VOV4.Jarai - Giăm 3 blan anai, tơlơi kơ [ah ia yua glăk ngă tơnap biă mă kơ 119 boh sang ano\ [ơi tơring kual Lạc Dương, tơring glông Lạc Dương, Lâm Đồng. Rim mlăm, djop sang ano\ pơđar mơnuih amăng sang pơplih nao rai kro\ng mlăm c\i pơđu\ ia.

Mơng hrơi Tê|t truh ră anai, sang ano\ ayong Cil Đuyn do\ [ơi [ut plơi Bon Đưng 2 kar kăi lu sang ano\ pơko\n [ơi tơring kual Lạc Dương mơn hơdip tơnap tap biă mă yua kơ[ah ia yua. Ayong C|il Đuyn brơi thâo, sang  ano\ `u rim mlăm lêng kơ pơplih nao rai krăp pơđu\ ia. Ia [op đ^ [u hơmâo ngă kơ sang ano\ `u bơwih [ong, hơdip mơda glêh biă.

“Tơhrơi ha asar ia [u hơmâo lơi, mlăm le\ hơmâo mơn aset. 12 mông mlăm le\ pơđuh hơmâo aset. Măi boh sum ao, phit ia [u yua dong tah, truh 2 mông mơguah ăt [u hơmâo ia pơđoh amăng măi boh sum ao lơi”.

Kơ[ah ia yua ngă kơ bruă s^ mdrô gơnam [ong huă mơng sang ano\ amai Lê Thị Vui [ơi [ut plơi Bon Đưng tơnap hloh mơn. Rim hrơi rơkơi bơni `u kho\m mơgat rơdêh giăm 1 km c\i tơ`a ia yua mơng kơnung djuai `u. Tui hăng amai Vui, mơng hrơi kơ[ah ia, bruă mơnơi hơgơi, boh sum ao mơng sang ano\ `u jing hơdư\ [iă mơn.

“Boh sum ao, rao mong pla lêng [u hơmâo ia, nao sô| ia mơng ha kơthung mơng ha kơthung. Rim mlăm, rơkơi kâo nao pơdu\ ia yua djop amăng ha hrơi, giong anun nao dong. Kơ[ah ia yua tui anai mơ\ [u thâo pơsir hiưm pă le\ sang ano\ gơmơi rơkâo khuer ia yơh, bơ tui anai glêh biă mă, kơnong yua tui sang ano\ pơko\n huăi bơngơt lơi, bơ sang ano\ gơmơi s^ mdrô kiăng lu ia biă mă”.

Mơnuih [on sang [ut plơi Bon Đưng 1 hyu e\p mă ia yua.

Ăt tui anun mơn, kiăng hơmâo ia tơnă asơi, hơbai a`am, boh sum ao, mơnơi hơgơi, sang ano\ amai K Gian Hai do\ [ơi [ut plơi Bon Đưng 1 kho\m nao tơ`a ia bơmun mơng sang ano\ ieo gah c\i yua. Amai K Gian Hai brok, lu blan anai laih, ia yua [u hơmâo, samơ\ prăk ia đ^ hơdôm wơ\t pơhmu hăng mơng hlâo.

“Thun anai bruă kơ[ah ia yua [ơi anai hơmâo na nao đôc\. Glêh tơnap biă mă, kâo glăi mơng mă bruă mơmot glêh yơh ăt kro\ng mlăm c\i pơđuh ia mơn. Ia le\ [u hơmâo, samơ\ prăk yua ia dua blan rơbêh 1 klăk prăk, blan 1 prăk ia abih 695.000 prăk, blan 2 rơbêh 500.000 prăk. Hlâo adih gơmơi yua lu hloh le\ ha blan kơnong mơng 170.000 truh 180.000 đôc\”.

Ơi Võ Quốc Trang, Khua prong kông ti pơc\ruh ngăn pơđoh ia yua Lâm Đồng lăi, [u hơmâo ia [ơi djop anih le\ yua đing pơđoh ia sui laih, pơkra mơng thun 1997 truh ră anai aka [u pơkra ming ôh. Lơ\m anun, sang ano\ jai hrơi lu mơnuih, yua hnun đing pơđoh ia yua [u dưi brơi ia djop kơ abih bang dong tah.

“Gơmơi pơsit, rơngiă ia yua le\ [u hơmâo ôh, samơ\ kơ[ah ia yua le\ hơmâo. {ing gơmơi thâo laih bruă anai laih anun hơmâo ngă bruă tom mơnuih [on sang laih. Amăng ako\ blan 3 anai, mơnuih [on sang ha pran tu\ ư le\, kông ti amra pơkra ming phrâo măi mok, đing pơđoh ia. Ia amra hơmâo lu, ia yua hơdjă kơ kual anai”.

Tui hăng ơi Nguyễn Phú Việt – Kơ-iăng khua Jơnum min mơnuih [on sang tơring kual Lạc Dương lăi ră anai hơmâo 4.000 boh sang ano\ mă yua ia pơđoh hăng măi. Khă hnun, mơng rơnuc\ thun 2019 truh ră anai, [ơi dua [ut plơi Bon Đưng 1 hăng Bon Đưng 2 kơ[ah ia yua kơtang biă [ơi 119 boh sang ano\.

Hơdôm boh sang ano\ pơc\ruh prăk khuer ia bơmun đah mơng hơmâo ia yua.

Sa, dua boh sang ano\ khuer ia bơmun laih đah mơng hơmâo ia yua. Tơring glông hơmâo hră mơ-it kơ Kông ti pơc\ruh ngăn brơi ia yua Lâm Đồng pel e\p, sem lăng, pơsir h^ tơlơi anai, brơi ia yua kơ neh met wa.

“Tui hăng tơlơi lăi glăi mơng ană plơi le\ ia yua [u djop. Ră anai, sang măi pơđoh ia yua aka [u pơhiăp tom hăng tơring glông c\i hơduah e\p yua hơget kơ[ah ia đah mơng brơi ia yua djop kơ ană plơi. {ing gơmơi amra krăp lăng laih anun lăi glăi kiăng sang măi pơsir ta` kơ neh met wa”.

Siu H’Mai: Pơblang hăng pôr