VOV4.Jarai - Lâm Đồng jing tơring ]ar tal 60 amăng đơ đam dêh ]ar ta hmâo klin pơtah ]roh [ơi un.

Hrom hăng bruă ngă khop pok pơhai hơdôm bruă pơgang, pơgăn klin ruă, tơring ]ar Lâm Đồng ăt pơtrut kơtang mơn bruă lăi pơhing kơ mơnuih [ôn sang, anun mơnuih blơi yua ăt hơđong pran jua mơn mă yua gơnam pơkra mơng a`ăm un pơhlôm.

Klin pơtah ]roh [ơi un hmâo [ơi tơring ]ar Lâm Đồng glăk lar hyu ta` biă. Đơ đam tơring ]ar hmâo 5 bôh tơring glông, plơi prong [uh tơlơi klin ruă hăng rơbêh kơ 2.000 drơi un pơrai lui.

Khă hnun hai [ơi hơdôm bôh sang ]ơ, mơnuih blơi yua ăt [u pơwuêr ro\ng hăng a`ăm un mơn.

Wa Đoàn Thị Huyền Sâm, pô s^ mdrô a`ăm un [ơi sang ]ơ Hoàng Diệu, phường 5, plơi prong Đà Lạt brơi thâo, mrô gơnam blơi mut hmâo phun akha rơđah rơđông, hmâo gru pel e\p anun ăt blơi s^ kah hăng tơđar mơn:

“Hơdôm hrơi hmâo klin ngă kơtang tui anun, kâo mă [ơi anih hmâo ara\ng đăo gơnang, kual [u hmâo klin ngă, mă un hmâo gru pơđom mơng anom bruă ia jrao hlô mơnong.

Lăi hrom, mrô mơnuih blơi ăt hơdư\ mơn samơ\  [u lu ôh năng ai `u 10%. Hrơi hlâo, kâo s^ 100% ră anai s^ hmâo 90%”.

Bơ\ amai Nguyễn Thị Nhân, pô anih s^ a`ăm un [ơi sang ]ơ Phan Chu Trinh, plơi prong Đà Lạt le\ brơi thâo, rim hrơi ăt s^ abih mơn 2 drơi un, hăng rơnoh noa [u pơplih ôh, mơng 80.000 – 85.000 prăk lom sa kg:

“Mơng hrơi hmâo klin ngă truh ră anai anai kâo akă pơdơi s^ hrơi hơpă ôh. Sang kâo ăt s^ hmâo mơn 2 drơi un amăng sa hrơi”.

Yua kơ ngă klă bruă hyu lăi pơhing, mơnuih blơi yua [ơi tơring ]ar Lâm Đồng thâo hluh rơđah kơ klin pơtah ]roh [ơi un [u djơ\ nao [ơi anăp tơlơi suaih pral ană mơnuih.

Amai Đinh Thị Dung, [ơi phường 9, plơi prong Đà Lạt brơi thâo, sang ano# ăt blơi yua mơn a`ăm hmâo phun akha rơđah rơđông, hmâo gru pơđom mơng anom apăn bruă ia jrao hlô mơnong:

“Kâo thâo kơ a`ăm un [u bơdjơ\ nao tơlơi suaih pral ană mơnuih, kơnong kơ lar hyu mơng un anai truh un adih. Anun sang ano# kâo ăt blơi yua kah hăng tơđar mơn.

Lom pơkra a`ăm un khom pơhlôm hơtuk tơsa\, riă to\ng amra [u bơdjơ\ nao ôh tơlơi suaih pral ta. Kâo juăt blơi a`ăm un [ơi siêu thị [udah hơdôm anih s^ mliă hmâo gru pơđom rơđah rơđông”.

Tơring ]ar Lâm Đồng ră anai hmâo pu\ un rơbêh kơ 400.000 drơi un. {ơi anăp tơlơi klin pơtah ]roh [ơi un glăk  ngă dleh tơnap, khul mơnuih mă bruă gah ia jrao hlô mơnong hmâo pok pơhai hơdôm bruă pơgăn, wai lăng kơja\p bruă du\ pơgiăng, ]uh tă a`ăm un hăng s^ a`ăm un.

Ơi Phạm Phi Long, Khoa Anom wai lăng bruă ]em rông, ia jrao hlô mơnong, akan hơdang tơring ]ar Lâm Đồng pơtă, mơnuih blơi yua amra hơđong pran jua lom blơi [ong a`ăm un, anăm hmâo tơlơi pơmin pơwuêr ro\ng hăng hơdôm a`ăm pơkra mơng mơnong un ôh.

“Lom klin ruă truh, gơnong bruă rông hlô, ia jrao hlô mơnong hmâo pơkiăo nao na nao mơnuih apăn bruă pơ\ hơdôm anih anom kiăng lăng tui.

Gơnong bruă kơtưn hyu lăi pơhing truh m[s ngă tui 5 [u hmâo amăng bruă pơgang, pơgăn klin ruă.

Biă `u, tơlơi ruă anai kơnong kơ lar hyu [ơi un mơ\ [u tưp kơ ană mơnuih ôh.

Yua anun djop mơnuih anăm pơwuêr ro\ng hăng hơdôm mơta gơnam pơkra mơng mơnong un hmâo găn rơgao pel e\p pơhlôm gơnam [ong huă”./.

Siu H’ Prăk: Pô ]ih pơblang hăng pôr