VOV4.Jarai-Dơ\ng mơ\ng thun 2009 truh ră anai, tơring ]ar Lâm Đồng hơmâo pơtum truh kơ 65 rơbâo 500 klai prăk man pơdong plơi pla phrâo, amăng anun prăk kơnuk kơna djru 9000 klai prăk, prăk mơnuih [on sang pơ]ruh hrom truh kơ 10 rơbâo klai prăk, prăk djru amăng bruă mă 8 rơbâo 400 klai prăk, prăk djop anom bruă s^ mơdrô djru 5000 klai prăk, do\ glăi mă yua ]an prăk pơko\n 60%.

Kiăng dưi iâu pơtum djop rơnoh prăk anai, man pơdong plơi pla phrâo, djop anom bruă amăng tơring ]ar hơne] mă lu tơlơi gêh gal, jơlan hơdră mơ\ng kơnuk kơna, laih dơ\ng pơtrut bruă mă brơi mơnuih [on sang gum hrom, krăo lăng man pơdong plơi pla phrâo, mơ\ng anun boh tu\ yua tuh pơ alin kơ bruă man pơdong plơi pla phrâo hiam klă biă mă.

Thun 2019, Lâm Đồng hơmâo 12 boh să ]ih anăn ngă djop tơhnal pơkă plơi pla phrâo.

Nay Jek: Pô ]ih hăng pôr