VOV4.Jarai - Amăng hơdôm thun rơnuk blah wang pơkơdo\ng glăi ayăt Mi, tơring c\ar Kontum le\ anih blah wang kơtang hăng pơphun lu tal kơsung blah, le\ anih pioh glăi lu gru grua blah ngă.

44 thun tơdơi kơ pơklaih rơngai, Ping gah, gong gai [on lan, ling tơhan hăng mơnuih [on sang tơring c\ar Kontum glăk hrưn đ^ kơtang amăng bruă pơđ^ kyar bơwih [ong huă mơnuih mơnam, pơjing tơlơi hơdip trơi pơđao yâu mơ-ak.

Hro\m hăng anun gong gai kah hăng djop khul gru\p amăng tơring c\ar ăt gleng nao mơ\n bruă pơtô pơblang pran khăp kơ lo\n ia kah hăng gru grua tơgu\ hơkru\ găn rơgao lu wo\t blah dưi hlâo adih.

Hơdôm hrơi akô| blan 3, hơmâo lu [ing c\ơđai hrăm hră, mơnuih [on sang hăng tuai nao c\uă tơdron blah wang hăng kơc\o\ng c\ư\ 1015 – Sạc Ly laih do\ng 1049 – Delta amăng anih djă pioh gru grua blah wang hăng kơc\o\ng c\ư\ gah Yu\ le\ ia krông Pô Kô, [ơi să Hơ Moong, tơring glông Sa Thầy, tơring c\ar Kontum.

Ơi Nguyễn Đức Thành, sa c\ô tơhan hơđăp do\ [ơi să Hơ Moong brơi thâo, mơ\ng rơnuc\ thun 2017, lơ\m hơmâo 2 boh sang c\ih anăn hơdor tơngia [ing tơhan pơsăn drơi jăn [ơi 2 tơdron blah wang anai man pơdo\ng, mơnuih nao c\uă jai hrơi lu tui hăng tơlơi anai ngă kơ `u ol kơdol biă mă:

Sit hơmâo Ping gah hăng Kơnuk kơna ta gleng nao kah hăng hơdor tơngia kơ [ing ama, [ing ayong.

Ăt anai le\ tơlơi kiăng pơđah brơi rơnuk ană amon tơdơi anai thâo hluh rơđah, hơdor glăi hơdôm tơlơi ơi yă hlâo adih găn rơgao kiăng kơ pơklaih rơngai lo\n ia rơnuk rơnua kar ră anai.

Tơdron blah wang hăng kơc\o\ng c\ư\ 1015 – Sac Ly hăng 1049 - Delta kơtuai hăng ro\ng c\ư\ Ngọc Rinh Rua hăng Ngọc Bờ Biêng, giăm guai dêh c\ar Lao hăng Kur, [ơi tơring glông Sa Thầy, tơring c\ar Kontum.

{ơi anai Gong gai gah ayăt hơmâo man pơdo\ng puih kơđông kiăng kơ pơgăn jơlan pơdu\ pơgiăng gơnam tam djru mơ\ng kual Pơngo\ ba nao kual Dơnung kah hăng wai pơgang kual Yu\ Pơngo\ plơi prong Kontum.

{ing c\ơđai sang hră să Hơ Moong hmư\ tơhan hơđăp ră ruai glăi tơdron blah wang [ơi kơc\o\ng c\ư\ 1015 hăng 1049

Dua tơdron blah wang hăng kơc\o\ng c\ư\ anai le\ anih pơke\ nao rai hăng puih kơđông pioh pơkơdo\ng glăi kơ tơhan Mi Nguỵ.

Tal kơsung blah bơyan Bơnga – Phang thun 1972 ling tơhan ta gir run wai pơgang dua tơdron blah wang hăng kơc\o\ng c\ư\ anai, kiăng kơ ngă kjăp brơi [ing tơhan ta mut nao blah Đăk Tô – Tân Cảnh.

Mơ\ng lơ 30/3 truh pơ lơ 21/4/1972 [ơi dua tơdron blah wang hăng kơc\o\ng c\ư\ anai pơphun lu tal kơsung blah kơtang. Trung tướng Khuất Duy Tiến, Khoa git gai ling tơhan hơđăp Quân đoàn 3 ră ruai glăi:

{ing gơmơi blah [ơi tơdron 1015 anai, adơi ayong [ing gơmơi rơngiă 223 hăng rơka rơkac\ 107 c\ô.

{ing gơmơi blah dưi Ling tơhan kơdâu du mrô 11, wo\t tơhan djru tui tlôn do\ng le\ giăm 500 c\ô tơhan, kiăo tui mă do\ng 200 c\ô.

Mă pơko\ng Kơ-iăng khoa Ling tơhan hăng [ing khoa tơhan pơko\n. Pơdjai hăng mă pơko\ng abih Ling tơhan kơdâu du mrô 11 anai.

Kiăng kơ tơdron blah wang hăng kơc\o\ng c\ư\ 1015 – Sạc Ly hăng 1049 – Delta jing sa amăng hơdôm anih pioh pơtô pơblang pran khăp kơ lo\n ia hăng gru grua tơgu\ hơkru\ dêh c\ar, tơring c\ar Kontum hơmâo pơphun lu wo\t Jơnum bơkơtoai, kơsem min, hơduah e\p, e\p [ing mơnuih do\ hơdor, pơ[ut gơnam sô hơđăp mơ\ng rơnuk blah wang.

Anai le\ kiăng hơmâo tui lu do\ng, pơhưc\ lu mơnuih c\uă lăng, biă mă `u le\ [ing tơdam dra c\ơđai muai.

Mơ\ng hơdôm bruă tui anai, tơring c\ar hơmâo jak iâu [ing mơnuih djru tơgu\ hơkru\ tha rơma do\ hơdip kiăng ră ruai glăi laih do\ng c\ih pioh.

Tơlơi anai djru brơi rơnuk tơdơi r^m wo\t rai c\uă tơdron blah wang hơđăp thâo hluh rơđah tơlơi yôm kah hăng jai khăp kơ tơlơi hơdip rơnuk rơnua tui ră anai.

Amon Quách Thị Lê Vi, sa c\ô c\ơđai sang hră gưl dua Phan Đình Phùng, să Hơ Moong, tơring glông Sa Thầy al kơdol brơi thâo:

Hrơi anai kâo hro\m hăng gơyut gơyâo nao c\uă tơdron blah wang đưm anai kiăng tu\i `ang brơi [ing tơhan pơsăn drơi jăn djru hơkru\ lo\n ia. Kâo ol kơdol biă mă.

Bơ amon Mai Thị Ái Quyên, brơi thâo:

Kâo lăng blah wang ba glăi tơlơi sat răm biă mă, [ing gơmơi kiăng hrăm thâo hluh rơđah do\ng kah hăng amra gir kơtir tui gru [ing met, [ing wa.

44 thun tơdơi kơ hrơi pơklaih rơngai, pioh glăi lu tơlơi hơning rơngo\t yua kơ [om, m^n [ơi kual blah wang samơ\ ră anai rơngai mơ-ak laih.

Hro\m hăng bruă đing nao pơđ^ kyar bơwih [ong huă hrưn đ^ tơlơi hơdip mơda mơnuih [on sang, gong gai [on lan hăng anom bruă bơdjơ\ nao amăng tơring c\ar Kontum hơmâo gleng nao lu biă mă kiăng hơdôm anih djă pioh gru blah wang pioh yôm na nao.

Biă mă `u le\ pơtô pơblang brơi pran khăp kơ lo\n ia, gru grua tơgu\ hơkru\. Ơi Phan Văn Hoàng. Kơ-iăng Khoa gơnong bruă gru grua, bơrơguăt drơi jăn hăng tuai c\uă ngui tơring c\ar Kontum, brơi thâo:

{ơi tơdron blah wang hăng kơc\o\ng c\ư\ 1015 hăng 1049, gơnong bruă gru grua, bơrơguăt drơi jăn hăng tuai c\uă ngui ăt hơmâo pơphun hyu hơduah e\p kiăng pok pơhai bruă bơwih brơi tuai c\uă ngui kiăng lăi pơthâo brơi gru grua yôm [ơi anai.

Gơnong bruă ăt gum hro\m hăng Gơnong bruă Pơtô juăt, khul hlăk ai mut phung tơring c\ar pok pơhai ba boh tơhnal anai amăng tơlơi pơtô hrăm kơ [ing c\ơđai kah hăng pơphun brơi kơ [ing c\ơđai hrăm hră, hlăk ai mut phung glăi tu\i `ang, hơ-u\ hơdor tơngia [ing mơnuih pơsăn drơi jăn tơgu\ hơkru\ lo\n ia.

Amăng hơdôm thun blah wang pơkơdo\ng glăi ayăt Mi, djop tơdron blah wang kual C|ư\ Siăng hơmâo 10 wo\t pơphun tal kơsung blah prong, [ơi tơring c\ar Kontum hơmâo 7 wo\t.

Anai le\ Tal kơsung blah Sa Thầy bơyan phang thun 1969, Tal kơsung blah Đăk Tô bơyan puih thun 1967, thun Mậu Thân 1968, Đăk Tô 2 bơyan phang thun 1971 hăng tal kơsung blah Pơngo\ kual C|ư\ Siăng hơmâo Ping gah, gong gai, ling tơhan hăng mơnuih [on sang tơring c\ar Kontum lăng yôm, djă pioh kiăng kơ rơnuk tơdơi hrăm tui pran khăp kơ lo\n ia, pơ-ư ang kơ djuai ania.

Siu Đoan: Pô ]ih hăng pôr