VOV4.Jarai - Tơring ]ar Lâm Đồng ră anai hmâo rơbêh kơ 513.000 ektar dlai klô, hăng mrô pơgang lon 52,5%.

Yua lu dlai hngô hăng hơdôm dlai amu` apui [ong anun bruă pơgang, pơgăn apui [ong dlai amăng bơyan phang dưi hmâo tơring ]ar Lâm Đồng gleng nao hăng pok pơhai klă ngă tui.

Tơlơi lăp lăi, rơngiao kơ khul pơgang dlai [ơi tơring ]ar, [ing ]ơkă mă dlai wai lăng [ơi hơdôm anih anom dưi lăng le\ khul mơnuih phun amăng tơlơi kơđiăng, hyu tir hăng thâo hmao tlôn lom hmâo apui [ong.

            Bơyan phang anai, rơbêh kơ 14.000 ektar dlai gah Gru\p wai lăng dlai Phi Liêng mơng tơring glông Đam Rông, tơring ]ar Lâm Đồng dưi pơgang kơja\p hloh hơdôm thun hlâo dih.

Bruă pơgang dlai dưi pơ phun gơgrong hlâo, pơ pha mơnuih hyu tir pơplih nao rai kiăng wai lăng hu^ hmâo apui [ong dlai hăng thâo hmao tlôn tơdah hmâo anih apui [ong.

            Ơi K’Tiên, sa ]ô mơnuih ]ơkă wai lăng pơgang dlai pơ\ să Dă K’Nang, tơring glông Đam Rông brơi thâo, yua kơ prak mă yua apah mơng bruă gum hrom ]ơkă wai lăng pơgang dlai đ^ hloh bơhmu hăng hlâo, anun hlơi hlơi leng kơ mơ-ak pran jua, hmâo tơlơi gơgrong biă amăng bruă wai lăng pơgang dlai, pơgang pơgăn apui [ong dlai hluai tui anun mơ\ dưi pơđ^ tui. Ơi K’Tiên, brơi thâo:

            “Dong mơng hrơi dưi gum hrom ]ơkă dlai pơgang truh ră anai lăi biă `u, tơlơi hơd^p mơda neh wa gơmơi plai [ia\ tơnap.

Ră anai neh wa hăng Gru\p wai lăng dlai glăk jah agaih hăng rơmet jum dar dlai kyâu, tơdơi kơ ]uh pơgăn hlâo kiăng huăi hmâo apui [ong dlai kyâu hngô phrâo pla hăng dlai hngô hmâo mơng 3 truh kơ 4 thun”.

            Ơi Lê Văn Tân, Khoa Gru\p wai lăng dlai Phi Liêng, tơring glông Đam Rông brơi thâo, gơnang kơ ngă tui bruă khul [ơi anai, biă `u hơdôm bôh sang ano# ]ơkă wai lăng dlai anun bruă pok pơhai hơdôm jơlan gah pơgang, pơgăn apui [ong dlai bơyan phang [ơi tơring glông glăk dưi pơ phun geh gal.

Truh ră anai, hơdôm kual dlai amu` apui [ong leng pơ phun mơnuih pơ plih hyu tir, gak wai hrơi mlam.

Rơngiao kơ anun, anom ăt pơdo\ng mơn hơdôm gru\p gum hrom lom kiăng, prăp lui pơsir lom hmâo tơlơi apui [ong truh:

            “Iâu pơhrui abih bang khul mơnuih neh wa ]ơkă wai lăng pơgang dlai gum hrom hăng anom bruă rơmet agaih jum dar dlai kyâu, pơ phun bruă pơgang pơgăn apui [ong.

Phun `u truh ră anai anom hmâo ngă giong laih 80% mrô bruă pơgang pơgăn apui [ong dlai.

Ră anai pơ phun pơkra rơnưh do# gak hu^ hmâo apui [ong hăng pơ pha mơnuih do# gak wai.”

            Giăm hăng dlai Phi Liêng, rơbêh kơ 50.000 ektar dlai gah Gru\p wai lăng dlai Sê-rê-pôk gah tơring glông Đam Rông (Lâm Đồng), ăt glăk dưi wai lăng mơn hăng lu jơlan gah pơgang pơgăn apui [ong.

Rơngiao kơ pok pơhai jơlan gah 4 mơta bruă hơđăp, Gru\p wai lăng dlai Sê-rê-pôk ăt pơdo\ng mơn hơdôm khul mă bruă lom kiăng [ơi hơdôm kual kiăng prăp lui pơsir lom hmâo apui [ong dlai.

            Tui hăng ơi Nguyễn Trọng Đức, Kơ-iăng Gru\p wai lăng dlai Sê-rê-pôk, amăng hơdôm khul pơgang, pơgăn apui [ong dlai, anom bruă đing nao biă hăng ngă tui klă bruă khul mơng rơbêh kơ 20 rơbâo 800 bôh sang ano# ]ơkă wai lăng pơgang dlai.

Anai le\ khul mơnuih phun amăng bruă thâo krăn hmao tlôn tơdah hmâo apui [ong:

            “{ing gơmơi pok pơhai nao pơ\ hơdôm bôh anom gak wai, pơdo\ng hrim jơlan gah pơgang pơgăn apui [ong dlai ha jăn, khom pơ pha hơdôm anih anom do# gak ôh mơ\, biă `u khul ]ơkă pơgang dlai. Kiăng kơ lom hmâo apui [ong le\ khom hmâo djop mơnuih pơgăn.

Pơsit pran jua le\ kiăng kơ bruă pơgang pơgăn apui [ong jing tơlơi gơgrong hrom mơng m[s, plai [ia\ hloh ano# răm rai hăng dlai klô yua kơ apui [ong ba truh”.

            Ayuh hyiăng glăk phanh kho#t, amra hmâo apui [ong dlai prong biă.

Hăng hơdôm jơlan gah glăk pok pơhai klă bruă ngă tui, tơring glông Đam Rông lăi ha jăn hăng hơdôm kual pơkon mơng tơring ]ar Lâm Đồng lăi hrom hmâo gơgrong hlâo hăng pơhlôm ngă klă bruă pơgang, pơgăn apui [ong dlai amăng bơyan phang thun anai.

                                                                        Siu H’ Prăk: Pô ]ih hăng pôr