VOV4.Jarai - Tơring ]ar Kontum hmâo abih bang lo\n dlai hăng lo\n đang kyâu truh rơbêh kơ 779.000 ektar. Amăng anun lo\n hmâo dlai rơbêh kơ 602.000 ektar.

Yua anun bruă pok pơhai ngă tui ba glăi bôh tơhnal hơdră bruă apah prăk pơgang dlai klô hmâo djru hăng glăk djru bruă wai lăng pơgang dlai klô klă hloh hăng tơlơi hơd^p mơda mơng m[s gơnang kơ anun ăt dưi pơplih lu biă.

Hăng lu sang ano# m[s hăng plơi pla djuai ania [ia\ Hơdang hăng Hrê [ơi tơring glông Kon Plông, tơring ]ar Kontum, gum hrom wai lăng pơgang dlai klô hmâo ngă tui na nao mơng lu thun hăng anai.

Bruă rim thun hmâo dong sa ngăn rơnoh pơhrui glăi hơđong mơng bruă pơgang dlai klô djru tơlơi hơd^p mơda mơng neh wa jai hrơi jai dưi pơplih phrâo.

Ơi A Klâm, Kơ-iăng Khua Jơnum min m[s tơring kual Măng Đen pơsit bôh tu\ yua mơng hơdră bruă apah pơgang dlai klô hăng m[s [ơi anai:

“Mơnuih [ôn sang lom dưi hmâo ]ơkă mă prăk apah pơgang dlai klô, neh wa [uh hur har pran jua hloh.

Biă `u bruă pơgang, pơgăn apui [ong [udah hyu tir hue\t mă pơgang dlai klô. Neh wa mơ-ak hloh lu biă bơhmu hăng hlâo kơ akă hmâo tơlơi apah pơgang dlai klô.

Neh wa yua mrô prăk anun pioh kơ tơlơi hơd^p mơda sang ano#. Sa ]ra\n neh wa ăt djru mơn pioh gum hrom plơi pla kiăng hyu tir, hyu hue\t mă pơgang dlai klô”.

Hơdră bruă apah pơgang dlai klô jai hrơi mut amăng tơlơi hơd^p mơda hmâo ba glăi bôh tơhnal laih kơ hơdôm anom pơgang dlai klô, m[s, plơi pla hăng brơi kơ bruă wai lăng pơgang dlai klô mơng tơring ]ar Kontum.

Hơdră wai lăng, ngă tui hơdră bruă jai hrơi hmâo ako# tlôn, rơđah rơđông hmâo tơlơi đăo gơnang mơng khul gru\p, rim mơnuih [ơi anăp ngă bruă wai lăng dlai klô.

Hrom hăng anun lom ngă tui hơdră bruă hmâo iâu pơhrui laih hơdôm gưl hăng lu gơnong bruă gum hrom ba glăi bôh tơhnal lu mơta.

Bơhmu tu `u kah hăng bruă ngă tui hơdră pơtrun apah pơgang dlai klô găn rơgao tui hră djă prăk sang prăk.

Ơi Đỗ Phú Cường, Kơ-iăng Khua Sang prăk gah hơdră bruă mơnuih mơnam tơring glông Kon Plông brơi thâo:

“Anom bruă hmâo gum hrom laih hăng [ing pô dlai, Jơnum min m[s să hăng hơdôm bôh plơi pla pơtô brơi m[s ngă tui bruă ngă hră djă prăk mơ-^t prăk kơ sang prăk gah hơdră bruă mơnuih mơnam tơring glông.

Truh mông ră anai ăt hmâo pok laih 464 pok hră djă prăk mơ-^t. Anom jing hmâo 9 anih anom ngă hră [ơi Jơnum min m[s hơdôm bôh să.

Lom mơ\ hmâo hră ]ih anăn mơng bơnah brơi prăk apah pơgang dlai mơ-^t kơ sang prăk gah hơdră bruă le\ sang prăk amra pơ phun yua prăk kơ abih bang hơdôm bôh sang ano# m[s hmâo ngă laih hră djă prăk [ơi anih ngă hră pơ-ar mơng să anun hăng hmâo tơlơi pơsit mơng Jơnum min m[s să, pô dlai hăng khua hơdôm bôh plơi pla”.

Tơdơi rơbêh 8 thun pok pơhai ngă tui hơdră bruă apah pơgang dlai klô, bôh nik `u [ơi tơring ]ar Kontum brơi [uh anai le\ hơdră bruă yôm kiăng pơgang hăng pơlar dlai klô kơja\p.

Ơi Hồ Thanh Hoàng, Khua Keh prăk pơgang hăng pơlar dlai klô tơring ]ar Kontum brơi thâo, rơgao rơbêh kơ 8 thun ngă tui hơdră bruă, Keh prăk hmâo pơhrui glăi prăk lu biă hăng hơđong pioh apăn bruă wai lăng pơgang dlai klô, hrom hăng anun pơdah tơlơi ]ang rơmang bruă ngă tui hơdră bruă jai hrơi jai ba glăi bôh tơhnal hloh:

“Rơgao rơbêh kơ 8 thun ngă tui hơdră bruă anai, [ing gơmơi hmâo pơhrui glăi sa ngăn rơnoh prong biă hăng hơđong pioh apah pơgang brơi năng ai `u 360.000 ektar dlai klô, hmâo 63,5% kual lo\n dlai đơ đam tơring ]ar.

Kâo ]ang rơmang hơdră bruă apah pơgang dlai klô dưi ngă tui klă hloh pơ\ anăp anai. Kơnuk kơna amra mă yua lu hơdră pơhrui, lu djuai bruă pơhrui.

Rơđah biă `u pơhrui glăi mơng hơdôm djah djâu mơng hơdôm sang măi hmâo rơnoh djah lu.

Tơdah dưi hmâo hơdôm mrô prăk pơhrui anai amra pơhlôm brơi hơdôm plơi pla mơ\ [u hmâo drai ia pơke\ apui lơtr^k amra hmâo prăk pơhrui glăi hơđong pioh pơgang pơlar dlai klô.

Hrom hăng anun hơdôm mrô prăk pơhrui pơkon khom apah pơgang dlai klô le\, hyu iâu pơhrui klă hơdôm mrô prăk pơhrui pioh ba glăi rơnoh pơhrui dlông hloh pioh iâu pơhrui ngăn rơnoh đut hlah mơng mơnuih mơnam kơ bruă pơgang pơlar dlai klô”./.

Siu H’ Prăk: Pô ]ih pơblang