VOV4.Jarai - Mơng prăk c\an giăm 15 klai prăk mơng Sang prăk pơđ^ kyar kual ASIA hăng prăk mă mơng tơring ]ar, Gơnong C|ih pơkra kơc\ăo bruă hăng tuh pơ alin tơring ]ar Kontum glăk tuh pơ alin man pơdong anih anom [ơi 2 boh plơi plơi Kon Bring, să Đăk Long, tơring lông Kon Plông hăng plơi Kon Kơ Tu, să Đăk Rơ Wa, plơi prong Kontum kiăng pơplih phrâo abih tih c\i pơđ^ kyar bruă tuai hyu c\uă ngui [ơi dua boh plơi hơmâo djuai ania aset do\ anai.

Khă hnun, tơdơi kơ sa, dua rong bruă hơmâo man pơkra, tuai c\uă ngui, mơnuih thâo hluh kơ gru grua boh thâo, biă mă `u le\ mơnuih ngă bruă tuai c\uă ngui [ơi tơring ]ar [u tu\ ư ôh kơ lu bruă man pơkra mơng kơc\ăo bruă.

Tơdơi kơ rơbêh ha blan pok pơhai man pơkra, pơplih phrâo anih anom kiăng pơđ^ kyar bruă tuai c\uă ngui amăng plơi pla jing ngă dua boh plơi tuai c\uă ngui Kon Bring, să Đăk Long, tơring glông Kon Plông hăng plơi Kon Kơ Tu, să Đăk Rơ Wa, plơi prong Kontum jing anih man pơkra bơrơgơ` kơ pơtâo, c\uah, simăng, pơsơi pơsă.

Pô we rup Kiều Đăng, do\ pơ plơi prong Kontum, mơnuih juăt pơhiăp tom tuai hyu c\uă ngui lăng amlaih amăng pran jua:

‘’Pơkra jơlan bê tông tui anun hiư\m thâo [ă anih tuai hyu ngui dong. Tuai hyu ngui lơm gơ`u mut rai pơ anai lêng tơ`a, a[ơih, ngă hơget anai, ngă hơget anai? Ngă bê tông hă? Tui anun lui [e\, mut rai lăng hơget c\i ngă? Ha pluh grup rai ngui hơmâo ha pluh grup mơan lăi tui anun’’.

Hơmâo prăk c\an giăm 15 klai prăk mơng Sang prăk pơđ^ kyar kual ASIA hăng prăk mă mơng tơring ]ar, jơlan nao rai, anih anom [ơi dua boh plơi Kon Bring hăng Kon Kơ Tu hơmâo arăng c\ang amra hiam hloh, nao rai mơ-ak hloh, ngă pơhưc\ tuai hyu ngui.

War sang Rông plơi Kon Bring hlâo kơ hrơi man pơkra phrâo

Samơ\, sa, dua bruă man pơkra phrâo ngă giong ngă kơ tuai amlaih pran jua biă mă, yua kyâo pơtâo, anih anom, sang do\ arăng phă pơrai h^, [u tui gru hơđăp dong tah. Biă mă `u [ơi plơi Kon Bring, war sang pơkra hăng kyâo hiam jum dar sang Rông amăng plơi arăng ruh h^ abih.

Pơplih nao hăng war pơkra hăng bê tông lăng rơ-ơ\ hlet kret kruai, pơdong c\rêh hăng glông, pơgăn h^ sang Rông hăng plơi pla. Bơ [ơi plơi Kon Kơ Tu, jơlan lo\n mơng plơi nao pơ ia krông Đăk Bla hăng lu phun kyâo dua bơnah jơlan hiam biă ăt hơmâo arăng c\uk dor h^ abih, pơkra jing jơlan bê tông soh.

Amai Y Bông, mơnuih amăng plơi bơwih [ong gah bruă tuai hyu ngui homestay lăi, tuai hyu ngui rai pơ anai [u hor, [u kiăng lăng anih anom tui anun ôh.

War sang Rông plơi Kon Bring lơm hơmâo pơkra phrâo

‘’Arăng kiăng anih anom tui gru đưm. Amuaih lăng ano\ hơmâo mơng hơđăp, tui hăng yang pơjing đôc\’’.

Hro\m hăng war pơkra hăng bê tông gom jum dar sang Rông [u hơmâo ano\ hiam [ơi plơi Kon Bring, [ơi plơi Kon Kơ Tu arăng pơkra mơn bê tông [ơi anăp sang Rông prong 730 met karê.

Anai le\ bruă man pơkra ană plơi lăng rơgah adung mơta yua dah: rim wơ\t ngui ngor atông c\ing adoh soang, [ing kơhnâo djuai ania Bahnar lêng rơbat tơkai soh.

Ayun soang [ơi lan bê tông khăng hăng pơ-iă hang lơm yang hrơi pơiă arăng lêng [u khăp soh. Rơngiao kơ anun, bruă pơkra lu đơi hăng bê tông jing ngă gru grua plơi pla [u hiam đơi lơi.

Ơi Nguyễn Đô Huynh, mơnuih hơmâo hơdôm pluh thun laih ngă bruă hăng tơlơi c\uă ngui amăng plơi pla [ơi Kontum pơdah pran jua:

‘’Tuh pơ alin klă hloh kiăng tuai hyu c\uă ngui amăng plơi le\ [ih gih anăm tuh pơ alin hơget ôh. Lăi tui anun, samơ\ ră anai [ing gơ`u ăt ngă jơlan, ngă pơnăng, ngă sang juă glai pơdong tơngok gah rơngiao. Laih dong, dua bơnah hang ia krông ăt c\uk abih mơn, tui anun [ơi jing gru grua anih c\uă dong’’.

{ơi anăp bruă hơmâo lu mơnuih lăi glăi, pơgôp hiăp hăng bruă tuh pơ alin pơkra anih anom pơđ^ kyar bruă hyu c\uă ngui [ơi dua boh plơi Kon Bring hăng Kon Kơ Tu, ơi Trương Quốc Việt, Khoa anom bơwih [ong hăng dêh ]ar tac\ rơngiao, Gơnong c\ih pơkra hră pơ-ar hăng tuh pơ alin tơring ]ar Kontum, ngă rah Kơ-iăng khoa Wai lăng kơc\ăo bruă djru pơđ^ kyar kual guai lo\n ia tơring ]ar Kontum brơi thâo, amra hmư\ tui, pơkra glăi:

‘’Djo\p mơta tơlơi pơgôp hiăp mơng mơnuih [on sang le\ gơmơi brơi pơdơi pơkra. Ha bơnah dong le\ glăk brơi [ing apăn bruă sem glăi ha wơ\t dong djo\p mơta bruă bơdjơ\ nao.

Kho\m pơsit glăi, lăng glăi gru pơkra tui anun ngă sat hơget mơn kơ anih anom jum dar? Anom bruă wai lăng amra pioh mông ngă bruă hăng plơi pla. Tơdah hơdôm bơnah tu\ ư hro\m le\ Anom wai lăng amra pơphun ngă dong. Tơdah hơmâo bruă hơget thơ aka djơ\ hro\m amra bơkơtoai glăi dong’’.

Amăng mrô prăk tuh pơ alin giăm 15 klai prăk pơkra ming anih anom pơđ^ kyar anih tuai hyu ngui c\uă lăng plơi pla kơ 2 boh plơi Kon Bring hăng Kon Kơ Tu, Gơnong bruă c\ih pơkra hră pơ-ar hăng tuh pơ alin Kontum brơi rơbêh 100 klăk prăk kơ bruă iâu arăng pơphô, c\râo brơi jơlan hơdră tuh pơ alin.

Tui hăng Anom wai lăng kơc\ăo bruă anai, hơmâo lu mông jơnum bưp mơnuih [on sang, jơnum tơ`a, pơphô bruă hơmâo pơphun ngă klă, rơđah rơđong. Khă hnun, gah gru grua boh thâo đưm aka [u hơmâo arăng lăng yôm ôh amăng bruă tuh pơ alin.

Sit nik brơi [uh, phara hăng bruă tuh pơ alin pơkra anih anom pơko\n, bruă pơkra anih anom pơđ^ kyar tuai hyu ngui amăng plơi pla kho\m kiăng ngă bruă thâo kơđiăng, yua dah, tơdah huăi soh glăi amăng bruă man pơkra le\ amra hơmâo tơlơi soh mơn amăng gru grua boh thâo đưm.

Siu H’Mai: Pô c\ih hăng pôr