nao kơ bruă s^ mơdrô Việt Nam hăng tơring ]ar Vân Nam thun 2018, pơhrui glăi 4 klai 15 klăk dolar, đ^ tui 13% pơkă hăng thun 2017.

Pơ anăp anai, dua bơnah kiăng pơtrut tui dơ\ng lu hơdră ngă hrom s^ mơdrô dua bơnah, pơjing rai bruă mă prong hloh, phrâo hloh, amăng anun gleng nao bruă ngă hrom jơlan ter rô nao rai mơ\ng Côn Minh-Hà Nội-Hải Phòng pioh ngă gru hlâo kơ djop tơring ]ar pơko\n mơ\ng dua bơnah.

Khua tơring ]ar Vân Nam, ơi Nguyễn Thành Phát lăi pơtong, Vân Nam amra ngă hrom kjăp djop ding jum, anom bruă gah Việt Nam ngă tui klă hơdôm tơlơi pơkôl pơkă mơ\ Khua mua dua bơnah dêh ]ar hơmâo tu\ ư laih, laih dơ\ng đăo kơnang, jơlan ter nao rai mơ\ng Côn Minh-Hà Nội-Hải Phòng sit nik amra pơđ^ kyar kơtang hloh pơ anăp anai.

Nay Jek: Pô ]ih hăng pôr