VOV4.Jarai-{rô tal nao mă bruă, bưp mơnuih [on sang tơdơi kơ jơnum khua mua pơ ala mơnuih [on sang dêh ]ar, tlam tom brơi, lơ 30/6, ơi Vương Đình Huệ Kơ-iăng khua dêh ]ar nao e\p lăng bruă pơgăn apui [ong glai [ơi tơring glông Nghi Xuân, tơring ]ar Hà Tĩnh.

Amăng 3 hrơi rơgao, Hà Tĩnh hơmâo apui [ong glai kơtang biă mă, ngă kơ rơbêh 200 ektar glai [ơi 4 boh tơring glông Hương Sơn, Nghi Xuân, Hồng Lĩnh hăng Cẩm Xuyên.

Kơ-iăng khua dêh ]ar git gai tơring ]ar Hà Tĩnh ngă tui djơ\ hră pơtrun mơ\ng Khua dêh ]ar kơ bruă pơhlôm, pơgang apui [ong glai hăng pơgang boh pơtuh amăng kual mơnuih [on sang do\;

djop khul tơhan amăng tơring ]ar khom ngă tui hơdôm bruă pơtrun sa hnong, pơbuă tui mrô mơnuih mă bruă mơ\ng anih pơko\n nao djru.

E|p glăi hơdôm anih hơprah thăm laih apui, hu\i apui [ong glăi dơ\ng; khom pơtruh nao rai tơlơi pơhing kiăng pơgang tơlơi rơnuk rơnua kơ [ing mă bruă hăng mơnuih [on sang do\ giăm kual apui [ong glai.

Kơ-iăng khua dêh ]ar rơkâo kơtưn ngă bruă pơtô pơblang kơ mơnuih [on sang, brơi thâo hmar kơ ayuh hyiăng lo\n adai, abih bang khom răng kơđiăng kơ bruă pơgang glai rưng, [u dưi ]uh djah ]a ]ot, ]uh hmua jơnah tă tăn, hu\i [ong rôk amăng glai.

Nay Jek: Pô ]ih hăng pôr