VOV4.Jarai-Khul pơgang rơnuk rơnua Sang gum hơbit djop dêh čar phrâo pơphun jơnum tui tơđar 6 blan kiăng bơkơtuai kơđi ƀơi kual Tong krah Ơi jŭ laih dong bruă mă mơng Anom bruă Sang gum hơbit djop dêh čar ƀơi kual anai. Pô pơ ala phun mơng Khua čih pioh Sang gum hơbit djop dêh čar kơ bruă ƀơi kual Tong krah Ơi jŭ François Louncény Fall pơđok hră lăi pơthâo tui tơđar 6 blan mơng Khua čih pioh.

Ơi Fall brơi thâo, bruă pơgang rơnuk rơnua, bơwih ƀong huă hăng mơnuih mơnam ƀơi kual anai ăt dŏ tơnap tap biă mă. Tơlơi rung răng kơsung blah ƀơi sa, dua boh dêh čar lĕ bơdjơ̆ nao bruă plĕ hră, laih dong hơdôm ling tơhan ngă pirat. Anŏ pơglăi sat mơng kơsung blah, klin kheng laih dong ayuh hyiăng ƀu klă ngă glăk bơbeč nao kơtang hloh kơ ană mơnuih ƀơi sa, dua boh dêh čar kual Tong krah Ơi jŭ, biă mă ñu lĕ ƀơi Cameroon, dêh čar Trung Phi.

Siu Đoan: Pơblang