VOV4.Jarai - Jơnum min m[s tơring ]ar Lâm Đồng hmâo ba tơbiă tơlơi pơsit phak Sang bruă bơwih [ong m[s gah rơhuông adai lon  mơnai Năng Lượng Xanh 350 klăk prăk yua kơ dor lo\p [u djơ\ phiăn djah tơnap lik.

Sang măi pơsir djah tơnap lik Đà Lạt dor lo\p djah [u djơ\ phiăn amăng rơwang lon sang măi

Hlâo kơ anun, Tơhan polis pơgang rơhuông adai lon mơnai Lâm Đồng hmâo mă Sang măi pơsir ia djah Đà Lạt (kual mrô 163B, să Xuân Trường, plơi prong Đà Lạt) do\p dor lo\p năng ai `u 30.000 m3 djah tơnap lik (năng ai `u 40.000 tơn) [ơi kual lon sa ektar, pơ ala kơ prai lui hăng măi mok ]uh lui.

Khul kông ang [uh hmâo năng ai `u 30.000 m3 djah tơnap lik akă pơsir do\p dor lo\p amăng lon

Hrom phak tơhmal hăng prăk, Jơnum min m[s tơring ]ar Lâm Đồng khom ngă Sang bruă Năng Lượng Xanh hơkru\ pơsir tơlơi dor lo\p djah tơnap lik anai./.

Siu H’ Prăk: Pô c\ih hăng pôr