VOV4.Jarai - Tơdah [u gơnang kơ ană plơi le\ tơhan wai lăng glai khă pơđ^ mrô tơhan đ^ 3 wơ\t tu\ mơn ăt [u dưi wai lăng, bong glai lơi.

Anun le\ tơlơi pơhiăp mơng ơi Đoàn Văn Việt – Khoa Jơnum min mơnuih [on sang Lâm Đồng [ơi mông Jơnum klah c\un bruă wai lăng glai pơphun amăng hrơi tom brơi lơ 19/7.

Mơng ako\ thun truh ră anai, hơdôm anom apăn bruă Lâm Đồng hơmâo [uh 324 wơ\t arăn ngă soh tơlơi phiăn wai pơgang glai rưng, hăng rơbêh 38 ektar glai arăng koh drôm, 8 ektar lo\n glai arăng gô| mă.

Anom apăn bruă hơmâo phăk ngă kơđi hình sự 24 tal, pơhrui glăi rơbêh kơ 450 m3 djo\p djuai, nô|p prăk kơ Kơnuk kơna giăm 2 klai 400 klăk prăk.

Khoa Jơnum min mơnuih [on sang Lâm Đồng git gai hơdôm anom apăn bruă hăng gong gai [on lan kiăng hyu pơtô pơblang, pôr pơhing, iâu pơthưr mơnuih [on sang gum wai pơgang glai rưng.

Mơnuih [on sang le\ amăng tơngia, mơtă mơng anom apăn bruă tui anun kah mơng dưi djă bong glai.

Siu H’Mai: Pô c\ih hăng pôr