VOV4.Jarai - Tlam tom brơi, lơ 24/2, Khua dêh c\ar ta ơi Nguyễn Xuân Phúc git gai jơnum Khua mua apăn bruă Kơnuk kơna kơ bruă jao ngăn drăp mơng Kơnuk kơna kiăng wai lăng, pơkra ming jơlan rơdêh treng dêh c\ar, anai le\ bruă hơdôm kông ti pơkra jơlan rơdêh treng Việt Nam pơphun ngă sui yơh.

Khua dêh c\ar ta ơi Nguyễn Xuân Phúc git gai mông jơnum

Tơdơi kơ hmư\ tơlơi pơgôp, Khua dêh c\ar ta lăi pơto\ng, pơhlôm rơnuk rơnua [ơi jơlan rơdêh treng le\ bruă yôm phun, bơdjơ\ nao mơnuih, dram gơnam kơ mơnuih [on sang.

Gơnong bruă rơdêh treng hơmâo lu tơlơi ako\, bơbec\ nao lu mơng tơlơi phiăn mă yua ngăn drăp, prăk kak dêh c\ar, Tơlơi phiăn jơlan rơdêh treng; hơmâo pơkra jơlan găn nao rai dua gah, jơlan pok mă găn nao rai dua bơnah jơlan rơdêh treng.

Khua dêh c\ar ta rơkâo Ding jum wai lăng jơlan glông, Ding jum prăk kak hro\m hăng hơdôm Ding jum, gơnong bruă bơdjơ\ nao tu\ ư hơmâo hơdră jec\ amec\ pơsir tơlơi ngă tơnap tap lơ\m mă yua prăk kak, pơkra ming jơlan rơdêh treng dêh c\ar, [u brơi bơbec\ nao tơlơi hơdip kơ mơnuih mă bruă;

Laih dong pơhlôm ngă djơ\, tui tơlơi phiăn pơkă, tơdah kiăng, lăi pơthâo anom bruă bơdjơ\ nao tui hăng tơlơi pơkă.

Siu Đoan: Pơblang hăng pôr