VOV4.Jarai- Thun 2017 laih rơgao, hro\m hăng bruă pơphun ngă đang hmua prong, neh met wa djuai ania [iă Sêdang [ơi dua boh tơring glông Kon Braih hăng Kon Plong, tơring ]ar Kontum hro\m hơbit pla kơtor s^ kơ sang s^ mdrô rông un, mơnu\.

Kơmlai pơhrui glăi đ^ lu wơ\t pơhmu hăng bruă ngă pơdai, pla hơbơi plum, ngă pơplih phrâo amănh nruă ngă hmua pla pơjing [ơi kual djuai ania [iă.

Hơmâo gong gai să Đăk Tờ Lung, tơring glông Kon Braih iâu pơthưr, blan 4/2017 sang ano\ ayong A Đế, do\ pơ plơi Kon Vi Vang pơgôp 2 sao lo\n hăng 6 boh sang amăng plơi laih anun 5 boh sang amăng plơi Kon Măng Tu ngă đang hmua prong tơthơ\ 8 ektar pla kơtor s^ phun kơtor pơ anom s^ mdrô rông un mơnu\.

Yua pla amăng đang prong, prăk tuh pơ alin jing aset [iă, laih anun hơmâo sang s^ mdrô dong djru măi mok ngă lo\n, djru pơjeh pla, hơdră wai lăng, kmơk pruai yua anun ayong A Đế hăng hơdôm boh sang ano\ pơko\n dong hok kơdok biă mă, kơnong kơ 75 hrơi tơdơi kơ hrơi pla, truh bơyan koh kơtor baih.

Khă mrô kơtor pơhrui glăi amăng bơyan blung a [u lu ôh, ai `u 30 tơ\n lơ\m sa ektar, samơ\ hăng nua blơi mơng sang s^ mdrô 730 prăk lơ\m sa k^, blơi [ơi hmua hlao, ri\m ektar arăng pơhrui glăi 21 klăk prăk.

Hmua đang kơtor prong sa anih pơ Kon Vi Vang-să Đak Tơlung

Lăi nao tơlơi gêh gal mơng bruă pla kơtor [ơi đang prong, ayong A Đế brơi thâo:

‘’Pla kơtor pơhmu hăng pla hơnơi plum le\ amu` hloh. Pla amu` [iă hrơi, laih dong neh met wa pơ[ut ngă hro\m dong.

Ngă tui go\p ta, pla kơtor, pruih ia kơtor lêng ngă hro\m soh.

Tal dua dong le\, kơtor anai pơhmu hăng plum le\ hơbơi plum dua thun kah mơng buc\.

Kơtor le\ sa thun 3 wơ\t pla, yua anun tu\ yua hloh kơ hơbơi plum. Sa k^ phun kơtor [ơi anai arăng blơi tơl hmua le\ 730 prăk’’.

Lăng nao bruă pla pơjing [ơi đang prong hơmâo lu gêh gal, kah hăng hơmâo gong gai kơnuk kơna tuh pơ alin pơkra jơlan, bưng pơđoh ia;

hơmâo sang s^ mdrô djru pơjeh pla, prăk, măi mok, hơdră pla pơjing, ngă hmua pơ[ut yua anun amu` wai lăng, pơgang gơnam tam;

arăng nao blơi tơl hmua… Ayong A Gung, plơi Kon Mong Tu, să Đăk Tờ Lung brơi thâo, ră anai 98 boh sang ano\ amăng plơi lêng kơ amuaih c\i gum hro\m pla pơjing [ơi đang prong:

‘’Neh met wa lăng hơbô| bruă pla kơtor hơmâo tu\ yua biă mă, pơhrui glăi prăk lu kơ sang ano\. Neh met wa [ing gơmơi ăt kiăng mut pla hro\m mơ\n’’.

Truh abih thun 2017 amăng kual djuai ania Sêdang [ơi dua boh tơring glông Kon Braih hăng Kon Plong, tơring ]ar Kontum pơphun ngă lu đang prong mơng 7 truh kơ 10 ektar.

Boh nik `u, hơdôm boh să kah hăng Măng But, Ngọc Tem, să Hiếu tơring glông Kon Plong; Đăk Tờ Lùng tơring glông Kon Braih;

boh tu\ yua mơng bruă neh met wa pla kơtor mă phun s^ pơ anom bruă rông un mơnu\ lu hloh hăng bruă pla pơdai, pla hơnơi plum.

Kơnong ri\m ektar ba pơhrui mơng 25 truh kơ 35 tơ\n, ri\m thun pla 3 bơyan, neh met wa pơhrui hrui glăi ai `u 70 klăk prăk.

Anai le\ prăk pơhrui glăi lu hloh pơhmu hăng phun pla pơko\n mơ\ djuai ania Sêdang glăk pla.

Ơi Đỗ Xuân Linh, Kơ-iăng khoa Jơnum min mơnuih [on sang să Đăk Tờ Lùng, Kon Braih brơi thâo, hơbô| bruă ngă đang prong glăk hmư\ hing [ơi djo\p anih mơng kual djuai ania Sêdang:

‘’Tơdơi kơ hrơi pơhrui gơnam ba glăi prăk kăk lu kơ neh met wa, neh met wa lăng mă pô [ing gơ`u laih anun lăi pơhmư\ hyu djo\p anih.

Lu biă mă sang ano\ c\ih anăn hăng Jơnum min mơnuih [on sang să gum hro\m ngă hơbô| bruă anai c\i lo\m lui tơlơi rơmo\n ako\n rin.

Amăng thun 2018, abih bang đang hmua lui soh, [ing gơmơi amra iâu pơthưr neh met wa pơ[ut đang, pơplih nao rai hiư\m pă thơ kiăng ngă đang prong, dong mơng anun ngă gêh gal djru nao rai tơju\ pla, djru hrơi mă bruă pơđ^ kyar bơwih [ong’’.

Tơlơi yôm hloh kiăng djuai ania Sêdang [ơi Kontum gum hro\m man pơdong hăng blung a ba glăi tơlơi truh kih le\ yua tơlơi pơplir hơbit hăng anom bơwih [ong huă.

Bruă Kông ti pơkra jrao hăng Gơnam [ong buă Măng Đen, laih anun phrâo anai dong le\ Kông ti, anom bơwih [ong pơko\n k^ pơkôl ngă sui thun, djru pơjeh, prăk c\oh sur lo\n, djru neh met wa hơđong pran ngă hmua.

Rơngiao kơ anun dong, gong gai kơnuk kơna ngă klă tơlơi gơgrong bruă pơke\ hro\m sang s^ mdrô hăng mơnuih [on sang

Ơi Nguyễn Đức Tuy, Kơ-iăng khoa Jơnum min mơnuih [on sang tơring ]ar Kontum brơi thâo:

‘’{ing gơmơi lăi pơthâo pơ neh met wa kiăng hluh tơlơi pơlir hơbit sang ano\, kiăng ako\ pơjing grup sang ano\ hăng pơke\ hro\m hăng anom bơ wih [ong hro\m.

Ngă hơget kho\m hơmâo anom s^ mdrô gum hro\m kah mơng hơmâo nua djơ\ lăp.

Anom bruă bơwih [ong huă djru mơng pơjeh pla, truh kơ kmơk pruai, măi mok, laih anun blơi glăi gơnam mơng neh met.

Anai le\ hơbô| bruă kâo lăng klă biă mă. Dong mơng anun jing grup ngă hro\m [udah Anom bơwih [ong huă hro\m să c\i hro\m hăng anom bơwih [ong ako\ pơjing bruă pla pơjing hơmâo nua djơ\ lăp’’.

Bruă djuai ania Sêdang [ơi lu să gah tơring glông Kon Braih hăng Kon Plông, tơring ]ar Kontum amăng thun 2017 phrâo rơgao pơphun ngă đang prong, [rô djru mơnuih [on sang hơmâo prăk kăk, huăi rin [un, [rô pơlir hơbit mơnuih [on sang.

Rơngiao kơ anun dong, pơsir h^ bruă ngă hmua pla pơjing mă hơjăn, kơ [ah pơjeh, kơ[ah prăk, [u thâo hơdră pla, pơhrui glăi aset, gơnam [u hiam.

Dơng mong tơlơi truh kih mơng hơbô| bruă đang prong pla kơtor, mă phun kơtor s^ kơ sang s^ mdrô rông un mơnu\ mơng djuai ania Sêdang, Kontum glăk pok prong hơbô| bruă anai laih anun pok pơhai sa, dua hơbô| bruă pơko\n dong, kah hăng đang prong pla phun jrao akha, tơju\ pla pơdai jơman…

Anai le\ jơlan yak nao yôm amăng bruă ngă hmua pla pơjing mơng djuai ania Sêdang lăi hơjăn hăng tơring ]ar Kontum lăi hro\m.

Siu H’Mai: Pô ]ih hăng pôr