VOV4.Jarai - Lâm Đồng hơmâo rơbêh 513.000 ektar glai rưng, lu biă mă `u le\ glai kyâo hơngô hăng djuai phun amu` apui [ong. Ră anai, bruă pơgang pơgăn apui [ong glai amăng bơyan không phang glăk hơmâo tơring ]ar pk pơhai ngă bruă. Amăng anun, [ing gơgrong wai lăng glai le\ pô kiăng kơđiăng hloh, ba jơlan hlâo hyu tir hăng ta` [uh anih apui [ong.

Hăng tơlơi gir run kho\m pơgang plai [iă hloh tơlơi răm rai amăng gkai rưng yua apui [ong ngă, amăng bơyan phang anai, giăm 51.000 ektar glai rưng gah Anom wai lăng glai rưng Srêpok tơring glông Dam Rông (Lâm Đồng) hơmâo pơgang apui [ong glai klă hloh pơhmu hăng mơng hlâo.

Pô wai lăng glai hăng hơdôm boh sang ano\ gơgrong wai lăng glai lêng brơi mơnuih nao lăng, hyu tir đah mơng pơgăn ta` [iă tơdah hơmâo apui [ong. Tui hăng ơi Vũ Công Tuấn, Kơ-iăng Khua anom wai lăng glai rưng Srêpok brơi thâo, yua prăk apah wai lăng glai rưng lu [iă yua hnun mơnuih [on sang thâo pơmin wai lăng klă hloh mơn.

“Bruă pơgang apui [ong glai rưng mơng Anom wai lăng, biă mă `u le\ hăng đang glai hơngô jing tơlơi yôm biă mă. Ră anai, bruă kih rơmet mơnong amu` pơtuh hơmâo ngă giong laih. Abih bang atông do\ gak amăng glai lêng hơmâo mơnuih do\ lăng laih anun brơi [ing gơgrong bruă nao wai lăng, hyu tir hrơi mlăm mơtăm”.

Tui anun mơn, 14.000 ektar glai rưng gah Anom wai lăng glai rưng Phi Liêng, tơring glông Dam Rông (Lâm Đồng) ăt glăk hơmâo pô wai lăng glai hăng gong gai [on lan ngă hro\m lăi pơthâo lu hơdră pơgang pơgăn apui [ong glai.

Ơi Nguyễn Văn Quân, Khua Jơnum min mơnuih [on sang să Dạ K’Nàng, tơring glông Dam Rông brơi thâo, rơngiao kơ tơlơi c\râo bruă 4 [ơi anih, să ngă hro\m hăng pô wai lăng glai ako\ pơjing grup tơhan do\ gak [ơi hơdôm puih kơđông anet kơjăp bruă pơgăn glăi tơdah apui [ong glai.

“Hro\m hăng ngă hro\m tom Anom wai lăng glai rưng Phi Liêng jơnum mơnuih [on sang c\i pơtô lăi, biă mă `u le\ hơdôm boh sang ano\ wai lăng glai, ngă klă bruă wai lăng hăng do\ gak pơgăn apui [ong glai amăng bơyan không phang anai”.

Ăt tui [ơi tơring glông Dam Rông mơn, sa, dua anih pơko\n amu` hơmâo apui [ong glai hloh [ơi Lâm Đồng ăt lăi pơthâo lu hơdră pơgang pơgăn apui [ong glai. Tơring ]ar prăp lui prăk kăk hăng 38 pok hră pơgang pơgăn apui [ong glai, kơjăp bruă pơgang djop mơta tơlơi truh tơdah hơmâo.

Siu H’Mai: Pơblang hăng pôr