VOV4.Jarai - Tu Thó le\ plơi tơnap hloh amăng 4 boh plơi djuai ania Hơdang, [ơi să tơnap hloh Tê Xăng, tơring glông Tu Mơ Rông, Kontum.

Do\ hro\m bơbit hăng sang hră, do\ hro\m amăng plơi [ơi sang hră Tu Thó, nai pơtô [ơi anai gum djru abih pran jua, djru abih thun do\ a`rang găng c\i pơtô boh hră kơ [ing c\ơđai kual tơnap hăng djru ană plơi gah lui tơlơi rơmon rơpa, [u đ^ kyar.

Do\ hăng kual kơdư rơbêh 1.600m pơhmu hăng ia rơs^, plơi Tu Thó kah hăng [u rô nao rai hăng plơi pla pơko\n.

Nai A Bột hăng [ing c\ơđai sang hră plơi Tu Thó

Yua anun, ăt mông hơmâo bruă mơn, [ing mă bruă kơnuk kơna să Tê Xăng hăng Tu Mơ Rông mơng nao pơ plơi anai.

Khă hnun, rơbêh 10 thun anai laih, hrơi hrăm rim hrơi knar soh yơh, tơdơi kơ đ^ rơdêh thut ataih rơbêh 10 km, đ^ jơlan dong đ^ hăng c\ư\, lăng trun le\ c\roh dlăm biă mă, hlâo kơ 7 mông mơguah rom hrơi, nai A Bột truh pơ plơi laih.

{ing c\ơđai sang hră plơi Tu Thó triăng nao hrăm hră

Ană plơi [ơi plơi Tu Thó juăt [uh laih rim mơguah nai A Bột nao tơl sang pơpoh bah amăng iâu [ing c\ơđai tơgu\ hu\i kaih nao sang hră.

Do\ hro\m hăng [ing c\ơđai anih 2 sang hră Tu Thó, phara hăng nai pơtô pơ kual dơnung, kiăng mrô c\ơđai nao sang hră hơđong, nai A Bột kho\m gir hyu pơtô pơblang, jak iâu yơh:

‘’Hlâo adih neh met wa [ơi anai juăt ngă yang thun phrâo, juăt iâu le\ ngă yang tơju\ pơdai phrâo.

Tơdơi kơ anun truh blan 9, blan 10 le\ ngă yang huă asơi hle. Huă asơi hle giong le\, [ong pơdai amăng atông.

Rim wơ\t ngă yang tui anun, net met wa brơi [ing c\ơđai pơdơi sang hră ha wơ\t hrơi tơjuh, jing ngă tơnap biă kơ [ing nai wai lăng sang hră.

Nai pơtô kho\m hyu pơtô pơblang kơ c\ơđai sang hră thâo hluh tơlơi yôm mơng bruă hrăm hră.

Ră anai, am^ ama [ing c\ơđai kơnong ngă yang mơng sa truh kơ dua hrơi đôc\ yơh, lơm anun, [ing c\ơđai hrăm ha mơguah, bơ yang hrơi tlam glăi ngă yang hăng am^ ama pơ sang’’.

Anih hrăm plơi Tu Thó, să Tê Xăng, tơring glông Tu Mơ Rông hơmâo dua anih muai, hăng 30 c\ô c\ơđai sang hră hăng dua boh sang hră gưl sa, hơmâo 14 c\ô c\ơđai.

Yua tơnap tap, khă mrô c\ơđai sang hră aset, samơ\ Anom pơtô pơjuăt tơring glông ăt djă hơđong 4 boh sang hră anai, yua dah tơdah [u ngă tui anun, [ing c\ơđai amra pơdưi sang hră, yua dah [u thâo nao hrăm pơ sa ôh.

Kơnong hơmâo 4 c\ô nai pơtô đôc\ [ơi anai, [ing gơ`u jing kah hăng am^, ama [ing c\ơđai yơh.

Nai Y Thoá, pơtô sang hră muai hơmâo 14 c\ô c\ơđai brơi thâo, am^ ama [ing c\ơđai jao ană [ing gơ`u kơ `u wai lăng, pioh lui sa [ưh pioh asơi, giong anun nao pơ hmua.

Thâo nai juăt do\ glăi amăng plơi truh abih hrơi tơjuh, yua anun, am^ ama [ing c\ơđai lêng do\ glăi pơ hmua hơdôm hrơi kah mơng glăi tu\ ană.

Gơnam [ong huă am^ ama [ing c\ơđai prăp kơ ană bă `u kơnong hơmâo asơi soh hăng hang hra đôc\.

Yua anun, [ing nai juăt pơpha gơnam [ong kơ [ing c\ơđai. Pă thun do\ hro\m hăng sang hră Tu Thó, jing brơi nai Y Thoá hơmâo lu tơlơi thâo mơbruă biă mă, laih anun lăng mơ-ak biă lơm do\ [ơi kual tơnap tui hăng anai.

‘’Kiăng ngă ging bruă mơ\ sang hră jao, tơdah [u gir bruă le\ tơnap biă. Yua dah am^ ama [ing c\ơđai [ơi anai juăt hyu mă bruă ataih biă, nao pit pơ hmua soh.

Djă ba ană hơdôm hrơi thơ, nai kho\m hyu iâu pơthưr kah [ing c\ơđai mơng nao sang hră. Gleh glar biă yơh, samơ\ ăt hơmâo ano\ mơ-ak mơn.

Am^ ama [ing c\ơđai le\ gơnang kơ kâo, laih anun ană plơi [ơi anai jê| giăm biă mă’’.

{u kơnong ba boh hră kơ [ing c\ơđai sang hră đôc\ ôh, 4 c\ô nai pơtô [ơi sang hră Tu Thó, să Tê Xăng, tơring Tu Mơ Rông, Kontum ăt ba nao tơlơi rơgơi kơ rơbêh 100 ako\ sang ano\ amăng plơi.

Tơdơi kơ mông nao pơtô, [ing nai pơtô nao ngui pơ plơi, gum hro\m hăng neh met găn rơgao tơlơi tơnap tap kah hăng:

iâu pơthưr ană plơi do\ agaih, [ong huă hơdjă; pơtô hơdră tơju\ pla, rông gơnam; yua prăk thâo pơkrem.

Yua hơmâo tơlơi pơsur mơng nai pơtô, ană plơi plơi Tu Thó ră anai huăi pơphun ngui ngơr sui hrơi dong tah.

sang ano\ pla kơphê [ơi lo\n rơ-ơ\, tơju\ pơjeh pơdai phrâo, pla phun jrao akha kiăng pơhrui glăi prăk lu hloh…

Laih anun, tơlơi mơ-ak hloh mơng nai pơtô [ơi plơi Tu Thó le\ yua hơmâo tơlơi gir iâu pơthưr ană plơi, ră anai, mơnuih [on sang thâo gleng nao hloh yơh bruă hrăm hră mơng ană bă [ing gơ`u.

Siu H’Mai: Pô c\ih hăng pôr