Hơdôm hrơi hăng  anai, mơnuih [ôn sang ngă hmua tring glông Krông Knô, dik dăk kơ bruă rah pơtem pơdai bơyan puih phang laih anun răk rem wai lăng đơ đam hmua rah laih hlâo kơ bơyan Phang thun 2014-2015. Tring glông anai, hơmâo na nao tơlơi truh adai không phang sing pah prong amăng bơyan phang, yua kơ anun bruă kai ]oăr rah pơtem le\, hơmâo Anom bruă wai lăng bruă hmua tring glông Krông Knô gleng nao biă kiăng hmao hăng hrơi blan pơkă, djop pơjeh rah pơtem ba pla laih anun hơdră mă yua pơpha ia pruih pơtă pơtăn mă yua djơ\ hơnong soh. Kiăng pơđ^ tui hơnong boh pơdai pơ hrui glăi, anom bruă ngă hmua pla pơjing tring glông Krông Knô pơ ]râo brơi ngă tui hơbo# ngă hmua rah pơjeh klu\k phrâo, pơdai lom, sa hơnong, kơtor mi mơboh lu, dông kơtor pơ prong, ba pla amăng tring glông.

            Pơkă hăng tơđar thun, bơyan Puih phang thun anai, să {uôn }uah, tring glông Krông Knô hơmâo pok pơhai ta` hloh, truh ră anai, rơngiao kơ bruă kai ]oăr, truh kơ bruă ruah pơjeh mơnuih [ôn sang ngă giong laih soh. Tui hăng Jơnum min mơnuih [ôn sang să {uôn }uah le\, bơyan pơdai puih phang thun anai, să anai rah pơtem 920 ektar hmua pla pơjing djop mơta. Bruă rah pơtem pơdai puih phang hmao kru amra gêh gal, yua kơ khua mua amăng să pơtô lăi, jak iâu mơnuih [ôn sang  kai ]oăr hmăr, hmao hăng hrơi blan rah pơtem. Hơdôm hmua đang juăt kơ[ah ia, khua mua amăng să jak iâu ană plơi pla pơplih pơjeh djuai mơnong pla. Ră anai, đang kơtor pla giong laih, do\ glăi mơnuih [ôn sang pơtum rah pơtem pla gơnam pla pơko\n. ơi Nguyễn Văn Thịnh, Kơ-iang Khua să {uôn }uah, tring glông Krông Knô, tring ]ar Dak Nông brơi thâo:

            Kiăng huăi bưp tơlơi tơnap không phang sing pah prong ngă, mơnuih [ôn sang thâo ruah mă pơjeh djuai mơnong pla djơ\, ruah pơjeh kơtor [iă hrơi blan samơ\ mơboh jor laih anun pla hnưm [iă kiăng huăi djơ\ hrơi adai rơ-o\t ngă, brơi phun kơtor đ^ hiam. Pơjeh pơdai le\ lu hmua hơmâo ia pling nao djop hơđong, anun mơnuih [ôn sang ăt ruah pơjeh hiam mơn pla rah pơtem, braih `u lom, noa  s^ mơdrô yom. R^m thun mơnuih [ôn sang ăt ruah mă dua djuai pơjeh pơdai VF1 hăng RBT.

            Bruă mă prăp lui kơ bruă sai pơtem pơdai bơyan puih phang să Nam Đà, tring glông Krông Knô pok pơhai ngă tui djơ\, lăi pơthâo ană plơi dơ\ng mơng bruă kai ]oăr, hwar pơ[ut ro\k, pơđam  pơjeh pơdai laih anun sai pơdai, [ing khua amăng să hơmâo ngă hrom anom bruă pơtô tơlơi ngă đang hmua tring glông djru brơi, anom bruă wai lăng gơnam pla pơtô hơdră lông mă yua, ba rah pơtem pơjeh pơdai phrâo, pơtô brơi mơne] phrâo ia rơgơi kơ mơnuih [ôn sang ngă tui, kiăng kơ pơhrui glăi boh pơdai lu hloh. Ră anai lu sang ano\ mơnuih [ôn sang ngă giong laih bruă kai ]oăr, pơđăm pơjeh, rơmet agaih ro\k rum pioh sai pơtem [ơi hmua dơnao prong prin. Yua dah thun anai, mơnuih [ôn sang prăp rơmet kơ bruă sai pơtem pơdai puih phang tong ten biă mă dơ\ng mơng bruă ]oh hmua, kai ]oăr truh kơ sai pơjeh. Amăng bơyan pơdai puih phang juăt hơmâo arong aroa] laih anun eh akan ngă lu, anun yơh hrom hăng ngă tui lu hơdră pơhlôm pơgang, mơne] phrâo ia rơgơi ruah mă pơjeh klă, dưi bo\ng glăi hăng hmol găm, eh akan amra ngă tui djơ\, laih anun  gleng nao blung hlâo. Yă Huỳnh Thị Huyền, să Nam Đà, tring glông Krông Knô, tring ]ar Dak Nông lăi:

            Thun anai, mơnuih [ôn sang ăt prăp lui rah pơtem pơjeh ta` samơ\ ăt hu\i hlâo le\ hơmâo abao kơ`^ ke\ pơrai, bơ ia krông, ia hnoh pling nao pơ hmua ăt hơđong mơn.

            Kiăng bơyan pơdai hmua puih phang  thun 2014-2015 gêh gal, să Nam Đà hơmâo ngă hrom kông ty sa ding kơna wai lăng hăng mă yua ring bruă pơđoh ia tring glông Krông Knô hyu sem lăng re se bơnư\ pơkong ia, krăo lăng ia dơnao, anih bư\ bơnư\, kiăng djop ia pơđoh pling nao pơ hmua hơđong. Ơi Nguyễn Thanh Hùng, Kơ-iang Khua jơnum min să Nam Đà, tring glông  Krông Knô brơi thâo:

            Truh mông anai, mơnuih [ôn sang sai pơjeh 30% laih, thun anai pha ra hăng thun hlâo, hơdôm blah hmua juăt thu ia amăng blan pơdai glăk hroh le\, thun anai brơi mơnuih [ôn  sang ( rah) sai hnưm hloh, hơdôm blah hmua amu` [iă pling nao ia ră anai kah mơng ngă bruă sai pơjeh.

            Tui hăng anom bruă wai lăng đang hmua hăng pơđ^ kyar plơi pla tring glông Krông Knô le\, bơyan pơdai puih phang thun 2014-2015, tring glông kơtưn sai pơtem abih bang 4225 ektar phun pla djop mơta. Kiăng kơ bruă ngă hmua bơyan phang tu\ yua, anom bruă wai lăng bruă hmua hăng pơđ^ kyar plơi pla tring glông kơtưn pơtô kơ ană plơi ngă tui hơdră ngă hmua pla pơjing hơđong, lăng nao hơnong ia pling dưi djop laih anun djơ\ bơyan. Ơi Doãn Gia Lộc, khua anom bruă wai lăng đang hmua hăng pơđ^ kyar plơi pla tring glông Krông Knô lăi:

            Prăp rơmet kơ bruă ngă hmua bơyan puih phang thun anai dơ\ng mơng blan 10, tring glông hơmâo ngă hră git gai djop anom bruă wai lăng gah bruă hmua, rơnu] blan 10 khom pơkra giong hơdră dăp bruă, kơ tơlơi ngă hmua puih phang, bruă pling ia, pơgang tơlơi không phang sing pah prong. Anom bruă gah đang hmua ăt hơmâo lăi pơthâo kơ Jơnum min mơnuih [ôn sang tring glông pơtong glăi hơdră ngă hmua pla pơjing, rah pơtem pơdai hăng pla kơtor. Rơngiao kơ anun, bơyan puih phang anai, tring glông ăt git gai pok prong ngă tui hmua dơnao hơbo# phrâo, ngă gru [ơi să {uôn }uah.          

   Tui hăng tơlơi lăi pơthâo hlâo, dơ\ng mơng  ră anai truh rơnu] bơyan, hrom hăng bruă pơhlôm pơgang tơlơi không phang sing pah, kơ[ah ia hăng pơhlôm pơgang arong  aroa] hmol găm amăng phun pla ăt gleng nao nao tong ten. Khă hnun, tơlơi kơ]ang rơmang hăng tơlơi prăp rơmet djơ\ hơnong tong ten anai, tring glông Krông Knô, tring ]ar Dak Nông amra tu\ mă lu boh tơhnal klă hiam, pơdai jor kơtor lu amăng bơyan puih phang anai./.

                                                                                            Nay Jek : pô pơblang hăng pôr